1 Reyes 19:11 - Biblia Dc en Mixe de Quetzaltepec

¹¹ Ets ja Wintsën ojts y'ënë'ëmxëty: Pëtsëm jap tëja'p ets xywyinkuwa'akëtyës jam kopkkëjxm. Tam ënety jëtu'un yajpaaty kopkkëjxm ko ja Wintsën jam nyäjxy mëët yë mëkpoj, tyimkë'ëtswa'kx ja kopk ets ja tsaa piw nuuk tuuntaay jam Wintsën wyintum; je'eyëp ko ja Wintsën ka'ap ënety jap yajpaaty pojjoty. Ko jëtu'un y'ëknajxy ja mëkpoj tä ojts ja naaxwiinyëtë tyëkë yu'kxpë, mëk jyänty yu'kxy, je'eyëp ko ja Wintsën ka'ap ënety jap yajpaaty.

Biblia Mixe de Quetzaltepec

¹¹ Ets ja Wintsën ojts y'ënë'ëmxëty: Pëtsëm jap tëja'p ets xywyinkuwa'akëtyës jam kopkkëjxm. Tam ënäty jëtu'un yajpaaty kopkkëjxm ko ja Wintsën jam nyäjxy mëët yë mëkpoj, tyimkë'ëtswa'kx ja kopk ets ja tsaa piw nuuk tuuntaay jam Wintsën wyintum; je'eyëp ko ja Wintsën ka'ap ënäty jap yajpaaty pojjoty. Ko jëtu'un y'ëknajxy ja mëkpoj tä ojts ja naaxwiinyëtë tyëkë yu'kxpë, mëk jyänty yu'kxy, je'eyëp ko ja Wintsën ka'ap ënäty jap yajpaaty.

1 Reyes 19:11 ပူးပေါင်းရင်းမြစ်များ

Job 38:1

Ënet ja Dios t'ëtsoowinpijty ja Job mëët ja mëktuupoj.

Salmos 50:3

Yë nTios'ajtëm tää myiny wyinkony, ka'ap Amón api'its myiny: jëënmëët myiny mëti'ipë winë yajtooytyëkoopyën, ets wyintuuy pyë'aay mëk tuu mëkpoj mëët ye'ey.

Salmos 68:8

ojts yë naaxwiinyëtë yu'kxy ets ojts yë mëk komtuu kyëtä'äky naaxkëjxy mëti'ipë tsajpwinm tso'onpën, yë Sinaí kopk näjyëtu'un jyänty yu'kxtäky Dios wyintuuy, ma ja Israel ja'ay Tyiosëtyën.

Salmos 68:9

Mijts Dios, tëë xyajtu'uy xyajpojy mëj këjää, ets të xyajxooky ja naaxwiinyëtë ma ënety tsyë'ëtsëtyën ets jëtu'un jatëkok y'ajämë.

Éxodo 19:16

Ko tyëkëëkxëëwpejty, ënät ojts yajmëtoy y'ënaantä'äky y'ëtëtstä'äky yë ënääw wëtsuk ets nyäkyo'ktaayë jam kopkkëjxm yë yoots nëma'a, je'eyë yaj'ijxnë koots pëmiinë, e ko yajmëtoowpaty, jëtu'un tä ja'ay yë pujxnxuxn mëk tukxu'uxyën, ënät ojts yë tsë'ëkë tyuktëjkëtya'ajëtë ja ja'ayëty.

Éxodo 19:20

Yë Dios jam kyëtäky ma jawäänë këjxmëpë ja Sinaí kopkën ets ojts t'ënëëmë ja Moisés ets jam pyätëty. Tä ja Moisés pyejty jam,

Éxodo 20:18

Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Éxodo 24:12

Jëtu'un yë Dios t'ënëmaay yë Moisés: Pät jam ma kopkën, maas ëjts nyajpaatyën ets jamës xy'ëwxitëty, jam nmo'oja'any mäjtsk yë tsaatsetsy maas të nkëxja'ayën yë ënä'ämën tëyajtën mëti'ipë yë Israel ja'ayëty pyatuntëpën.

Éxodo 24:18

Tä ja Moisés ojts jap tyëjkënë yootsjoty ko jam pyajnë kopkkëjxm, jä'ä jam kopkëjxm y'ijty wëxtyikxy xyëëw wëxtyikxy tsyu'um.

Éxodo 34:2

Nänyi''ixët näjyëtu'un ets jopy tsojk mpa'tëkëty ma Sinaí kopkën, jam jopy näpyatëmëty ma kopk kupi'tykyën.

Éxodo 34:6

Jam ojts nyäxy winkon ma ja Moisés yajpaatyën ets mëk y'ënäny ja mëto'owën: Yë Wintsën, yë Wintsën. Yë Dios mëti'ipë oyjyot oywyinma'any myëët'ajtypyën, mëti'ipë pa'ëyoop najts'ëyo'owëpën, mëti'ipë mä'kxtujkpën ets mëj këjää tsyoky jyawë ets aak mëtëy winë tuny.

