1 Reyes 18:7 - Biblia Dc en Mixe de Quetzaltepec

⁷ Jamts tu'ujotm ojts ja Abdías mëët nyäpyäätyë ja Elías, ko ja Elías twinkuwa'këy ja Abdías mëk wyintäky nyaaxkooy tyajkëxë'ëky jëtu'un ja näwyinkutsë'ëkë ets y'ënäny: Mijts yowë mxëëw'ajtyp Wintsën Elías.

Biblia Mixe de Quetzaltepec

⁷ Jamts tu'ujotm ojts ja Abdías mëët nyäpyäätyë ja Elías, ko ja Elías twinkuwa'këy ja Abdías mëk wyintäky nyaaxkooy tyajkëxë'ëky jëtu'un ja näwyinkutsë'ëkë ets y'ënäny: Mijts yowë mxëëw'ajtyp Wintsën Elías.

1 Reyes 18:7 ပူးပေါင်းရင်းမြစ်များ

Mateo 11:8

Ets pën ka'ap, ¿tii ojts xynyinëjkxtë ets tii ojts xy'ixtë? ¿Tu'uk ja ja'ay janty tsujpë xyoxyëtyënë? Mnija'awëtëp miits mëti'ipë janty tsuj näxyojxëtëpën, jam ja y'itë ma ja yajkutujkpë tsyëënëtën.

Mateo 3:4

Jëyujk jëku'ux ak ijty yë Juan nyixox'ajtyp, po'o wyëën'ajtyp, mu'u tsyu'tsyp ets uuxpa'ak y'ukpy.

Isaías 60:14

Ja ja'ay ja y'u'unk y'ëna'këty mëti'ipë ëxëëk të mtunyën, nëjkxëp mniminyë ets mwintsë'ëkëja'anyë; tëkokyë mëti'ipë ka'ap të mëj ixyën nëjkxëp mniminyë ets mwinkoxtänëja'anyë, ets nëjkx mtijyë ja Wintsën ja kyajpn, ja Sión mëti'ipë ja Wintsën jyä'ä'ajtypyën, ja wa'ats Dios mëti'ipë jam yajpatpën ma Israel ja'ayëtyën.

1 Reyes 11:29

Tu'kxëëw ojts tëkok tsyoony yë Jeroboam jam Jerusalén, ets nyäpyatë jam tu'u'am mëët tu'uk ja käjpxynyajxpë mëti'ipë xyëëwajtypyën Ahías, jam kyukajpnëty Siló, yë'ë wyit'ajtyp jemnyijän. Atu'ukjaty ojts nyäpyaatëtë jam tu'ujotm,

2 Samuel 19:18

ets tuknajxy ja mëjnëë, tputëkëja'any ja yajkutujkpë ja y'u'unk y'ëna'k ets ja y'u'unk tyo'oxytyëjk ma ja mëjnëë jam tuknaxa'antën; jëtu'unts tmë'oypyëka'any ja yajkutujkpë. Tam ënety ja yajkutujkpë tyimnëëtëjkënë, ko ja Simí twinkuwa'këy,

1 Samuel 20:41

Ko ja Jonatán ojts ja tyuunpë nyëjkxnë, ënät ja David pyëtsiimy jap tsaajëxkë'py ma ënety yu'utsy të y'ityën. Ko twinkuwa'këy ja Jonatán tëkëëk ok ojts nyaaxkoy tyajnikëxë'ëky jëtu'un ja näywyinkutsë'kën, tääts nyämyajts nyämyënäänëtë ets nimäjtsk jyiiytyë yaxtë, tä ja David ojts jyotkujkë.

Génesis 50:18

Ënet ojts myintë ja myëkä'äxtëjk ets nyaaxkoowtë jam wyintum, nyäjyijtakëtë naaxkëjxy ets y'ënëmaayëtë: Tyaa ëëtsëty nyajpaatë mkë'ëjoty, jëtu'unës xywya'antëty tä mëtuunpë m'ëyoopën ka'apë yajmëjuyën.

Génesis 44:33

Paaty yam mijts nmënu'kxtä'äky etsës xyajwë'ëmëty, wä'änës yë n'uty nkutuny ets yë'ë wä'än tnëjkxy mëët yë y'äjtytyëjk.

Génesis 44:20

ets ojts ëëtsëty n'ëtsowtë ko nmëët'atës yë nteety ets tëë myëjja'ayënë ets tu'uk yë n'utyëtyës mëti'ipë mutsknëmën, mëti'ipë ojts jää myëxu'unk'atyën ma ënety yë nteetyëtyës të myëjja'ayënën. Jëtu'un ojts mijts n'ënëëmëtë ko yë nteetyëtyës tsyojkpy jya'ap oy yë myaank, jä'ä ko yi'iyë tu'uk jyaak u'unk'ajtyp ma tu'ukyë tukmuktën ja tyaak tyi'tskëty, jä'ä ko ja y'äjty ojts ja y'o'knë.

Génesis 44:16

Tä yë Judá y'ëtsooy: ¿Wi'ix ëëtsëty mijts n'ëk'ëtsowtëty? ¿Wi'ix ëëtsëty n'ëk'ëna'antëty, ko ka'ap tii ëxëëkpë ntuntë nkajpxtë ets ka'ap ëëtsëty npokymyëët'atë? Yë Dios yë'ë tëy wa'ats nyija'ap, ko ëëtsëty pokymyëëtës nyajpaatë. Tyaa ënät ëëtsëty mijts xykyë'ë'am'atë, yajtuuntëkës ijxtëm mijts xytyimtsokyën, tu'ukyë mëët mëti'ipë ënety myëët'ajtypyën ja a'ukën xya'kjoty.

Génesis 18:12

Paaty yë Sara ka'ap ënety t'ëkmëmëtaknë amë'pxy y'itëty. Tääts tukxiky, tyaa ënety myäy tyäjy: ¿Wi'ixëm jëtää u'unk maay tyam n'ëkmëmay n'ëkmëtajëtyës, pën yë nye'etyëjkës ets ëjts tëëjës tu'knax nmëjja'ayënëtë?

Génesis 18:2

Ko ojts ja Abraham y'ijxë'ëky, ënät t'ijxy nitëkëëk yë ja'ay wyintänëty ye'etyëjk. Ko jëtu'un t'ixy ojts pojën y'ëxwä'ätsë'ëky ets ojts t'ëëwpo'kxy tkajpxpo'kxy.

1 Reyes 18:6

Ënet ojts tyajwa'kxtë ja naaxjot mëti'ipë nëjkx tukjëtitëja'antën, Ahab ëpëky ojts ja tu'u tpëk, e ja Abdías nän wiink tu'u pyëjk.

1 Reyes 18:8

Ëjts jëtu'un nxëëwajtyp, jëtu'un y'ëtsooy ja Elías. Ets ja Elías jyaak'ënany: Nëjkx ënëëmë yë mwintsën koos tyaajës nyajpaaty.