1 Reyes 17:1 - Biblia Dc en Mixe de Quetzaltepec

¹ Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

Biblia Mixe de Quetzaltepec

¹ Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

1 Reyes 17:1 ပူးပေါင်းရင်းမြစ်များ

Santiago 5:17

Ja Dios ja kyäjpxynyajxpë Elías, näjyëtu'un y'ijty ja'ay ijxtëm ëëtsajtëmën, ko ja Dios tja'amyejtsy ets ja nëë tuu ka'ap myinëty, ka'ap ojts tyu'uy tëkëëk jëmëjt ja kujkm.

Lucas 1:17

Ya'atë Juan, yë'ë nëjkx jëwyiin nyijkxy, mëët ja jyot jya'awën ja käjpxynyajxpë Elías. Yë'ëts ja u'unktaak u'unkteety nëjkx tyajnämyë'oypyikyë mëët ja y'u'unk y'ëna'k ets tjatëty wi'ix ja Dios tmëmëtowtëtyën. Jëtu'unts ja ja'ay tnipëjktaakëty ets tjëjp'ixtëty ja Wintsën.

1 Reyes 22:14

Tä ja Micaías y'ëtsooy: Tyam mijts yajxon n'ënëëmëty ets Wintsënës yam ntukajpxypejtyp, ko yi'iyës yam nikajpxäämpy mëti'ipës yë Wintsën xytyuk'ënä'ämpën.

2 Reyes 3:14

Ënet ja Elisejë t'ëtsooy: Tyam mijts yajxon n'ënëëmëty mëët yë Wintsën yë xyëëw mëti'ipë maaytyääyëpën, mëti'ipës wa'ats xy'ijxpën, ko mëët yi'iyë koos n'oyjyawë yë Josafat, Judá yajkutujkpën, paaty nputëkëja'any; ko jeexyë ka'ap ni nkani''ijxë'ëky jeexyë yam.

Apocalipsis 11:6

Ja nimäjtskpë mëti'ipë ja tëyajtën yajktëpën myëët'ajtëp ja mëk'ajtën ets ka'ap tyu'ujëty kanaak xëëw ma ja Dios ja jyä'ä tkajpxwa'kxëtën, ets nän myëët'ajtëp ja mëk'ajtën ets ja nëë tyajne'pynyëtya'atëty ets tyaj'ëyowtëty ja naaxwiinyëtë ja'ay mëët kanaaknax ja ëyo'on jotmay ijxtëm kë'ëm timtsyoktën.

Romanos 11:2

Tëëyëp ja Dios tkajpniwa'any ja Israel ja'ay, e tyampaat je'eyëm tkajpniwa'any ¿tii ko t'ëk'ëxwaanpëty? ¿Këtii xynyijawëtë wi'ix ja Dios ja y'aaw y'ayuk y'ënä'änyën ma ja Dios ja kyäjpxynyajxpë Elías yajnimëtyä'äkyën, ko ja Dios ojts tja'amyetsy ets ojts tuk'ëwaanë ja Dios wi'ix ja jutiis ja'ay y'ëtë'ëtstënë? ets y'ënäny:

Lucas 21:36

Jëjp'ixy xëmë myajpaatëty, ja'amyätstë ja Dios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Lucas 9:30

Ënet jam nimäjtsk ja ja'ay kyëxë'ktë mëti'ipë mëët myëtya'aktën ja Jesús. Jä'ä ja Moisés ets ja Elías,

Mateo 7:29

jä'ä ko kuttujkën mëët yaj'ixpëky ets ka'ap jyëtu'unëty ijxtëm ja tsajptëkotyëtë yaj'ijxpëjkpëtëjkëtyën.

1 Reyes 18:1

Nyäjxy jëtu'un ja xëëw jëmëjt, kom tëkëëk jëmëjt yë Wintsën ojts tmëkäjpxy yë Elías ets t'ënëmaay: Nëjkx xy'ixy yë yajkutujkpë Ahab ets xytyuk'ëwaanëty koos nkäxäämpyës yë nëë tuu.

