1 Reyes 16:8 - Biblia Dc en Mixe de Quetzaltepec

⁸ Ma y'i'px tëtujk petyën, ma yajkutukyën ja Asá jam Judá, jää ojts tyëkë yajkutujkpë yë Elá, myaank yë Baasá, jam Tirsá mëti'ipë Israel nyitënääpyën ets jä'ä ojts yajkutuky mäjtsk jëmëjt;

Biblia Mixe de Quetzaltepec

⁸ Ma y'i'px tëtujk petyën, ma yajkutukyën ja Asá jam Judá, jää ojts tyëkë yajkutujkpë yë Elá, myaank yë Baasá, jam Tirsá mëti'ipë Israel nyitënääpyën ets jä'ä ojts yajkutuky mäjtsk jëmëjt;

1 Reyes 16:8 ပူးပေါင်းရင်းမြစ်များ

1 Reyes 15:16

Asá xëmë tsyiptuuny mëët yë Baasá, jampë yajkutukyën Israel.

1 Reyes 16:7

Ya'atë aaw ayuk yë'ë ojts yajtukmëkäxë Jehú, Hananí yë myaank; ja Wintsën jä'ä ojts tnikäjpxy wi'ix ja Baasá tkumëtowëtyën ja pyoky mëët ja y'u'unk y'ëna'k y'u'unk tyo'oxytyëjk, jä'ä ko tëkatsy ojts winë tuny. Basá ojts yë Wintsën tyajjoot'anpëky, jä'ä ko ëxëëk winë tuuny jëtu'un tä ja Jeroboam mëët ja y'u'unk y'ëna'k ëxëëk winë tuuntën, mëti'ipë ojts näjyëtu'un kyutëkoytyën.

1 Reyes 16:9

e jamts ijty tu'uk yë tyuunpë, Zimri xyëëwajtyp yë'ë nyiwintsën'ajtyp yë tsiptuunpëtëjk, yë'ë kyëwent'ajtyp ja pujxnwintëkäämpë mëti'ipë myëtsiptuuntëpën, tä mëët ja myëku'uktëjk nyäkyajpxë ets tyaj'ooka'antë ja Elá. Tu'kxëëw ojts tëkok yë Elá nyäyajmukpëkyë nëkooyë, jam ënety yajpaaty ma tyëjkën yë Arsá, mëti'ipë yajputu'unëpën, jam Tirsá y'itjotm.

Proverbios 28:2

Ko naax kajpn ka'ap oy nyë'ëye'ey tyu'uye'ey, aak ënä'ämantëp jää ja'ay, e mëti'ipë tyukjajtypyën wi'ix tu'uwinwowëtyën yë nyaax kyajpn, nyija'ap wi'ix winë oy tyaj'itëtyën.

1 Reyes 15:33

Ma tyëkëëk jëmëjtpejtyën ma ja Asá yajkutukyën jam Judá, jää jëmëjt ojts tyëkë yë Baasá yajkutujkpë, yë Ahías yë myaank jam Tirsá, ma tnitënaaytyä'äyën yë Israel, i'px taxk jëmëjt ojts yajkutuky jam.

1 Reyes 16:6

Ko Baasá y'o'ky jam tyajnaaxtëjkëtyë Tirsá. Ma ja kutujktaknën, yë'ë kutëjkëyë yë myaank Elá.

1 Reyes 16:15

Ma y'i'px wëxtujk jëmëjtpetyën, ma yajkutukyën yë Asá jam Judá, yë'ë ënety yë Israel ja'ayëty të tyajnatuktë yë Guibetón kajpn, filistejë ja'ay jam tsënaaytyëp, ko tyëjkëy yë Zimri yajkutujkpë jam Tirsá. Je'eyëp ko wëxtujk xëëw ojts je'eyë tyuny,

1 Reyes 16:21

Ënet ojts ja Israel kajpn nyäwyä'kxyë mäjtskpëky. Tu'kpëky jä'ä pyutëjkëp ja Tibní, Guinat yë myaank ets yë'ë yajkutukëty, e jatu'kpëky jä'ä pyutëjkëp ja Omri.

1 Reyes 16:23

Omri, jä'ä ojts yajkutujktsoony jam Israel, ma ënety myë'i'px majktu'uk jëmëjtpetyën ma Asá yajkutukyën jam Judá ets jä'ä ojts tyuny majkmäjtsk jëmëjt, tëtujk jëmëjt yajkutujky jam Tirsá.

2 Reyes 15:14

jä'ä ko ojts jyä'ty jam yë Menahem, yë myaank yë Gadí, mëti'ipë tso'onën Tirsá ets jam Samaria jyä'äjty, yë'ëts ja Salum yaj'ookyë ets ojts yë'ë tyëkë yajkutujkpë.

2 Reyes 15:23

Ma ënety myajkmokx jëmëjtpetyën, ma ja Azarías yajkutukyën jam Judá, jää ojts jyëmëjttëkë yë Pekaia, yë myaank yë Menahem jam Israel ets jam yajkutujky Samaria mäjtsk jëmëjt.

2 Reyes 21:19

Amón jä'ä ënety jyëmëjt majkmäjtsk ko tyëjkëy yajkutujkpë jam Jerusalén ets mäjtsk jëmëjt ojts y'ëne'emy. Ja tyaak jä'ä ijty xyëëwajtyp Mesulemet, yë'ë nyëëx yë Harús, jam kyukajpnëty Jotbá.