1 Reyes 16:21 - Biblia Dc en Mixe de Quetzaltepec

²¹ Ënet ojts ja Israel kajpn nyäwyä'kxyë mäjtskpëky. Tu'kpëky jä'ä pyutëjkëp ja Tibní, Guinat yë myaank ets yë'ë yajkutukëty, e jatu'kpëky jä'ä pyutëjkëp ja Omri.

Biblia Mixe de Quetzaltepec

²¹ Ënät ojts ja Israel kajpn nyäwyä'kxyë mäjtskpëky. Tu'kpëky jä'ä pyutëjkëp ja Tibní, Guinat yë myaank ets yë'ë yajkutukëty, e jatu'kpëky jä'ä pyutëjkëp ja Omri.

1 Reyes 16:21 ပူးပေါင်းရင်းမြစ်များ

Mateo 12:25

Nyija'awëy ja Jesús wi'ix ja ja'ay myäytyën tyajtën, paaty t'ënëmaay: Tu'kë'ëyë naax kajpn mëti'ipë kanaakpëky të nyäwyä'kxyën aak mëtsip nye'ixëtë, tääts kë'ëm nyäyajkutëkoyë; näjyëtu'un ja kajpn ëkë ja'ay tu'kjëën tu'ktëjkpë të nyäwya'kxëtën ¿wi'ix ja myëk'ajtën kyutujkën t'ëkmëët'atëty?

Isaías 19:2

Tääts ja Wintsën y'ënä'äny: Nyajwa'kxäämpyës yam Egiptë kajpn ets aakyë'ë tsyiptuntëty, nëjkxëp nyämyëtsiptsoonyë ja ja'ay mëët ja myëku'uk, ja kajpn mëët ja myënaax myëtsëpa'an, ja yajkutujkpë mëët ja myëku'uk mëti'ipë näjyëtu'un yajkutujkpën.

Proverbios 28:2

Ko naax kajpn ka'ap oy nyë'ëye'ey tyu'uye'ey, aak ënä'ämantëp jää ja'ay, e mëti'ipë tyukjajtypyën wi'ix tu'uwinwowëtyën yë nyaax kyajpn, nyija'ap wi'ix winë oy tyaj'itëtyën.

1 Reyes 16:29

Ma ënety myë'i'px tuktujk jëmëjtpetyën, ma Asá jam yajkutukyën Judá; yë Ahab, Omri myaank, jää ojts tyuuntsoony jam Israel. Jä'ä ojts yajkutuky i'px mäjtsk jëmëjt, jam Samaria.

1 Reyes 16:8

Ma y'i'px tëtujk petyën, ma yajkutukyën ja Asá jam Judá, jää ojts tyëkë yajkutujkpë yë Elá, myaank yë Baasá, jam Tirsá mëti'ipë Israel nyitënääpyën ets jä'ä ojts yajkutuky mäjtsk jëmëjt;

1 Reyes 15:28

Baasá jää ojts tyaj'ooky ja Nadab ma ënety mëtëkëëk jëmëjt yajkutukyën yë Asá jam Judá ets yë'ë tyëjkëy yajkutujkpë.

1 Reyes 15:25

Ma myëmäjtsk jëmëjtpetyën, ma yajkutukyën yë Asá jam Judá, jää ojts yë Nadab yajkutujktsoony jam Israel, yë'ë Jeroboam yë myaank ets mäjtsk jëmëjt je'eyë ojts y'ëne'emy.

1 Reyes 16:20

Yë nyimëtyä'äky yë Zimri, mëti'ipë tyuunën ets wi'ix winë tuunyën, jap ja myiny këxja'ay ma ja nokyën, mëti'ipë nyoky'ajtëpën ja yajkutujkpëtëjk.

1 Reyes 16:22

Ja jyä'äy ja Omri, jä'ä ojts myëtä'äky, jëtu'un'äämpy ja Tibní yë Guinat yë myaank jyä'äy tkupëjktë oy wi'ix jyanäjya'awëtyë. Ojts ja Tibní y'o'knë, tä ja Omri ojts yë'ë tyëkë yajkutujkpë.