Deuteronomio 10:8

Ënet ojts yë Wintsën twin'ixy yë Leví y'u'unk y'ëna'k ets yë'ë tkë'ëtëty ja kaaxë mëti'ipë myë'ijtypyën ja käjpxytyu'unën ets tukwinkukëyëtëty ja Wintsën, ko tii wintsë'kën yajmo'oja'anëty, ijxtëm tyampaat tuntën.

Hechos 27:23

Ja Dios, mëti'ipës nmëtuumpyën ets xyjyä'ä''ajtpën, äämkyoots tu'uk ja y'anklës të nwin'ixyës.

Lucas 1:19

Tääts ja tsajpjotmëtë kukäjpxy y'ëtsooy: Gabrielës ëjts, Tiosës y'ënä'ämën npatuunëp; yë'ëjës të xykyexy ets mijts n'ëwaanëty ya'atë aaw ayuk oypyë.

1 Reyes 18:15

Tä ja Elías y'ëtsoowë: Ëjts Wintsënës yam ntukajpxpejtyp, mëti'ipës nmëtuumpyën, n'ënëëmë mijts yajxon ko ya'atë xëëw jam näwya'këxë'ëka'anyës ma yajkutujkpën Ahab.

1 Reyes 18:10

Ëjts tyamës ntukajpxpety yë mWintsën yë xyëëw, ko tää yajxon mjanty yaj'ixta'ay ets myaj'ooka'anyë, tëë yajtukjëtijtëtyä'äy yë naax kajpn, ko pën y'ënä'äny ko ka'ap maa Ahab kanaak'ok tuknikäjpxy yë ja'ay ko ka'ap maa pën të mpaatyë.

Jueces 12:4

Ënet ja Jefté tyajmujky ja ja'ayëty jampë ënety tsyëënëtën Galaad ets tsyiptuuny mëët yë Efraín ja'ayëty. Jefté ojts myëtä'äky. Yë Efraín yë jyä'äyëty jëtu'un ënety y'ëna'antë ko ja Galaad ja'ayëty mëti'ipë jam tsënaaytyëpën ma Efraín mëët yë Manasés nyäpyäätyë, ka'ap ënety mëët yë Efraín ja'ay y'ëknäy'oyjya'awënëtë.

Juan 1:25

Yë'ë ojts tyajtëwtë: Pën ka'ap mijts mKristëty ets ka'ap mijts mElíasëty ets ka'ap myijtsëty Dios kyäjpxynyajxpë, ¿tiixë ko myajnëëpety?

Juan 1:21

Tääts tjaakyajtëëwtë: ¿Mpënxën mijts? ¿Dios kyäjpxynyajxpë Elías? Ets ja Juan y'ënäny: Ka'ap y'ëjtsëty. Ets tjaaknëmaaytyë: ¿Yë'ë mijts ja Dios kyäjpxynyajxpë mëti'ipë minaanpën? Ets ja Juan y'ëtsooy: Ka'ap y'ëjtsëty.

Lucas 9:54

Ko ja Santiagë ets ja Juan jëtu'un tmëtoowtë, ënät t'ënëmaaytyë: Wintsën, ¿Myajkutujkpy mijts etsës n'amëtowtëty ja jëën tsajpjotm, wä'än yë ja'ay tkutëkoytyë?

Lucas 9:33

Ko ja ja'ay jyëwa'ktë ënät ja Pedro t'ënëmaay ja Jesús: Wintsën, oy koos yaajëty. N'oytyuntës tëkëëk yë ujts aaytyëjk; tu'uk mijts yë mjä'ä, tu'uk yë Moisés yë jyä'ä ets tu'uk yë Elías yë jyä'ä. Ja Pedro ka'ap nijawë tii ko jëtu'un y'ënä'äny.

Mateo 27:49

Tam ja wiinkpë mëti'ipë ënantën: Ixmats. Wä'än n'ijxëm pën nimiinëp ja Elías.

