1 Reyes 18:26 - Biblia Dc en Mixe de Quetzaltepec

²⁶ Ënet ojts ja tsajpkaa tyaj'ooktë ets tsujktaktë, mëti'ipë ënety të yajmo'otën, tä tyëjkëtyë nu'kxtakpë ma ja wyintsënëtyën, jopyëp tyajtso'ontaktë tyimkujky xyëëwëy jëtu'un, tjanty myëpëjktsowtë ja Baal. Tyaa jyänty y'ëna'antë: Ëtsoowinpijtëk ëëtsëty Baal, na'ëwtity jyänty nyëpujt jyänty yujkpujtë jam ma ja wintsë'këntyakn, nimaa tii kya'ëtsoy.

Biblia Mixe de Quetzaltepec

²⁶ Ënät ojts ja tsajpkaa tyaj'ooktë ets tsujktaktë, mëti'ipë ënäty të yajmo'otën, tä tyëjkëtyë nu'kxtakpë ma ja wyintsënëtyën, jopyëp tyajtso'ontaktë tyimkujky xyëëwëy jëtu'un, tjanty myëpëjktsowtë ja Baal. Tyaa jyänty y'ëna'antë: Ëtsoowinpijtëk ëëtsëty Baal, na'ëwtity jyänty nyëpujt jyänty yujkpujtë jam ma ja wintsë'këntyakn, nimaa tii kya'ëtsoy.

1 Reyes 18:26 ပူးပေါင်းရင်းမြစ်များ

Jeremias 10:5

Yë y'awinaxëty jëtu'un yaj'ixy tä kamwintëyën ma melón ja'ay tyaj'ityën; ka'ap kyäjpxy ets ka'ap ye'ey, kë'ëm muum ja'ay tmënëjkxy.

1 Corintios 12:2

Mnija'awëtëp miitsëty, ko ijty ka'anëm xymyëpëktë ja Wintsën Jesukristë, ja awinax ijty mwintsë'këtëp, mëti'ipë ka'ap kyäjpxyën.

1 Corintios 8:4

Mëëtpë ja winma'any ko ja kääky uuky yajjë'kxy mëti'ipë ënety të yajtukwintsë'ëkën ja awinax, ëëtsajtëm wa'ats nnija'awëmë ko ya'atë awinax ka'ap tii mëk'ajtën tmëëtëty yaa naaxwiiny ets nija'awëm ko tu'ukyë ja Dios je'eyë.

Mateo 6:7

Ko ja Dios xymyëkajpxtëty ka'ap tii xykyajpxwinpit xykyajpx'ëtëjtëty, ijxtëm ja ja'ay y'ëtë'ëtstën ka'apë ja Dios tnijawëtën, mëti'ipë winmaaytyëpën ko pën jeky ja Dios tmëkajpxtë ni'ik ja Dios myëtowa'anëtë.

Sofonías 1:9

Ntëytyunäämpyës näjyëtu'un jä'ä xëëw mëti'ipë tëjk'apu'uy nyiwa'knajxypyën ets mëti'ipë tëë tyajtuktuktën ja jëën tëjk mëti'ipë ja wyintsëntëjkëty jyä'ä'ajtëpën mëët ja näwyin'ë'ënën ets mëët ja tsiptuunk tsip käjpxy.

Habacuc 2:18

¿Tii nyawa'anëty tu'uk yë awinax mëti'ipë tëë jyaa'apatëtyä'äyën? ¿Tii nyawa'anëty mëti'ipë ja'ay je'eyë tyuk'antäkpyën? Yë awinax ka'ap yë kyäjpxy; ¿wi'ix yë ja'ay tukjotkujk'atëty tääpë awinax mëti'ipë ja'ay tsyejtsypyën?

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Isaías 45:20

Ye'eymyujkta'atë ets mmintëty. Winkoonta'atë miitsëty, nijënu'un të mkäktso'oktën ma naax kajpn o'ktëy të jyätyën. Mëj këjää ja'ay tsyuu'atë ko yë'ë tuk'ijxpätë awinax mëti'ipë mëët kepy y'oytyunyëtyën ets ënät twinkajpxta'aktë tä jeexyë Tiosëtyën mëti'ipë ka'ap tjëkyepy yajtso'okëtëtyën.

