1 Reyes 17:18 - Biblia Dc en Mixe de Quetzaltepec

¹⁸ Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

Biblia Mixe de Quetzaltepec

¹⁸ Ënät ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

1 Reyes 17:18 ပူးပေါင်းရင်းမြစ်များ

Lucas 5:8

Ko ja Simón Pedro jëtu'un t'ijxy, ënät ojts nyäkyoxtënaaytyä'äkyë ma ja Jesús ets t'ënëmaay: Wintsën, winwa'ktutkës, ëjts pokyjyä'äyës.

Lucas 4:34

¿Tiijës xytyuktëytyuunp, mijts Jesús Nazaretëtë ja'ay? ¿Yë'ë të xynyiminy etsës xyajkutëkoyä'änyë? Wa'ats mijts n'ixy'äty, Dios Kënu'kxypyë mijts.

2 Reyes 3:13

e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

Juan 2:4

Ënet ja Jesús y'ëtsooy: Nanë, ¿tiis ko jëtu'un xy'ënëëmë? Ka'anëm tpaaty ja nyixëëw maas winë ntunëtyën.

2 Samuel 16:10

E ja ënä'ämpë tyaa y'ëtsooy: Ya'atë ka'ap myijtsëty mpaatyë, yë Sarvia y'u'unk y'ëna'k. Pën xypyojkpës wä'änxyëp yë Wintsën yë'ëjëty të y'ëne'emyë. E pën janty jëtu'unts, ¿pën mëpaat wi'ix y'ëktunyë?

Lucas 8:28

Ko t'ijxpaty ja Jesús ets twinkoxtënaay, tääts y'ënäny ayaxp ajojkp: Jesús, Dios ni'ik këjxmëpë y'u'unk, ¿tii mtsojkpy mëët ëjts? Tun ja mëyajtën, këtiis xyajjotkëxy.

Marcos 6:16

Ko Herodes jëtu'un tmëtooy, ënät y'ënäny: Juan yë'ë, jä'ä mëti'ipës ojts ja kyëpajk ni'ënä'ämën ets yajkatspuxëty. Jä'ä të jyuukpyiky jatëkok.

Marcos 5:7

Tääts ayaxp ajojkp t'ënëmaay: ¿Tii mtsojkpy mëët ëjts? Dios ni'ik këjxmëpë y'u'unk. Nmënu'kxtäkpy mijts, tun ja mëyajtën Tioskëjxm, këtiis xyajjotkëxy.

Job 13:26

Ëxëëkëm yë aaw ayuk mijts xytyuknipëtsëmyës; yi'iyës janaam jatsojk xy'amëtoop wi'ixës të ntuuntëkoyën winë koos të n'ëna'k'aty.

Job 13:23

Tuk'ëwa'anëkës, ¿tiijës npoky'äjtyp ets tiijës të ntuuntëkoy? ¿maas të nyajja'ay'ooky?

2 Crónicas 35:21

yë Necao ojts ja jyä'äy tkexy ma ja Josías ets y'ënëmaayë: Mijts yajkutujkpë, ma m'ëne'emyën jam Judá, këtii ntu'ujës xy'ëtuky, jä'ä ko ka'ap myijtsëty niminy, wiink ja'ayës mëët ntsiptuna'any. Wintsënës kë'ëm të xy'ënëëmë koos njotëkoyëty; paaty n'ënëëmë këtii nëkoo xy'ëtuky mëti'ipë yë'ë të tuknipëjktaakën këtiipë kë'ëm mjotmay xy'ixkukëtëty ets nyaj'atëkoytyëty.

1 Reyes 18:9

Jää ja Abdías y'ëtsooy: ¿Tiixës ëjts të ntuuntëkoy, etsës nëjkx nyikäjpxy ko myaajëty, yë Ahab xyaj'ookëptsës yë'ë ko tnijawëty?

1 Reyes 13:1

Yë Jeroboam yë'ë ënety jam pyëjktäkpy yë poom ma wintsë'këntyaknën, ko tu'uk yë Wintsën yë kyäjpxynyajxpë jyä'äjty jam Betel, Judá tsyoony, Wintsën ënety të kyexyë.

2 Samuel 19:22

E ja David tyaa y'ëtsooy: Ya'atë ka'ap miitsëty mpaatëtë, miitsëty Sarvia y'u'unk y'ëna'k. ¿Wi'ix ko xyjyëjpkukajpxëtës? Ëjts wa'atsës nijawë ko ëjts yajkutujkpë'ajtp ma Israel kajpnën, tyam ni pën mëpaat kya'ooky.

1 Samuel 16:4

Samuel ojts tjantytyuny tä ënety ja Wintsën të y'ëne'emyën. Ko jam jyä'äjty Belén ënät ojts ja mëjja'aytyëjk jyëjpye'eyë'ëkëtë ets y'ënëmaayëtë mëët ja tsë'ëkë: ¿Ja jotkujk'ajtën mmëmiimpy myajmiinpyë?

