1 Reyes 18:28 - Biblia Dc en Mixe de Quetzaltepec

²⁸ Yë'ëjëty ni'ikyë ja jyänty ya'ax jyänty joktë, nyänyitsuk nyäkyutsukëtë, mëët yë tsujkn ëkë mëët yë ku'umën, jëtu'un tä ënety tuunk'atën, koonëm yajxon ne'pnytyääytyë.

Biblia Mixe de Quetzaltepec

²⁸ Yë'ëjëty ni'ikyë ja jyänty ya'ax jyänty joktë, nyänyitsuk nyäkyutsukëtë, mëët yë tsujkn ëkë mëët yë ku'umën, jëtu'un tä ënäty tuunk'atën, koonëm yajxon ne'pnytyääytyë.

1 Reyes 18:28 ပူးပေါင်းရင်းမြစ်များ

Deuteronomio 14:1

Tëë xynyijawëtë, ko miitsëty mWintsën m'u'unk'ajtëtëp. Paaty këtii nëkoo mjot mnini'kx oy wi'ix xytyuntëty, këtii nëkoo xyajtsëtyut xyajwintëkoytyëty. Ni yë'ë mwaay mkopk ëxaty xykyatuntëty ko pën y'ookëty tyëkoyëty.

Marcos 5:5

Xëmë muum yä'äxy jyoky xëënaxy tsunaxy, kopkëjxm ets ma ja o'kpë nyaaxtëkëtën ets ja tsaa kë'ëm nyätyukyajtsëtyutyë.

Marcos 9:22

Kanaak ok ja ku'oypyë jëënjoty ets nëëjoty të yajkukëtawëty ets yaj'ooka'anyë. Pën mëpaat xyajtso'oky, pa'ëyoowtëkës ets putëjkëtëkës.

Miqueas 6:7

¿Tyukxoonta'akëp jëtää yë Wintsën koos ntukwintsë'ëkëty tu'uk mil yë tsajppax ayääkë ëkë may olivë onë? ¿Ëkë ko ntukwintsë'ëkëtyës yë nmaankës kä'äxkopk ets yë'ë ntukkunaxëtyës yë n'ëxëëk winma'anyës ets nnëë npokyësë?

1 Reyes 18:27

Ko ënety jam kyujkyxyëëwënë, tä ja Elías je'eyë nyëxik tyukxikënëtë, y'ënëmaayëtë: Jaakwäänë mëk ya'axtë joktë, jä'äxë ko Wintsën yë'ë. Wä'änxyëp jam mëk tyuny, ëkë wä'änxyëp jam y'ujts ye'ey, ëkë wä'änxyëp të tsyoony. Ëkë wä'änxyëp të myaanajxnë, paaty yuxtë.

Isaías 44:17

Ja kepy mëti'ipë natëjkëpën, tääts ja awinax yajtuktsätsa'any ets ja ja'ay t'ëwtatëty ets tmëjëëytya'ak tmënu'kxta'aktëty, twinjë'ë twinya'axtëty, t'ënëëmëtëty: Tun mëyajtën, yajtsokës, ix mijts ntios'ajtyp.

Jeremias 47:5

Yë Gaza ja'ayëty je'eyë nëjkx nyäkyukä'ptaayënëtë, yë Ascalón ja'ayëty uum wyë'ëma'antë. Miitsëty Anaquim ja'ayëty ¿wi'ix ko nëkoo mjot mnini'kx xyajtsëtyutë?

Zacarías 13:6

Ets ko pën tyajtëwëty: ¿E tiixën ko mtsëtyutëty? ets nëjkx yë'ë y'ëtsoy: Jamës ja'ay të xyajtsëtyuty ma tyëjkën yë ja'ay mëti'ipës mëët oy nämyäyën.