Isaías 44:17

Ja kepy mëti'ipë natëjkëpën, tääts ja awinax yajtuktsätsa'any ets ja ja'ay t'ëwtatëty ets tmëjëëytya'ak tmënu'kxta'aktëty, twinjë'ë twinya'axtëty, t'ënëëmëtëty: Tun mëyajtën, yajtsokës, ix mijts ntios'ajtyp.

Isaías 37:38

Jam ënety kyajpxtä'äky ja Senaquerib ma ja tsyajptëjkën jam Nisroc, mëti'ipë y'ëwtajtypyën, ko jam tyukmiinë nimäjtsk yë myaank, tu'uk jä'ä xyëëwajtyp Adramélec ets tu'uk Sarézer, jä'ä yaj'o'këtë. Ko yaj'o'ktaayë, tääts ojts kyakojnëtë jam Arafat. Yë'ë ojts kyutëkëty ma ja kutujktaknën yë myaank Esarhadón.

1 Reyes 18:24

Ënet miitsëty xymyëpëjktsowtëty ja mwintsënëty, ëjts nän tyamës ja nWintsën nmëpëjktsoowpëty, ja Wintsën mëti'ipë ënety kyukäjxnajxypyën ja jëën yë'ë jëtu'un ënety janty mëtëy. Tääpë winma'any oy yë'ë. Jëtu'un y'ëtsoowtë ja kunaax kukajpnëty.

1 Reyes 18:25

Ënet ja Elías t'ënëmaay ja Baal ja myëtuunpëty: Win'ixtë tu'uk yë mtsajpkaajëty ets xynyi'oytyunëtëty, jä'äxë ko miitsëty mnimay yë'ëjëty. Tääts ënety mëktä'äky xymyëpëjktsowtëty yë mwintsënëty, këtii kë'ëm yë jëën xypyëjkta'aktëty.

1 Reyes 18:27

Ko ënety jam kyujkyxyëëwënë, tä ja Elías je'eyë nyëxik tyukxikënëtë, y'ënëmaayëtë: Jaakwäänë mëk ya'axtë joktë, jä'äxë ko Wintsën yë'ë. Wä'änxyëp jam mëk tyuny, ëkë wä'änxyëp jam y'ujts ye'ey, ëkë wä'änxyëp të tsyoony. Ëkë wä'änxyëp të myaanajxnë, paaty yuxtë.

Jonás 1:5

Ja ja'ayëty mëti'ipë yajye'eytyëpën ja kepy nëëwinye'epyë, yajxon tsyë'kënëtë, këëkjä'ä ja tios tjanty y'ëwtatë. Ënet tnëkupëjktaaytyë ja tsëmy kë'ëy ets ja kepy nëëwinye'epyë jeexyë tyo'tsykyë. E yë Jonás jap ënety të jyëjptä'äky ma winë pëjkë'ëky y'ityën ets jap myaanajxy.

Habacuc 2:19

Janty mon janty tuk mijts myajpaaty, jä'ä ko yë'ë awinax m'ënëmääpy ets wyijëty, tsaa m'ënëmääpy ets wya'kukëty. ¿Wä'än jëtää tii xy'ëktuk'ëwa'anëmëtyë? ¿Ka'ap tii xytyuk'ëwa'anëmëty jä'ä ko ka'ap jyuukyëtyë? oy jënu'un pu'ts pujxn ëkë poop pujxn tjaniwits'aty.

Éxodo 8:14

Tä ojts ja ja'ayëty tyajmujkta'atë ja nooty'ooky ets tëkokyë tpätmujktaaytyë, oymyaajëty aakyë'ë ënety ja nooty ooky xu'knëp jojknëp.

1 Samuel 5:3

E komjëpom ko myiintë yë ja'ayëty mëti'ipë kukajpn'ajtëpën jam Asdod, ënät tuk'ijxpäjjë ko ja Dagón naaxkëjxy jyëpijpnë, winkon ma ja Wintsën ja kyaaxën. Ënet tyajpëtë'ktë ets jatëkok tpëjktaktë jam ma ënety të yajpaatyën.

Isaías 46:7

Tmëjëtitë ënät kyejkyijxy ets tmënëjkxtë muum; ma tmëja'tën, kepykyijxy tkëxkë'ëtë ets jam tyajwë'ëmtë; jam y'ity, ka'ap maa nyijkxy. Oy jënu'un tmëya'ax tmëjoktëty t'amëtowtëty yë näypyutëkë ka'ap y'ëtsowa'anëtë ets ka'ap yajtso'okëtëty ëyo'ontum.