1 Reyes 19:13 - Biblia Dc en Mixe de Quetzaltepec

¹³ Ko ja Elías tmëtooy, tä ënätyë nyäwyinkuju'uxëyë mëët yë nyijän, pëtsëëm jap aankjoty ma ënety yajpaatyën ets tyënaay'o'oyëy ma ja aank yajnitëkën. Tä tu'uk ja mëto'owën tyukja'ajtë, mëti'ipë nëmaayën: ¿Tiitën jää mtuumpy mijts Elías?

Biblia Mixe de Quetzaltepec

¹³ Ko ja Elías tmëtooy, tä ënätyë nyäwyinkuju'uxëyë mëët yë nyijän, pëtsëëm jap aankjoty ma ënäty yajpaatyën ets tyënaay'o'oyëy ma ja aank yajnitëkën. Tä tu'uk ja mëto'owën tyukja'ajtë, mëti'ipë nëmaayën: ¿Tiitën jää mtuumpy mijts Elías?

1 Reyes 19:13 ပူးပေါင်းရင်းမြစ်များ

1 Reyes 19:9

Ko jam jyä'äjty jap ojts aankjoty tyëkë ets jap myääy. E ja Wintsën jä'ä tsu'um ojts myëkäjpxyë ets y'ënëmaayë: ¿Tiitën yaa mtuumpy mijts Elías?

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Isaías 6:2

Jam pyë'am jamtëm näjyëtu'un yajpaatë ja Wintsën ja kyukäjpxy, kujkyë tyänëtë, tëtujk yë kyäkn, tëkëëk tu'kpa'ajaty: mäjtsk tuk'ëtuktë ja wyiin jyëjp, mäjtsk tuk'ëtuktë ja pyuuy ets mäjtsk tukääkjëtitë.

1 Reyes 18:42

Ja Ahab ojts ja nyijkxy ma jyëën tyëjkën kääpyë ukpë. E ja Elías jam ojts nyijkxy tunkëjxm ma kyëpäjta'ayën ja kopk mëti'ipë yajtijpën Carmel, jamts nyäkyoxtënaaytyakë ëmuumtu'ukjot,

Éxodo 33:23

Ënätës yë nkë'ë ok njëpëka'any, täätsës nëjkx yi'iyë xy'ijxë yë njëxk, jä'ä ko yë nwiin njëjpës ka'ap mëpaat ni pën t'ixy.

Génesis 16:8

ets yajtëëwë: Agar, mëti'ipë tuunpë'ajtëpën yë Sarai. ¿Maa jëtu'un mtsoony? ets ¿maa jëtu'un mnëjkxy? Ënet ja Agar y'ëtsooy: Yë'ëjës nkukekpy yë nwintajës Sarai.

Hebreos 11:37

Wiinkpë ojts y'ooktë kuka'atsy ets ojts yajjë'ëtwa'ktë kujkm, ëkë kupuxy mëët ja mëtyäät. Tam mëti'ipë ja wyit xyox kakaajtën, tsajppax ak kupixyny jyaak wit'ajtëp ets yaj'ëyow yaj'ama'at jyëtijtë wyimpäjtë jyëjptaktë.

2 Reyes 2:8

Ënet ja Elías nyätyuknijääntutë ja nyijän ets t'axa'tsy, tääts yë'ë mëët ojts ja mëjnëë twojpyu'kxy, ënätyë ja nëëjot nyäwya'kxë mäjtskpëky ets jëtu'un tuknajxtë të'ëts wa'ats, tä jeexyë nëëwintë'ëtstuuy ye'eytyën.

Jonás 4:5

Ënet ja Jonás tsyo'ony ma ja naax kajpnën ets ojts nyijkxy jam xëëwpëtsëmtsyow; jam yë tyëjkxo'omy t'oytyuuny ets nyaaxwe'tsy jap niktujp, jä'ä y'ijx'ijtyp wi'ix ja naax kajpn jyäty.