1 Reyes 17:12 - Biblia Dc en Mixe de Quetzaltepec

¹² Tä y'ëtsooy ja to'oxytyëjk: Tyam nikäjpxyës mëët ja mWintsën ja xyëëw ko ka'apës tii nmëëtëty kääky. Wäänës jap tsajpmokjëtsy nmëëtëty, mëët wäänë on mëti'ipës jap tu'tsjoty nyaj'ijtypyën ni'atujkpety, tyam yë'ëjës yaa wäänë n'ixtääpy ja'axy etsës nëjkx nyaj'oyëjä'äny yë kääky, mëti'ipës yë n'u'unk ntukayäämpyën etsës ëjts. Yi'iyës jëtu'un njaak kayantëp etsës ënät n'o'knëtëty.

Biblia Mixe de Quetzaltepec

¹² Tä y'ëtsooy ja to'oxytyëjk: Tyam nikäjpxyës mëët ja mWintsën ja xyëëw ko ka'apës tii nmëëtëty kääky. Wäänës jap tsajpmokjëtsy nmëëtëty, mëët wäänë on mëti'ipës jap tu'tsjoty nyaj'ijtypyën ni'atujkpety, tyam yë'ëjës yaa wäänë n'ixtääpy ja'axy etsës nëjkx nyaj'oyëjä'äny yë kääky, mëti'ipës yë n'u'unk ntukayäämpyën etsës ëjts. Yi'iyës jëtu'un njaak kayantëp etsës ënät n'o'knëtëty.

1 Reyes 17:12 ပူးပေါင်းရင်းမြစ်များ

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

Génesis 21:16

Tää wäänë ja y'u'unk tmëjëkämkeky ets najamtëkë nyaaxwe'tsy, jä'ä ko ja y'u'unk ënety kya'ijx'ookäämpy; e wäänë y'ijty tääts ja y'u'unk tyëjkëy yaxpë.

Lamentaciones 4:9

Nikë oy mëti'ipë pojën o'kën tsipjoty këtiinëmëm mëti'ipë yuu'o'ktëpën, jä'ä ko mëti'ipë të yuu'ooktën jeky të y'ëyowtë, ko të tyëkoy'äty ja ka'ayën ukën.

Jeremias 14:18

Koos nëjkxy nkamjoty, xii yaajës muum o'kpë n'ixy mëti'ipë tsipjoty të y'ooktën; koos kajpnjoty ntëkë, yë'ëjës ntuk'ijxpejtyp ja'ay mëti'ipë të yuu'ooktën. Yë'ëpaat yë käjpxynyajxpëtëjkëty ets teetytyëjkëty tsyo'onëtë, nyëjkxnëtë muum wiink kajpn ma ka'ap t'ixy'atën.

Jeremias 5:2

Tää ja'ay mëti'ipë tii nyikäjpxypën yë'ë tyukkajpxpejtyp yë Dios yë jyuukyajtën, je'eyëp ko antaktëp.

Jeremias 4:2

jäänëm tëy, jyëkyäpëp xykyajpxpaatëty yë nxëëwës ko ënety tii xynyikäjpxy mëët yë tëyajtën, mëët ja oypyë ja paye'eyën ets oypyë tu'unën kajpxën. Nëjkxëp ja ja'ay tukxoonta'aktë ja nxëëwës ma ja naax kajpnën.

2 Samuel 15:21

Tä ja Itai t'ëtsooy ja ënä'ämpë: Wintsën, tyam yajxon ntuk'ëwaanëty, pën maa mijts mnëjkxy ëjts nän jamës nnëjkxa'any, oy y'o'kën jëjp'amëty ëkë oy jyamëty ma juukyajtënën.

1 Samuel 26:10

Yë Wintsën yë'ë kë'ëm nyija'ap jëna'a yë jyuukyajtën tpëjkëja'any, jäänëm yë yajnijawëty ko ënety ja o'kën tyukja'tyë, ëkë ko ënety jam y'ooky tyëkoy tsipjotm.