Isaías 30:30

Yë Wintsën yajmëtowanëp ja y'aaw y'ayuk mëët ja mëj'ajtën kuttujkën ets tyaj'ixa'anyë ja myëk'ajtën, atsë'ëk ajawë winë tuna'any; yë'ë yajtunäämpy jëën, ënääw, tuu ets tëtsn tuu.

Ezequiel 1:4

Ënätës të n'ixy ko jam anëkëjxmtsow të tsyoony yë tuupoj, jap mëj yootsjoty pyëtsimy jëënën, jëtu'un y'atë'kxy wëtsukën ets na'ëwtityë mëk tyi'kxy. E jam jëënjotm jëtu'un yaj'ixy y'atë'kxy tsuxkpujxnën,

Ezequiel 37:7

Ënätës ojts ja maypyajk nmëmëtyä'äky jëtu'un ijxtëm ënety të nyajtuk ëne'emyënës. Tamës ënety nmëkäjpxy koos nmëtoowpaty y'amu'uy jëtu'un tä ujxën, ënät ja maypyajk ojts nyämyujkta'ayë nixim niyam.

Nahúm 1:3

Yë Wintsën mä'kxtujkp yë'ë ets maaytyääyëp winë, je'eyëp ko kopkpëky ko tëytyuny mëti'ipë tuuntëkoopyën. Yë Wintsën ye'epy jëtijtp tuupojjoty ets yoots nëma'a yë'ë jëtu'un jya'ap naaxwayën ma tyekpya'tkën.

Zacarías 14:5

e miitsëty jamtsow nëjkx mkä'äktë ma ja olivë kopk mäjtskpëky të nyäwyä'kxyën mëti'ipë jampaat ja'ajtpën Asal, awinmtsow. Jëtu'un nëjkx mkä'äktë tä tëëyëp kyäktën yë m'ap m'okëty ko ja naaxwiinyëtë ojts mëk yu'kxy ma ënety yajkutukyën yë Ozías, mëti'ipë jam ënä'ämpën Judá. Ets nëjkx myiny yë Wintsën mëët yë tyuunpëtëjk mëti'ipë ënety oy të myëtunyën.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Mateo 24:7

Jä'ä ko tsiptunantëp ja naax kajpn nixim niyam naaxwiinyëtë apëtsëmy. Itaanp ja yuu xëëw ets ja naaxwiinyëtë yu'kxa'any xiitsow yaatsow.

Mateo 28:2

Ajotkumonë tyëjkëy naaxwiinyëtë yu'kxpë, jä'ä ko tu'uk ojts ja Dios ja y'anklës tsyoony tsajpjotm ets kyëtäky naaxwiinyëtë, jam jut'ëkë'ëm nyäpyëjktakë ets tjëkëëy ja mëjtsaa mëti'ipë ënety ja jut y'akë'ë'ajtypyën.

Hebreos 12:26

Ko ja Dios ojts kyäjpxy kopkëjxm, ojts yu'kxy ja naaxwiinyëtë, e tyam jëtu'un y'ënä'äny: Nyajyu'kxäämpyës jatëkok ja naax; je'eyëp ko ka'ap yi'iyëty naax, näjyëtu'un ja tsajp.

Apocalipsis 11:19

Ënet ja Dios ja tyëjk y'ëwatsy jam tsajpjotm ets n'ijxyës jap ja kaaxë mëti'ipë myë'ijtypyën ja käjpxytyu'unën, ënät ja wëtsuk të y'ëtëtstä'äky, ja aaw ayuk të yajmëtoy, ja ënääw të y'ënaantä'äky, të tyëkë ja naaxwiinyëtë yu'kxpë, të tsyëyuuypyiky ets të tyëkë mëk tëtsntuupë.

Apocalipsis 16:18

Ënet myiiny ja ënääw wëtsuk ets mëk ujx myiiny mëti'ipë ka'anëm nijëna'a yaj'ixy yajnijawënëm jënu'un ja naaxwiinyëtë ja'ay jyuuky'atën.

Apocalipsis 20:11

Ënet n'ijxyës tu'uk mëti'ipë u'unyääpyën ma ja poop kutujktaknën. Winëjaty tyimtëkooytyääy yë'ë wyintum wyinkujkm: ja tsajp ets ja naax, nimaa tii kya'ëkyaj'ijxnë.

1 Samuel 14:15

Tëkokyë ja filistejë ja'ayëty mëti'ipë ënety jam yajpatëpën ma ja y'ijtaknëtyën ets mëti'ipë ka'apën ojts ja tsë'ëkë tyuktëjkëtya'ajëtë. Jëtu'un ja tsiptuunpëtëjkëty mëti'ipë këwent'ajtëpën ets mëti'ipë je'eyë tsiptuuntëpën ojts tsyë'ëkëtëjkëtya'atë. Jää ojts näjyëtu'un yë naaxwiinyëtë yu'kxy mëk ets ja ja'ayëty ni'ikyë tsyë'ëkëtëjkëtyääytyë.