Génesis 50:17

ko mijts n'ënëëmëtëty: ko xytyunëty yë mëyajtën xymyä'kx xyajnitëkoyëty ja nyëë pyokyëty ja mmëku'uktëjk mmëkä'äxtëjk oy ojts ëxëëk mtunyë. Paaty yam mijts nmënu'kxta'aktë etsës xypyojkpë mä'kxtëty, ëëtsëty Dios näjyëtu'un xytyuunpë'ajtëpës, mëti'ipë yë mteety y'ëwtajtën. Tam ënety jëtu'un yajmëmëtyä'äky yë José ko jyänty tyëjkëy yaxpë.

Génesis 50:15

Ko ënety tëë yë Jacob y'o'knë, ënät ja José ja myëkä'äxtëjk ojts myäytyë tyajtë: Wä'änxyëp jëtää yë José y'ekyë ets ënät ëxëëk xy'ëktu'unënëty, tuunwinpitëty ijxtëm ojts ëxëëk ntu'unëmën.

Mateo 8:29

Ets tyëjkëtyë yaxpë jojkpë: Këtii nëkoo yaa miny ma ëëtsëtyën etsës xymyëmayëtëty, Dios mijts m'u'unk'ajtëp. ¿Ëkë yë'ë mnimiimpy ets xyaj'ëyowa'antësë? Tyam ka'ap ja xëëw po'o tpaatynyëm.

1 Reyes 12:22

E ja Wintsën ënätyë ojts tmëkäjpxy tu'uk yë ja'ay mëti'ipë Wintsën oy myëtuumpyën, Semaías xyëëwajtyp ets ojts tuk'ëne'emy:

1 Reyes 17:17

Tu'kxëëw tu'ktsuu ojts ja ku'ookytyo'oxy ja y'u'unk pya'ampety, mëk yajxon ja pa'am myajtsë, ojts y'o'ktso'oky.

1 Reyes 17:19

Tä ja Elías y'ëtsooy: Yaajës xymyo'ojëty yë m'u'unk. Tä tukë'ëtsä'äntuty ja u'unktaaak ja y'u'unk ets ojts tmëpa'tëkë jap ma myaataknën ets tko'ky jam wyiitykyëjxm.

1 Reyes 20:28

Ënet jam tu'uk yë Wintsën yë myëtuunpë tnimiiny yë yajkutujkpë mëti'ipë jam ënä'ämpën Israel ets y'ënëmaayë: Jëtu'un yë Wintsën y'ënä'äny: Jä'ä ko yë sirië ja'ayëty të y'ëna'antë ko jamës nWintsën'aty kopkkëjxm ets ka'ap jyamëty joyjotm, ëjts nkë'ëyakäämpyës nitëkokyë yë'ëjëty ma miitsëtyëty. Jëtu'un xynyijawëty ko ëjts Wintsënajtp.

Génesis 44:16

Tä yë Judá y'ëtsooy: ¿Wi'ix ëëtsëty mijts n'ëk'ëtsowtëty? ¿Wi'ix ëëtsëty n'ëk'ëna'antëty, ko ka'ap tii ëxëëkpë ntuntë nkajpxtë ets ka'ap ëëtsëty npokymyëët'atë? Yë Dios yë'ë tëy wa'ats nyija'ap, ko ëëtsëty pokymyëëtës nyajpaatë. Tyaa ënät ëëtsëty mijts xykyë'ë'am'atë, yajtuuntëkës ijxtëm mijts xytyimtsokyën, tu'ukyë mëët mëti'ipë ënety myëët'ajtypyën ja a'ukën xya'kjoty.

Jueces 13:6

Ënet ja to'oxytyëjk ojts nyijkxy ma ja nyiye'etyëjkën ets tukmëmëtyäky: Tu'ukës yë ye'etyëjk të xynyiminy, Dios yë tyuunpë, jëtu'unyës të ntimwyi'imy koos të nwinku'ixë, jëtu'unës të n'ixy tä tu'uk yë Wintsënën kyukäjpxyën. Ka'apës të nyajtëy tii xyëëwajtyp ets ni yë'ë të xykyatuk'ëwaanës.

2 Reyes 1:9

Tä ënätyë tkejxy tu'uk ja tsyiptuunpë Wintsën, mëët niwëxtyikxymyajk yë tyuunpë. Ko jam jyajtë, yë Elías jam ënety yajpaaty kopkkëjxm, ënyääpy ënety jam. Tä ja tsiptuunpë wintsën y'ënëmaayë: Käjpxynyajxpë, yë yajkutujkpë jëtu'un y'ënä'äny koojëk mjënakëty.