1 Samuel 25:26

E tyam ka'ap yë Wintsën të tyajkutuky ets nëkoo ne'pny xytyämëty xyjyä'ätsëty ets mëët ja mkë'ë m'aaw mtuuntëkoyëty. Yë Wintsën, yë'ë y'a'ixëp ets tëkokyë yë mëtsiptëjk mëti'ipë m'ëxëëk'ijxëpën näjyëtu'un nëjkx jyatë kyëpätë ijxtëm yë Nabal tyam të jyajata'anyën.

1 Samuel 20:21

Täätsës ja ntuunpë n'ënëëmëty: Nëjkx ixta'a ja ti'pxnkepy. Koos n'ënëëmëty: ja ti'pxnkepy tyaatsow jä'ä ma mtänën, mëta'ak ets mëmin, jyëkyäpëp mpëtsëmëty akujk jotkujk. Jä'ä ko mijts ka'ap nitii mjata'any mkëpäta'anyë. Tyampës nikäjpxyën Dios xyëëwkyëjxmës yam jëtu'un n'ëna'any.

1 Samuel 20:3

Tä ja David ni'ikyë y'ënaan'ëtë'ëtsy: Yë mteety wa'ats tnijawë ko ëëtsajtëm oy näjya'awëmë, paaty yë'ë ka'ap mtuk'ëwa'anxëty këtiipë xywyiinkjawëty. Ëjts nikäjpxypyës yam ets wa'ats yë Wintsën t'ixy koos o'kën jëjp'amës n'ity.

1 Samuel 14:45

Ënet ja naax kajpn ojts t'ëtsoy ja Saúl: Wi'ix ko y'ëk'o'kpëty yë Jonatán, pën mëët yë'ëkyëjxm yë Israel ja'ayëty tyam të myëta'aktë, tääpë winma'any ka'ap tyunëty. Jëtu'un tä yë Dios jyuukyëtyën, yë Jonatán nitu'uk yë kyuwaay kyanëëka'ajëty. Jä'ä ko mëti'ipë tyam të tunyën yë'ë Wintsën të pyutëkëty. Jëtu'un'äämpy ja naax kajpn ojts tnikajpxtu'uty ja Jonatán ets ka'ap y'o'ky.

1 Samuel 14:39

Tyamës yajxon nikäjpxy mëët yë Dios yë xyëëwkyëjxn, mëti'ipë xëmë yajtsokpyën yë Israel ja'ayëty. Ko oy tyimyë'ë'atëty ja nmaankës Jonatán, pën yë'ë të pyokytyuny, kwanë ko y'ookëty. Ma ja tsiptuunpëtëjkën nitu'uk ojts kya'ëtsowtë.

Mateo 26:7

Ko ojts tu'uk ja to'oxytyëjk tmëminy ja pa'akxu'kpë nëë janty tsowpë. Jam ënety ja Jesús y'u'unyë kaaytyaknwintum, ko ja to'oxytyëjk ojts tyukutäämë'ëkyë ja pa'akxu'kpë nëë.

Génesis 21:15

Ko ojts ja nyëë kyëjxnë, mëti'ipë ënety jap xutyjoty myëmiinpyën, ja y'u'unk jam ojts tnajtsko'kënë kepypya'tkë'ëm.

1 Reyes 17:11

Ja nëë ënety nyinëjkxyp ko tmëkajpwinpijty ets t'ënëmaay: Jam wäänë xymyëminëty näjyëtu'un kääky, kayaanpës.

1 Reyes 17:13

Tä ja Elías y'ëtsooy: Këtii mtsë'ëkë. Nëjkx yaj'oyë mëti'ipë të xynyikäjpxyën. Jëyëjp ja tsajpmokway xyajtunëty jampë xymyëët'atyën ets xyaj'oyëty tu'uk yë nma'atsyës ets mjä'ä xyaj'oyëty ets mmaank yë jyä'ä näjyëtu'un.