Mateo 27:47

Tam ënety tyänëtë ja ja'ay mëti'ipë ojts tmëtowtën ets y'ënantë: Yë'ë yowë myëkäjpxyp yë käjpxynyajxpë Elías.

Mateo 16:14

Ets y'ëtsoowtë: Tam mëti'ipë ënantëp ko mijts Juan Yajnëëpäjtpë, tam mëti'ipë ënantëp ko mijts mEliiësëty ets tam mëti'ipë ënantëpën ko mijts mJeremiiësëty ets wiinkpë y'ëna'antë ko Dios käjpxynyajxpë mijts.

Mateo 11:14

ets pën mkupëjktëp, yë Juan jëtu'un ojts myiny tä yë Elías kyutëkatsën.

Jeremias 15:19

Jëtu'un yë Wintsën y'ënä'äny: Pën mijts mwinpijtp jatëkok maas ëjtsën, mijts nkupëkäämpy etsës xymyëtunëty. Pën mijts mmajts'ijtyp ja mwiin m'aaw ets ka'ap nëkoo ayuk xy'ixkäjpxy, yi'iyë mnikäjpxyp mëti'ipë tëy jaantyën; jyëkyäpëp xynyikajpx xynyimëtya'akëty ëjts yë n'aaw n'ayukës. Yë'ë, nëjkxëp mniminyë ets mijts, nëjkxëp xynyinëjkxy.

Isaías 49:18

Ijxë'ëk ets xy'ixëty wi'ix ja ja'ay ye'eymyuktën ets mniminyën. Ëjts Wintsën, njuukyajtënës ntukajpxpejtyp, ko tu'kë'ëyë yë'ëjëty jëtu'un tä kë'ëjiitsën, nantsëmën ets kujänën mëti'ipë yë to'oxytyëjk nätyuk'oytyuunëpën ko pyëka'any.

2 Reyes 5:16

Ets ja Elisejë y'ëtsooy: Tyamës yajxon nikäjpxy mëët yë Wintsën yë xyëëw mëti'ipës xy'ijxpën, ko nitiijës nka'ëxajëja'any. E ja Naamán mëktä'äky jya'ënëmaayë ets tkupëkëty, Elisejë ka'ap ojts t'ëxajë.

1 Reyes 17:2

Paatykyëjxm yë Wintsën t'ënëmaay ja Elías:

1 Reyes 17:12

Tä y'ëtsooy ja to'oxytyëjk: Tyam nikäjpxyës mëët ja mWintsën ja xyëëw ko ka'apës tii nmëëtëty kääky. Wäänës jap tsajpmokjëtsy nmëëtëty, mëët wäänë on mëti'ipës jap tu'tsjoty nyaj'ijtypyën ni'atujkpety, tyam yë'ëjës yaa wäänë n'ixtääpy ja'axy etsës nëjkx nyaj'oyëjä'äny yë kääky, mëti'ipës yë n'u'unk ntukayäämpyën etsës ëjts. Yi'iyës jëtu'un njaak kayantëp etsës ënät n'o'knëtëty.

2 Reyes 1:3

je'eyëp ko ja Wintsën ënätyë ojts tkexy ja kyukäjpxy jam ma ja Elías yajpaatyën, jampë kyukajpnëtyën Tisbé: Nëjkx paat yë yajkutujkpë tyuunpë mëti'ipë jam të tsyoontën Samaria ets xyajtëwëty, ¿tii ka'apëtën jam yë Wintsënë ma Israel kajpnënë, tii ko yë'ë xynyinëjkxtë yë Baal-zebu, jampë yajpaatyën Ecrón ets yë'ë winë xyajtëwa'antë?

2 Reyes 5:20

ko yë Guehazí, mëti'ipë ja Elisejë tyuunpë'ajtypyën, ojts myäy tyäjy: Yë nwintsënës jëtu'unyë yë Naamán, yë sirië ja'ay, të timyajwinpijnë, ka'ap wäänë nitii të t'ëxajë, mëti'ipë të jyatukniminyën. Tyamës yajxon ntimy'ënä'äny mëët yë Wintsën yë xyëëw koos mpapo'ojäämpyës yë yam, jamës n'ixëty tiijës n'ëkpatyp ma yë'ëjën.

