1 Reyes 18:15 - Biblia Dc en Mixe de Quetzaltepec

¹⁵ Tä ja Elías y'ëtsoowë: Ëjts Wintsënës yam ntukajpxpejtyp, mëti'ipës nmëtuumpyën, n'ënëëmë mijts yajxon ko ya'atë xëëw jam näwya'këxë'ëka'anyës ma yajkutujkpën Ahab.

Biblia Mixe de Quetzaltepec

¹⁵ Tä ja Elías y'ëtsoowë: Ëjts Wintsënës yam ntukajpxpejtyp, mëti'ipës nmëtuumpyën, n'ënëëmë mijts yajxon ko ya'atë xëëw jam näwya'këxë'ëka'anyës ma yajkutujkpën Ahab.

1 Reyes 18:15 ပူးပေါင်းရင်းမြစ်များ

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

1 Reyes 18:10

Ëjts tyamës ntukajpxpety yë mWintsën yë xyëëw, ko tää yajxon mjanty yaj'ixta'ay ets myaj'ooka'anyë, tëë yajtukjëtijtëtyä'äy yë naax kajpn, ko pën y'ënä'äny ko ka'ap maa Ahab kanaak'ok tuknikäjpxy yë ja'ay ko ka'ap maa pën të mpaatyë.

Lucas 1:19

Tääts ja tsajpjotmëtë kukäjpxy y'ëtsooy: Gabrielës ëjts, Tiosës y'ënä'ämën npatuunëp; yë'ëjës të xykyexy ets mijts n'ëwaanëty ya'atë aaw ayuk oypyë.

Jeremias 8:2

jam nëjkx yajpëjktëwtë xëëw antuuy, po'o antuuy ets mëtsa'a antuuy, mëti'ipë ënety të t'ëwtatën, të tmëtuntën, të tpanëjkxtën ets të tyajtëwtën winë. Ni pën nëjkx kyapëjkmukëtë ets nyaaxtëkëtëty. Jëtu'un wyimputskëta'aka'antë tä të'ënyën.

Isaías 6:3

Ets xim yam nyäy'ëna'anëtë: Wa'ats, wa'ats, wa'ats ja Wintsën mëti'ipë maaytyääyëpën winë; ujts ja naaxwiinyëtë yajpaaty mëët ja myëj'ajt y'oyajtën.

Salmos 103:21

Mëjjaw kënu'kxyjyawëtë yë Wintsën, tëkokyë miitsëty jënu'un xymyëtuntën ets xymyëmëtowtën ijxtëm yë'ë tsokyën.

Job 25:3

Yë tsyiptuunpëtëjk ka'ap xmyä'ämyëty nmëtyo'owtä'ämyëty, yë tyë'kxën jyajjën kyutë'kxtääpy winë.

Deuteronomio 4:19

Ets ko näjyëtu'un mpa'at'ixtëty tsajpkëjxm ets xy'ixtëty yë xëëw po'o, ëkë matsa'a, këtii m'ëna'antëty ets ënät yë'ë xy'ëwtatantëpëty. Jä'ä ko yë Wintsën mëti'ipë miits mTiosajtëpën, yë'ë ojts yajkojëtë ets tëkokyë ja ye'etyëjk tuk'oy'atëty.

Deuteronomio 1:38

Ma mijtsën yë'ë nëjkx mkutëkëty yë Josué, yë myaank yë Nun. Paaty mijts jotmëkmo'o, jä'ä ko yë'ë nëjkx tkë'ëmo'oy yë Israel ja'ayëty ja it naaxwiinyëtë.

Génesis 2:1

Yë tsajp ets naaxwiinyëtë ets tu'kë'ëyë jënu'un ënety yajpaatyën winë ma yë'ëjëtyën, ojts kyoj'apatëtyä'äy.

1 Reyes 18:14

¿E mijts yë'ëjës ënät tyam xy'amëtoop, tsës ëjts nëjkx n'ixy ja yajkutujkpë, etsës n'ënëëmëty ko mijts tyaa myajpaaty? Yë'ë poj'amës yë ënät xyaj'ookëty.

1 Reyes 18:16

Ja Abdías ojtsën ja nyijkxy jam ma ja Ahab ets tuk'ëwa'anëy wi'ix ënety ja Elías të y'ënë'ëmxëtën, tä ja Ahab ënätyë nitso'ony ja Elías.

1 Reyes 22:14

Tä ja Micaías y'ëtsooy: Tyam mijts yajxon n'ënëëmëty ets Wintsënës yam ntukajpxypejtyp, ko yi'iyës yam nikajpxäämpy mëti'ipës yë Wintsën xytyuk'ënä'ämpën.

Jeremias 39:17

E ëjts mijts nkuwa'anäämpy këtiipë wi'ix mjatëty ma tääpë ja'ayëtyën mëti'ipë mtsë'këpën. Ëjts Wintsën, ëjts ënaanp.