1 Reyes 17:15 - Biblia Dc en Mixe de Quetzaltepec

¹⁵ Tä ja ku'ookytyo'oxy ojts nyijkxy jë'kxy oytyuunpë. Jëtu'un yë'ë, ja y'u'unk myääy ets ja Elías akujk jotkujk ojts kyäytyë y'uuktë, nyäjxy jëtu'un kanaak xëëw.

Biblia Mixe de Quetzaltepec

¹⁵ Tä ja ku'ookytyo'oxy ojts nyijkxy jë'kxy oytyuunpë. Jëtu'un yë'ë, ja y'u'unk myääy ets ja Elías akujk jotkujk ojts kyäytyë y'uuktë, nyäjxy jëtu'un kanaak xëëw.

1 Reyes 17:15 ပူးပေါင်းရင်းမြစ်များ

Hebreos 11:17

Ja Abraham, ko ja Dios wyinma'any'ixanë, mëët ko myëpëjky, yajk ja y'u'unk Isaac ets wyintsë'kën'atëty. Oy ënety jyajä'äjëty mëti'ipë ja Dios ojts tyukwinwanëtyën ko y'ënëmaayë:

Marcos 12:43

Ënet ja Jesús tmëkajpxmujky ja y'ijxpëjkpëtëjk, ets t'ënëmaay: Tëy miits n'ënëëmëtë ko yë ku'ookytyo'oxy ëyoopëja'ay, wäänëmay ja myeeny të t'akonë këtiinëm ni'ëmukë ja wiink ja'ay mëti'ipë jyä'ä të tpëjkta'aktën meeny apëjkënjoty.

Mateo 15:28

Ënet ja Jesús y'ënëmaayë: To'oxytyëjk ja'ay, janty mëj ja mmëpëjkën. Wä'än jëtu'un tunyë tjatyë ijxtëm mijts xytsyokyën. Ënätyë ja to'oxytyëjk ja nyëëx tsyoky.

Génesis 6:22

Ënet yë Noé ojts jëtu'un tkuuytyuunta'ay ijxtëm ënety yë Dios të y'ënë'ëmxëtyën.

Juan 11:40

Ënet ja Jesús y'ëtsoowë: ¿Këtii të t'ënëëmë ko xymyëpëkëtyës, m'ixëp ja Dios ja myëj'ajt y'oy'ajtënë?

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënety tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

Génesis 22:3

Komjëpom janty tsojk ja Abraham ojts pyëtë'kojy ets ojts ja jyëyujk tniwëëny. Ënet ojts ja nyija'axy tpujxë ja wintsë'kën ets ojts nyijkx jam ma ja itjotmën ma ënety ja Dios të tyuk'ënë'ëmxëtyën, tu'ukyë mëët ja Isaac ets nimäjtsk ja tyuunpë.

Génesis 12:4

Ojts yë Abram jam tsyoony Harán ijxtëm ënety yë Dios të y'ëne'emyën, jä'ä ënety yë jyëmëjt tëkë'px majkmokx ko jam tsyo'ony ets ojts nyijkxy jam Canaán nyaaxjotm.

1 Reyes 17:14

Jä'ä ko yë Wintsën, mëti'ipë Wintsën'ajtpën ma Israel kajpnën, jëtu'un të tnikäjpxy, ko ka'apëk kyukëxëja'any ja tsajpmokjëtsy japë xyaj'ityën mpokjoty ets ja m'on japë xya'ityën mtu'tsjoty, koonëm jatëkok tkukäjxnaxëty ja nëë tuu naaxwiiny naaxkëjxy.

1 Reyes 17:16

Ka'ap kyijxy ja tsajpmokjëtsy, näjyëtu'un ja on japë tu'tsjoty tyaj'ityën, jëtu'un ijxtëm ënety ja Wintsën të tuknikäjpxyën ja Elías.

2 Reyes 4:5

Ja to'oxytyëjk ojts jam tsyo'onë ma ënety mëët të myëtyä'äkyën ja Elisejë ets ojts nyëjkxnë ma tyëjkën, tä nyäyajku'ëtujkë mëët ja y'u'unk y'ëna'k. Ënet tjanty yajtuktujktaay ja tu'ts jënu'un ja ja'ay tyukniminyën.