2 Crónicas 6:26

Ko ënety ja naaxwiinyëtë yajpatnë aanë'ëk tëëtsë'ëk, mëët ko ja mnaax mkajpn të mëtëkoyë ets myintëty yaa ma mjëën mtëjkën jëëytyak nu'kxtakpë ets tmëjpëjkta'aktëty jatëkok ja mxëëw ets jyotwinpitëty ko ënety xytyukkumëtoy ja pyoky,

Job 12:15

Ko yë'ë tmajtswë'ëm yë nëë tuu, poj'am winë tyëtsta'ay; e ko tmajtstu'uty yë nëë tuu, poj'am tyajnikoonpäjta'ay yë it naaxwiinyëtë.

Isaías 5:6

jëtu'unyës ntimyjyä'äytyëkoyä'äny. Ni pën kyakuyu'ujëtëty ets ni pën kyawinpux kyawinpootëtëy, äämjyoty pejyjoty nëjkx wyi'imy. Ëjts kë'ëm njëpëkäämpy ja yoots nëma'a ets ka'ap y'ëktuunëty.

Jeremias 14:22

¿Wä'än jëtää tyajtu'ujëty tu'uk yë tios mëti'ipë ka'ap tyiosëtyënë? ¿Wä'än jëtää kë'ëmwinma'any tsyoony yë nëë tuu tsajpjotmë? Ka'ap Wintsën mëti'ipës nTios'ajtëpën, mijts yë nëë tuu mkejxyp, mijts winë mtuuntääpy, paatykyëjxm mijts myaj'ëwxity.

Jeremias 28:8

Ja käjpxnyajxpëtëjkëty mëti'ipë tëëyëp juuky'ajtëpën ma ënety mijts ets ëjts ka'ap nmi'inëmën naaxwiiny, ojts t'akajpxtë ko jyää'ata'any ma naax kajpnën ja tsip, yuu xëëw ets pa'am ëyo'on.

Hageo 1:10

Paaty ka'ap yë nëë tuu y'ëkka'anë ma miitsëtyën ets ka'ap tii y'ëk'ijt y'ëkwintëëwnë ma tii xyjyaniyu'ujëtën.

1 Reyes 8:35

Ko ënety nëkooyë ja anpë myiinë, mëët ko ja naax kajpn të mëtëkoyë ets jyotwinpitëty ets mëkajpxëtëty ets mwin'ëw mwinya'axëtëty, tjawëty ko tëë tyëkoy, ko tsë'ëkë ja mtëytyu'unën,

2 Reyes 4:38

Ko ya'atë jëtu'unpë ja mëj'ajtën tyuuntaay jyajtaayë, tä ja Elisejë ojts nyëjkxnë jam Guilgal. Tu'kxëëw tu'kjëmëjt, ma jampë ja itjotmën yuu ënety jam mëk jëtijtp, e jamts ënety yajpaatë aakyë'ë yë Wintsën yë tyuunpëtëjkëty, ko t'ënëmaay yë Elisejë ja tyuunpë Guehazí: Tun mëyajtën jam wäänë yë tu'ts xykyëxwitsëty jëënkëjxm ets tojkx xyaj'oyëty wä'än ya'atë Wintsën yë tyuunpëtëjk tkaytyë.

2 Crónicas 21:12

E tëkok yë Joram ojts yë noky nyija'tyë, yë käjpxynyajxpë Elías kyäjx, mëti'ipë ënaanpën: Yë Wintsën mëti'ipë David y'ëwtajtën; yë m'apteety, jëtu'un y'ënä'äny: Mijts ka'ap oy winë xy'ëktuunë tä ja mteetyën Josafat ets tä ja mtatwelën Asá, mëti'ipë ojts jam Jerusalén yajkutuktën,