1 Reyes 18:45 - Biblia Dc en Mixe de Quetzaltepec

⁴⁵ Tä ja Ahab tukpejty ja pyujxnwintëkäämpë ets ojts nyijkxy jam Jezreel. E ja yoots nëma'a wa'ats tyawintujktaay ja tsajp mëët ja nëë tuu ets ja poj ënääw, tääts kyupëtsajtsnajxy komtuu.

Biblia Mixe de Quetzaltepec

⁴⁵ Tä ja Ahab tukpejty ja pyujxnwintëkäämpë ets ojts nyijkxy jam Jezreel. E ja yoots nëma'a wa'ats tyawintujktaay ja tsajp mëët ja nëë tuu ets ja poj ënääw, tääts kyupëtsajtsnajxy komtuu.

1 Reyes 18:45 ပူးပေါင်းရင်းမြစ်များ

2 Reyes 9:16

Ënet ojts tukpety ja pyujxnwintëkäämpë mëti'ipë myëtsiptuunpyën ets ojts nyijkxy jam Jezreel, yë Joram tsyëtyut ënety jam myëko'knääpy. Näyjyëtu'un yë Ocozías mëti'ipë yajkutujkpën jam Judá tëë ënety tninëjkxy yë Joram.

1 Reyes 21:23

E mëët yë Jezabel ënätpë, yë Wintsën jëtu'un të y'ënä'äny: Yë uk yë'ë nëjkx tsu'utstë twëtstë ja Jezabel ja nyini'kx jam kamjotm tu'ujotm ma txëëwatyën Jezreel.

1 Reyes 21:1

Nyäjxy jëtu'un ja xëëw jëmëjt, jam ënety tu'uk yë ja'ay tsyëënë Jezreel, jä'ä xyëëwajtyp Nabot, jam ijty tmëëtëty tu'uk yë tsatsymkyam, winkon ma ja yajkutujkpë Ahab ja kyutujktaknën mëti'ipë jam ënä'ämpën Samaria.

2 Samuel 21:14

jam tyajnaaxtëjkëtyë yë Saúl ets Jonatán yë wyääy pyajk ma Quis jam kyo'knën, Saúl yë tyeety, jam Selá, ma Benjamín yë nyaax kyajpnjotmën. Jëtu'un tuuntë winë tä ënety ja yajkutujkpë të tni'ënä'ämën. Ko jëtu'un y'ëktuun y'ëkjajtë tä ja Wintsën tyajtuuy tyajpojy ma ja naax kajpnën.

Josue 19:18

Ojts tjä'ä'atë ja naax kajpn mëti'ipë xyëëwajtëpën Jezreel, Quesulot, Sunem,

Josue 17:16

Tääts y'ëtsoowtë: Tääpë kopkjot ka'ap yë myëta'akëty etsës nyajtuntëty. Yë Canaán ja'ayëty jampë jyuuky'atën joyjyotm myëët'ajtëp yë pujxnwintëkäämpë mëti'ipë myëtsiptuuntëpën, näjyëtu'un mëti'ipë tsënaaytyëpën Bet-sean ets ma tëkokyë ja myutsk kajpnëtyën ets jampë yajpaatën ma Jezreel joyjyotmën.

2 Samuel 2:9

jamts ojts tkënu'kxy ets yë'ë y'ënä'ämëty yajkutukëty jam Galaad, jam Guesurí, mëti'ipë Jezreel nyitënääpyën, ma näjyëtu'un tnitänën yë Efraín, yë Benjamín ets ma tëkokyë yë Israel tnitänën.

Santiago 5:18

Koonëm jatëkok ja Dios tja'amyejtsy ets ja nëë tuu myiiny, ënät ja ja'ay ja pyëjktä'äky y'ijtë.

Jueces 6:33

Ënet ja Madián ja'ayëty ets ja Amalec ja'ayëty tëkokyë mëti'ipë ënety jam tsënaaytyëpën awinmtsow tyu'ukmujktaaytyë ets tuknajxtë ja nëë mëti'ipë yajtijpën Jordán ets jam nyäpyëjktakëtë ma txëëwatyën ja joyjyot Jezreel.

Job 37:13

Tëkokyë mëti'ipë tuunëpën jajtëpën aakyë'ë Dios tyuunpy ets tëytyuna'any ja naaxwiinyëtë ëkë ets tsoka'any tjawëja'any.