1 Reyes 18:32 - Biblia Dc en Mixe de Quetzaltepec

³² Yë'ë ojts mëët tyaj'oyë ja Wintsën ja wyintsë'këntyakn ets ojts tnëëtu'utajy na'ëwtity ma ja wintsë'këntyaknën. Jää i'px tsimën ja nëë jap tyëkëty.

Biblia Mixe de Quetzaltepec

³² Yë'ë ojts mëët tyaj'oyë ja Wintsën ja wyintsë'këntyakn ets ojts tnëëtu'utajy na'ëwtity ma ja wintsë'këntyaknën. Jää i'px tsimën ja nëë jap tyëkëty.

1 Reyes 18:32 ပူးပေါင်းရင်းမြစ်များ

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Dios ja kukajpxën Jesukristë mëët.

1 Corintios 10:31

Jëtu'unës yam n'ëna'any, pën mkaaytyëp m'uktëp, ëkë pën tii mtuuntëp mkajpxtëp, jëtu'un winë tuntë ijxtëm ja Dios yajtukmëjjawëtyën.

1 Samuel 7:17

Ko tyajwintu'upëjktaay tääts ijty jatëkok jam wyimpity Ramá ma ja y'ijtaknën ets ijty t'ëne'emy tëkokyë ja Israel kajpn. Ojts jam näjyëtu'un tyajkojy tu'uk yë wintsë'këntyakn mëti'ipë yë Wintsën tyukyajnikojëyën.

1 Samuel 7:9

Ënet yë Samuel ojts tu'uk tyaj'ooky yë kupixyny u'unk ets tukwinno'ky yë Dios, ets tkunu'kxtäky ja Israel ja'ayëty, e ja Wintsën ojts ja jyänty y'ëtsoyë.

Jueces 21:4

Ko kyomjëpom'ajty janty tsojk ojts yë Israel ja'ayëty pyëtë'kojtë, tääts t'oytyuuntë tu'uk yë wintsë'këntyakn ma Wintsën ojts tmo'otën yë wintsë'kën nino'okpyë, ets mëët tyaj'apaatëja'antë ja nay'ëëw'oy näykyajpx'oyë.

Jueces 6:26

E ma ënety jam tääpë Baal yë wyintsë'këntyakn xyjyityën, yë'ë jam mkojëp tu'uk yë mWintsën yë wyintsë'këntyakn. Ënet ja tsajpkaa xyaj'ookëty ja mëmäjtskpë etsës ëjts xytyukwintsë'ëkëty nino'oky nixämy. Yë'ë nëjkx xytyukjëënapëkë ja ja'axy jampë xypyujxpëtsëmyën ma ja kepyën mëti'ipë të xypyujxkëtayën jam Baal wyintuuy mëti'ipë tyijtëpën wa'ats.

1 Reyes 18:33

Ko jëtu'un tma'ktaay ja ja'axy, ënät ojts ja tsajpkaa tsu'utsy jam tpëjktä'äky.

Génesis 12:7

Ënet ojts jam yë Dios nyänikëxë'ëky ma Abramkën ets y'ënëmaayë: Ya'atë naaxwiinyëtë yë'ëjës yë m'u'unk m'ok nmo'ojäämpy. Ënet ojts yë Abram pojën t'oytyuny tu'uk ja wintsë'këntyakn, jä'ä ko ënety jam yë Dios të nyänyikëxë'ëkyë.

Jueces 6:24

Tä yë Gedeón tu'uk yë wintsë'këntyakn jam t'oytyuuny mëti'ipë ja Wintsën tyukmëjja'awëyënën ets txëëwmooy: Yë Wintsën yë'ë jotkuj'ajtën'ajtp. Ya'atë wintsë'këntyakn yajpatp tyampaat jam Ofrá ma ja kajpnën mëti'ipë yë Eliézer yë jyä'äy nyitënaaytyëpën.

1 Reyes 18:35

Ja nëë yajxon ojts ja ja'axy tyajtsa'amëtyä'äy ets wa'ats y'ujtstaay ja nëë'tu'u mëti'ipë ënety ja Elías të t'oytyunyën.