1 Reyes 18:19 - Biblia Dc en Mixe de Quetzaltepec

¹⁹ Yë'ë yam mijts ntuk'ënëëmëjäämpy ets xykyäxëty yë mja'ay wä'än tyajtu'ukmujkta'ay yë ja'ay jam ma kopk txëëwatyën Carmel ets jam näjyëtu'un nyäwya'këxë'ëkëtëty yë ja'ayëty nimajktaxk mëko'px ja wëxtyikxy majkpë mëti'ipë yë Baal myëtuuntëpën ets näjyëtu'un yë nimajktaxk mëko'px ja wëxtyikxy majkpë ja ja'ayëty mëti'ipë myëtuuntëpën yë Aserá, mëti'ipë yë Jezabel myëët'ajtypyën ets yajkääpy yaj'ukpyën.

Biblia Mixe de Quetzaltepec

¹⁹ Yë'ë yam mijts ntuk'ënëëmëjäämpy ets xykyäxëty yë mja'ay wä'än tyajtu'ukmujkta'ay yë ja'ay jam ma kopk txëëwatyën Carmel ets jam näjyëtu'un nyäwya'këxë'ëkëtëty yë ja'ayëty nimajktaxk mëko'px ja wëxtyikxy majkpë mëti'ipë yë Baal myëtuuntëpën ets näjyëtu'un yë nimajktaxk mëko'px ja wëxtyikxy majkpë ja ja'ayëty mëti'ipë myëtuuntëpën yë Aserá, mëti'ipë yë Jezabel myëët'ajtypyën ets yajkääpy yaj'ukpyën.

1 Reyes 18:19 ပူးပေါင်းရင်းမြစ်များ

1 Reyes 15:13

Ojts ja nyanwelë tpëjkë ja kyutujkën, mëti'ipë xyëëwajtypyën Maacá, jä'ä ko yë'ë ënety të tyajkutuky ets kyojëty ja y'awinax ja Aserá, Asá ojts tyajkutëkoy tääpë awinax, jam tnino'ky ma tu'uk wokjot txëëwatyën Cedrón.

1 Reyes 16:33

Ojts näjyëtu'un tu'uk tkojy yë awinax mëti'ipë ijty tyijtëpën Aserá, mëti'ipë ojts ja Wintsën mëk tyajpokyën, ni'ik ojts ja Wintsën tyajoot'anpëky këtiinëm jyëtu'unëty ja yajkutujkpëtëjk mëti'ipë ënety të tyuntën.

1 Reyes 18:20

Ojts ja Ahab tjanty wyoowmujkta'ay ja Israel ja'ayëty, ets t'ënëmaay ko jam tyu'ukmuktëty ma ja kopk txëëwatyën Carmel ets tëkokyë ja ja'ayëty mëti'ipë ja awinax myëtuuntëpën.

1 Reyes 18:22

Tääts ja Elías n'ënaan'ëtëty: Ëjtsyë atu'uk tu'uk të njaakwë'ëmyës mëti'ipë yë Wintsën myëtuumpyën, e yë Baal yë myëtuunpë nimay yë oy, jä'ä yë nyiwinë'atë taxk mëko'px ja wëxtyikxy majk.

1 Reyes 22:6

Ënet ja yajkutujkpë twoowmujktaay ja Wintsën ja myëtuunpëtëjk, jä'ä nyiwinë'atë nimajktaxk mëko'px ets tyajtëëy: ¿Wi'ix oyës yë Ramot nitsiptunëtyë, ëkë ka'apë? Ets yë'ëjëty y'ëtsoowtë: Oy, nitsiptun, jä'ä ko yë Wintsën tëë tkë'ëyäky.

2 Reyes 10:19

Paaty yam npëjktsoyës ets tëkokyë xymyëkajpxta'atëty ja ja'ayëty mëti'ipë yë'ë myëtuuntëpën ets y'ëwtajtëpën, näjyëtu'un mëti'ipë teety'ajtëpën ma Baal yë tsyajptëjkën, nitu'uk mëpaat kyatëkoy'äty, jä'ä ko tëëjës tu'uk ntuknipëjktaakë wintsë'kën mëti'ipës yë Baal ntukwintsë'ëkëjäämpyën. Pën tëkoy'ajtp nëjkxëp y'ooky. Je'eyëp ko yë Jehú paaty jëtu'un ja winma'any tpaty, mëët ko ënety të tuknipëjktaakë tyaj'o'kta'aja'any tëkokyë ja ja'ayëty mëti'ipë ja Baal y'ëwtajtëpën;

2 Reyes 13:6

Je'eyëp ko ka'ap ojts t'ëxmatstë ninu'un ja y'ëxëëktu'un y'ëxëëk kajpxënëty mëti'ipë ënety të tuunk'atën ja Jeroboam y'ok'u'unk y'ok'ëna'k mëti'ipë tyukyajtëkooytyën ja Israel ja'ayëty, ojts pyokytyuun'ëtë'ëtstë ets ja Aserá ja y'awinax je'eyëm jam y'ijty Samaria.

