1 Reyes 17:17 - Biblia Dc en Mixe de Quetzaltepec

¹⁷ Tu'kxëëw tu'ktsuu ojts ja ku'ookytyo'oxy ja y'u'unk pya'ampety, mëk yajxon ja pa'am myajtsë, ojts y'o'ktso'oky.

Biblia Mixe de Quetzaltepec

¹⁷ Tu'kxëëw tu'ktsuu ojts ja ku'ookytyo'oxy ja y'u'unk pya'ampety, mëk yajxon ja pa'am myajtsë, ojts y'o'ktso'oky.

1 Reyes 17:17 ပူးပေါင်းရင်းမြစ်များ

1 Pedro 4:12

Mëku'uktëjkëty, këtii xymyëkjawëtë ko ja ëyo'on jotmay xypaatëty, ijxtëm jeexyë ka'ap pën timmyëmëta'akëtyën.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.

Santiago 2:26

Jëtu'un ijxtëm ja jot nini'kxën y'ooky ko ja ja'awën tyukpëtsëmy, näjyëtu'un jyäty ja mëpëjkën pën ka'ap tii oy yajtuny.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Juan 11:14

Ënet ja Jesús ojts mëtëy myëkajpxëtë: Tëë ja Lázaro y'ooky.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Salmos 104:29

Pën mnäyu'tsëp tu'ktsojkyë ma yë'ëjëtyën, ënätyë tsyë'këtya'aktë; pën mijts myajxejytyujkpy, poj'am y'o'kta'atë ets jatëkok naaxway y'awinpitë.

Job 34:14

Ko y'ëkyajpëjkëty yë naaxwiinyëtë ja'ay yë xyejy, tëkokyë yë'ëjëty poj'am y'o'kta'atëty ets jatëkok y'awinpitëty naaxway.

Job 12:10

Jam kyë'ëjotm, jam y'ijta'atë mëti'ipë juuky'ajtëpën.

1 Reyes 17:16

Ka'ap kyijxy ja tsajpmokjëtsy, näjyëtu'un ja on japë tu'tsjoty tyaj'ityën, jëtu'un ijxtëm ënety ja Wintsën të tuknikäjpxyën ja Elías.

1 Reyes 17:18

Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?