1 Reyes 17:20 - Biblia Dc en Mixe de Quetzaltepec

²⁰ Tääts tyëjkëy jëëytyak nu'kxtakpë, mëk jyänty kyäjpxy, tmënpëjktsoy ja Wintsën ëmuumtu'ukjot: Wintsën, mëti'ipës n'ëwtajtypyën. ¿Ka'ap yowë tyim oy'ajnë ets mijts ya'atë to'oxytyëjk o'ktëy xytyimtunëty, maas nja'ajtä'äkyën, ko xyaj'ookanë ja y'u'unk?

Biblia Mixe de Quetzaltepec

²⁰ Tääts tyëjkëy jëëytyak nu'kxtakpë, mëk jyänty kyäjpxy, tmënpëjktsoy ja Wintsën ëmuumtu'ukjot: Wintsën, mëti'ipës n'ëwtajtypyën. ¿Ka'ap yowë tyim oy'ajnë ets mijts ya'atë to'oxytyëjk o'ktëy xytyimtunëty, maas nja'ajtä'äkyën, ko xyaj'ookanë ja y'u'unk?

1 Reyes 17:20 ပူးပေါင်းရင်းမြစ်များ

Génesis 38:10

Yë Wintsën ka'ap jëtu'un oy t'ijxy ko jëtu'un yë Onán y'ëti'itsy, paaty ojts ja jyuukyajtën tpëjkë.

Génesis 38:7

Yë Er ëxëëk ënety yë jyot wyinma'any ets ëxëëk ijty jyä'äy'äty; aakyë'ë tyuunpy mëti'ipë yë Dios ka'ap t'oy'ixyën, paaty yë jyuukyajtën ojts tpëjkë.

1 Reyes 17:19

Tä ja Elías y'ëtsooy: Yaajës xymyo'ojëty yë m'u'unk. Tä tukë'ëtsä'äntuty ja u'unktaaak ja y'u'unk ets ojts tmëpa'tëkë jap ma myaataknën ets tko'ky jam wyiitykyëjxm.

1 Reyes 17:21

Tääts tëkëëk'ok jam nyäkyëxmëtakë ma ja pi'k ëna'k ja nyini'kxën ets tmëpëjktsooy ja Wintsën ëmuumtu'ukjot: Wintsën, ëjts yë nTiosës mëti'ipës n'ëwtajtypyën, tyam mijts nmëpëjktsoy ets ya'atë pi'k ëna'k jatëkok xymyo'ojëty ja jyuukyajtën.

2 Reyes 19:15

ënät ja Wintsën t'ënëmaay: Wintsën mëti'ipë y'ëwtajtëpën yë Israel ja'ayëty, ma xyaj'ityën ja mkutujktakn jampë itkujky yajpaatyën ma käkn mëëtpë ja mkukajpxpën: mijts tu'uk mwintsën'ajtp ma tëkokyë yajkutujkpëtëjkën mëti'ipë tuuntëpën naaxwiiny naaxkëjxy; mijts myajkoj yë tsajp ets naaxwiinyëtë.

2 Reyes 19:4

Jääpëk yë mWintsën jeexyë të tmëtoy, wi'ixjaty të y'ënä'änyën yë Asiria ja'ay, tsiptuunpë wintsën, mëti'ipë je'eyë të myinyën ets ëxëëkjaty të tijy ja Wintsën juukpyë ets tkumëtowëty mëti'ipë yë Wintsën kë'ëm të tmëtoyën. E tyamts myajpëjktsoy ets xymyëkajpxëty ja Wintsën ets xykyukajpxta'akëty ja ja'ay mëti'ipë të jyaakwë'ëmtën juuky.

2 Reyes 20:11

Ënet ja käjpxynyajxpë tyëjkëy kajpxtakpë, t'amëtoy tpëjktsoy ja Wintsën ets tyajwinpitëty ja äpk ixtëkë tu'kja'aytyänë, ja äpk ojts jyänty ixtëkëye'ey tu'kja'aytyänë.

2 Reyes 4:33

Tä tyëjkëy jap tëkoty, je'eyë ja tëjk yajxon tyaj'ëtujky ets tyëjkëy jëëytyak nu'kxtakpë ma ja Wyintsënën, je'eyë ojts nimäjtsk jap wyë'ëmtë tëkoty, yë'ë ets ja pi'k ëna'k.

Salmos 99:6

Yë Moisés ets Aarón jam yajpaatë ma y'itën yë Dios mëtuunpëtëjk; e yë Samuel jam yajpaaty ma ja'ayëtyën mëti'ipë ojts myëjpëjktakxëtyën ja xyëëw. Yë Wintsën ojts ënätyë y'ëtsowëtë ko ja putëjkën t'amëtoowtë.

Éxodo 17:4

Tä ja Moisés tmëpëjktsooy ja Dios ets t'ënëmaay: ¿Tiijës ënät ëjts tyam ntuunta'akëp mëët yë mayjyä'äy? Ko wäänë jyaak itëty, tsojkës je'eyë xy'ëkjaakuka'tsnëtëty.

Jeremias 12:1

Wintsën, ko n'ëktëjkëmëty mëtyakpë, mijts aak mëtëy winë xynyimëtyä'äky, je'eyëp ko oy jyajëtu'unëty ëjts nmëët'ajtypyës tu'uk mäjtsk yajtë'ëwën. ¿Wi'ix jëtää ko jotkujk jyuuky'ajtëpë ja'ay mëti'ipë ëxëëk ja'ay'ajtëpën, wi'ix jëtää ko ka'ap tii tmaytyë tajtë yë ja'ayëty mëti'ipë myëku'uk nyikäjpxytyu'unëpën?

Mateo 17:21

Yë ku'oypyë jëwa'kp näjyëtu'un ko ja'ay Dios tja'amyetsy ets ko ja'ay y'ayuu'aty.

Mateo 21:22

Pën mmëpëjktëp, myajmo'otëp tu'kë'ëyë tii m'amëtoowtëp ko Dios xymyëkajpxtëty.