2 Reyes 2:25

Jam ja Elisejë tsyo'ony ets ojts nyijkxy ma ja Carmel kopkën, jam jatëkok tsyo'ony ets wyimpijnë Samaria.

2 Reyes 3:13

e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

2 Reyes 9:22

Ko ja Joram t'ijxy ja Jehú, tä t'ënëmaay: ¿Wi'ix Jehú oypyë myajmiinpyë, ëkë mtsiptunaanpë? Tä ja Jehú y'ëtsooy: ¿Wi'ix yjyää'atëty ja jotkujk'ajtën, pën mijts yë mtaak, Jezabel, je'eyëm tuun'ëtë'ëtsy ja ëxëëkpë, ma ja wiink tios t'ëwtatyën ets ma ja myëku'uk tpatoy tpanaxyën?

Nehemías 5:17

Jam maas ja nkaaypyäjn n'ukpäjnën nimay ja ja'ay ijty jam kyäytyë y'uuktë mëët ëjts, nimëko'pxën, nimëko'pxjakujkmën, jutië ja'ayëty ets mëti'ipë mëët ja yajkutujkpë tyuunmuktën, ëpëky yë jëën'ëyo'op tëjk'ëyo'opëty mëti'ipë wiink kajpn tso'ontëpën.

Cantares 7:6

Mijts to'oxytyëjk, mëti'ipës mëk ntsojkpy nja'apën, janty'oy mkëxë'ëky janty tsuj m'ixëty.

Jeremias 23:13

Tëës n'ixy wi'ix yë käjpxynyajxpëtëjk mëti'ipë Samaria kukajpnajtëpën xymyëtëkoytyës: ko të kyäjpxynyaxtë Baal të tukajpxpätë ets nnaax nkajpnës, Israel kajpn të nyë'ëtëkoy të tyu'utëkoytyë.

Jeremias 46:18

Ëjts mëti'ipë yajkutujkpën, yë Wintsën mëti'ipë maaytyääyëpën winë, nkë'ëmjuukyajtënës ntukajpxpejtyp: Jëtu'un tä yë Tabor kopk ni'ik këjxm yaj'ixyën kopkjoty, tä yë Carmel kopk mejy'ëkë'ëmpë yaj'ixyën jëkämpaat, jëtu'un ja mmëtsip yaj'ixa'any mëti'ipë mniminanëpën.

Amós 1:2

Ko yë Wintsën tyajmëtoyë yë y'aaw y'ayuk, jëtu'un yajmëtoy tä ënääwën jam Sión, jam Jerusalén, tim xo'tstääpy yë aay ujts ets tim nitëtstutääpy yë Carmel kopk.

Amós 9:3

Ko jam jyanäyu'utsëtëty këjxm ma Carmel kopkën, mpaja'tëpës jampaat; ko jap pën jyanäyu'utsëtëty nëëpa'tkë'p, nëjkxëpës jap ntuknikäxtë yë nëë jëyujk mëjpë ets tsyu'utsëtëty;

Josue 19:26

Alamélec, Amad ets Misal, jä'ä mëti'ipë jam najxpën a'oytsyow ets jyä'ty ma ja Carmel kopkën ets Sihor-libnat.

2 Pedro 2:1

Ijtë näjyëtu'un ja ja'ayëty tëëyëp mëti'ipë nätyijëtën ko ja Dios kyäjpxynyajxpë'atëtë ma ja Israel ja'ayëtyën, tää tyam yaa jëtu'unpë ja'ayëty ma miitsëtyën. Yë'ë ja'ay tyuk'ijxpëkantëp ja jot winma'any mëti'ipë yajtëkoopyën, ets t'ixtijtëty ja Wintsën mëti'ipë të yajtso'okëtën; ko jëtu'un y'ëtë'ëtstë, ënätyë ëyo'on tpaata'antë.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Apocalipsis 2:20

E jam tu'uk mëti'ipës ka'ap n'oy'ixyën: ko mijts jam xyaj'ity yë to'oxytyëjk Jezabel, mëti'ipë nätyijëpën Dios ayuk kajpxnajxpë. Yë y'ijxpëjkën tyukwin'e'empy ja mëpëjkpëtëjk ko y'ënä'äny ko ka'ap pyokyëty oy xim yam ja ye'etyëjk ëkë ja to'oxytyëjk tmëët'atëty ets oy tjë'kxtëty mëti'ipë tëë yajtukwintsë'ëkën ja awinax.

1 Samuel 15:12

Komjëpom, janty tsojk ojts pyëtë'kojy ets nyäpyaata'anyë mëët ja Saúl. Tä yajtuk'ëwa'anëy ko ja Saúl ka'ap ënety jam yajpaaty, ko jam ënety të nyijkxy Carmel, ma tu'uk ja mëjpotsyën të tyajpëtë'ëkyën mëti'ipë jam ëwtijtpën ets jyä'ty Guilgal.