1 Reyes 18:27 - Biblia Dc en Mixe de Quetzaltepec

²⁷ Ko ënety jam kyujkyxyëëwënë, tä ja Elías je'eyë nyëxik tyukxikënëtë, y'ënëmaayëtë: Jaakwäänë mëk ya'axtë joktë, jä'äxë ko Wintsën yë'ë. Wä'änxyëp jam mëk tyuny, ëkë wä'änxyëp jam y'ujts ye'ey, ëkë wä'änxyëp të tsyoony. Ëkë wä'änxyëp të myaanajxnë, paaty yuxtë.

Biblia Mixe de Quetzaltepec

²⁷ Ko ënäty jam kyujkyxyëëwënë, tä ja Elías je'eyë nyëxik tyukxikënëtë, y'ënëmaayëtë: Jaakwäänë mëk ya'axtë joktë, jä'äxë ko Wintsën yë'ë. Wä'änxyëp jam mëk tyuny, ëkë wä'änxyëp jam y'ujts ye'ey, ëkë wä'änxyëp të tsyoony. Ëkë wä'änxyëp të myaanajxnë, paaty yuxtë.

1 Reyes 18:27 ပူးပေါင်းရင်းမြစ်များ

Isaías 41:23

Tuk'ëwa'anëtyëk ëëtsëty tii nëjkx ok tyunyë jyätyën, ëkyajnikëxë'ëk ko miitsëty mjanty tios'atë. Ëktuntë tii winë, wä'än t'ixy pën oy ëkë pën ëxëëk pyëtsimy, yë'ë mëti'ipë mëpaat yajtsë'ëkën.

Marcos 14:41

Mëtëkëëk'ok ojts wyimpity ets y'ënëmaayëtë: ¿Mjaakmaap mjaakpo'kxtëpë? Jäpaat të ma'atë, tëë ja nyixëëw tpaaty etsës nyajkë'ëyakëty ma ja pokyjyä'äyëtyën, ëjts, naaxwiinyëtë ja'ay ja y'U'unk.

Marcos 7:9

Näyjyëtu'un ja Jesús y'ënëmaayëtë: Janty wijy miits mnäyjyawëtë ko ka'ap xykyupëktë ja Dios ja y'ënä'ämën, jä'ä ko yë'ë mtunantëp mëti'ipë kë'ëm mmaay mtajtëpën.

Mateo 26:45

Ënet wyimpijty ma ja y'ijxpëjkpëtëjkën ets t'ënëmaay: ¿Tii, jääpaatën mma'atë? Tëë ja xëëw po'o tpaaty ma ja naaxwiinyëtë ja'ay ja y'U'unk yajkë'ëyaka'anyën ma ja pokyjyä'äytyëjkëtyën.

Ezequiel 20:39

Mijts Israel kajpn, mëtoow'it wi'ix yë Wintsën y'ënä'änyën: Nëjkx ëwtatë yë m'awinaxëty. Je'eyëp ko ok nëjkx xymyëmëtowtës ets ka'ap jatëkok xy'ëk'ëxëëk tuunëtëty ja nkënu'kxy xyëëwës ma ja wiink tios xymyo'otën ja wintsë'kën ets xy'ëwtatë.

Eclesiastés 11:9

Miitsëty ëna'ktëjkëty, tukxoonta'aktë mjuukyajtënëty ma tyam ëna'knëm myajpaatën; tukxoontä'äky oypyë jaantypë ma tyam tjëkyepyën. Tun winë jëtu'un ijxtëm mwinma'anypyäatyën ets mëmay mëtaj winë ijxtëm yë m'aaw mjot y'ënä'änyën ets ix tii mtimy'ixäämpyën, je'eyëp yë'ë mnijawëp ko tëkokyë mëti'ipë mtuumpy mkäjpxypën ets mëti'ipë mëmääpy mëtäjpyën ets mëti'ipë m'ijxypyën, yë Wintsën nëjkxëp m'amëtoowta'ayë ets myajtëëwta'ayë.

Salmos 121:4

Yë'ë nijëna'a kyama'ay; nijëna'a kyama'ay mëti'ipë Israel këwent'ajtëpën.

Salmos 44:23

¿Wi'ix ko mma'ay Wintsën? Ëkwij, këtii mmaanaxy. Këtiis xëmë xyjyä'äytyëkoytyë.

2 Crónicas 25:8

E mijts pën jëtu'un të xytyuknipëjktaakë ko yë'ë mëët tääpë ja'ay nëjkx ja tsip xywyinkuwa'akëja'any, kë'ëm oy xymyëmay xymyëtajëty jä'ä ko mijts ka'ap mëta'aka'any, yë Wintsën myëët'ajtyp yë mëk'ajtën ets xyajmëtakmëty ëkë xyatëko'oymyëty.

1 Reyes 22:15

Ënet ojts jam nyijkx ma ja yajkutujkpën ets ja yajkutujkpë yajtëëwë: Micaías, ¿mijts wi'ix m'ëna'any, oyë Ramot yajnitsiptunëtyë, mëti'ipë jamën Galaad y'itjotmën, okë oy ka'apë? Ets ja Micaías y'ëtsooy: Nitsiptun, mijts mëta'akaanp, yë Wintsën mijts myajmëta'akanëp.

Isaías 51:9

Pëtë'ëk, ëkma'aypyëtë'ëk, yajpëtë'ëk ja mkë'ë m'aaw Wintsën, ëkpëjkta'ak ja mmëjaaw; ma'aywyij jëtu'un tä ojts mma'aywyijyën tëëyëp. Ko xyajkutëkooy ja Rahab, mëti'ipë ënety jëtu'unën tä tu'uk mëj jëyujkën nëëjotypë.

1 Reyes 18:26

Ënet ojts ja tsajpkaa tyaj'ooktë ets tsujktaktë, mëti'ipë ënety të yajmo'otën, tä tyëjkëtyë nu'kxtakpë ma ja wyintsënëtyën, jopyëp tyajtso'ontaktë tyimkujky xyëëwëy jëtu'un, tjanty myëpëjktsowtë ja Baal. Tyaa jyänty y'ëna'antë: Ëtsoowinpijtëk ëëtsëty Baal, na'ëwtity jyänty nyëpujt jyänty yujkpujtë jam ma ja wintsë'këntyakn, nimaa tii kya'ëtsoy.

1 Reyes 18:28

Yë'ëjëty ni'ikyë ja jyänty ya'ax jyänty joktë, nyänyitsuk nyäkyutsukëtë, mëët yë tsujkn ëkë mëët yë ku'umën, jëtu'un tä ënety tuunk'atën, koonëm yajxon ne'pnytyääytyë.

Salmos 39:3

Yë njuukyjotës toopy jäämp ijty, koos nmëmay nmëtajy, ko tu'uk yë mëj jëën jap të myëjë njootjotyës, täätsës mëk të nyujk'ëna'any: