1 Reyes 16:2 - Biblia Dc en Mixe de Quetzaltepec

² Jëtu'un ja Basá yajnikäjpxy: Ëjts ojts mijts njuuty ma Israel kajpnën, tä ja'ay muum tii naaxwayjoty tpaatyën, ets të npëjktä'äky ënä'ämpë yajkutujkpë ma Israel kajpnën mëti'ipës nkajpn'ajtypyën. Je'eyëp ko ja naax kajpn tëë xyajpokytyuny timjëtu'un tä ja Jeroboam y'ëtitsyën. Yajxonës të xyajjoot'anpëky mëët ja poky mëti'ipë të xytyunyën.

Biblia Mixe de Quetzaltepec

² Jëtu'un ja Basá yajnikäjpxy: Ëjts ojts mijts njuuty ma Israel kajpnën, tä ja'ay muum tii naaxwayjoty tpaatyën, ets të npëjktä'äky ënä'ämpë yajkutujkpë ma Israel kajpnën mëti'ipës nkajpn'ajtypyën. Je'eyëp ko ja naax kajpn tëë xyajpokytyuny timjëtu'un tä ja Jeroboam y'ëtitsyën. Yajxonës të xyajjoot'anpëky mëët ja poky mëti'ipë të xytyunyën.

1 Reyes 16:2 ပူးပေါင်းရင်းမြစ်များ

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

1 Reyes 14:7

paaty yam n'ënëëmë ets mwinpitëty, xy'ënëëmëty yë Jeroboam, ko jëtu'un yë Wintsën y'ënä'äny: Ëjts mijts të nwin'ixy ma ja naax kajpnën ets ja naax kajpn xy'ënä'ämëty mëti'ipë yë Israel ja'ayëty kyajpn'ajtëpën.

1 Reyes 15:26

Je'eyëp ko ja tyuunk ka'ap ojts oy ja Wintsën t'ixy, jëtu'un winë ëxëëkjaty tuuny tä ja tyeetyën, je'eyë ojts tyajpokytyuny ja Israel kajpn.

1 Reyes 15:34

Je'eyëp ko Baasá ëxëëk ojts winë tuny jam Wintsën wintum, jëtu'un winë tuuny ijxtëm ja Jeroboamën, ko tyajpokytyuuny ja Israel kajpn.

Éxodo 32:21

Tä ojts t'ënëëmë ja Aarón: ¿Tii jëtu'un ya'atë naax kajpn të mtukmëtuuntëkoyë ets jëtu'un xyajpokytyunëty mëjwiin këjää?

Jeremias 7:18

Yë y'u'unk y'ëna'k, yë'ë ja'axy myëmiintëp; yë u'unkteety yë'ë jëën yajmëjjëtyëp; e yë to'oxytyëjkëty yë'ë jëtsykyojxtëp ets ja tsajpkääky tyaj'oyëtë ets tukwintsë'ëkëja'antë ja tios mëti'ipë tyijtëpën Ja wintaj mëti'ipë yajkutujkpën jam Tsajpjotm.

Mateo 5:19

Pën yë ënä'ämën ka'ap tpatuny yiinpë wäänpë ets ka'ap pën tuk'ëwaanë wi'ix tpatunëtyën, mutsk nëjkx nyäxy ma ja tsajpjotmëpë kutujkënën; pën yë ënä'ämën pyatuumpy ets ja ja'ay tukni''ixë ets tpatuntëty, yë'ë mëj naxaanp ma ja tsajpjotmëpë kutujkënën.

Lucas 1:52

Tëë tpëjkë ja yajkutujkpëtëjk ja kyutujkën, ets të tyajmëjnaxy ja ayoopë ja'aytyëjk.

1 Samuel 2:24

U'unk maayëty, jëtu'un tä miits m'ëtë'ëtstën ninu'un kyatimy'oyëty, ëjts tëëjës wa'ats nmëtoy wi'ix yë Dios yë nyaax kyajpn mnimëtya'akëtën.

1 Samuel 2:8

Dios yajkumeenytyäkpy yë ja'ay mëti'ipë ëyoop jotëkoopyën, ets yajjotkujktäkpy yë ja'ay mëti'ipë o'ktëy yajpatpën. Jam tyajnaaxweetsy ma ja'ay mëj'äämpyëtypë kyäytyën y'uuktën. Jä'ä ko yë Wintsën yë'ë nyiwintsën'ajtyp yë naaxwiinyëtë ets yë'ë kyuwäämpy kyë'ëjotm

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënety ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.