1 Reyes 16:18 - Biblia Dc en Mixe de Quetzaltepec

¹⁸ Ko ja Zimri t'ijxy ko tëë ja kyajpn yajnitëkë, ënät ënätyë kyupëyë'ëkëy jap tëkoty ma yajkutukyën ets tjëën ixko'onëy ja kutujkëntëjk, tap ënety yë'ë tëkoty, jëtu'un'äämpy ojts nyäyaj'ookyë kë'ëm.

Biblia Mixe de Quetzaltepec

¹⁸ Ko ja Zimri t'ijxy ko tëë ja kyajpn yajnitëkë, ënät ënätyë kyupëyë'ëkëy jap tëkoty ma yajkutukyën ets tjëën ixko'onëy ja kutujkëntëjk, tap ënäty yë'ë tëkoty, jëtu'un'äämpy ojts nyäyaj'ookyë kë'ëm.

1 Reyes 16:18 ပူးပေါင်းရင်းမြစ်များ

2 Samuel 17:23

Ko ja Ahitófel t'ijxy ko ja wyinma'any ka'ap të tyuny, tää tniwë'ëny tnijujky ja jyëyujk ets ojts nyëjkxnë ma tyëjkën, jam ma ja nyaax kyajpnën ma ënety të myinyën naaxwiiny. Ko tyajwintu'upëjktaay ja jyotmay jampë ma jyëën tyëjkën, tä nyäyaj'o'kë. Jëtu'un y'oky ets jam nyaaxtëjkëy ma ja tyeety nyaaxtëjkëyën.

1 Reyes 16:17

Ënet ja Omri mëët ja Israel ja'ayëty mëti'ipë tsiptuunpë ja'ayëtyën, ojts t'ëxmatstë ja Guibetón ets yë'ë tnitëjkëtyë ja Tirsá kajpn.

2 Reyes 15:25

E jamts ënety tu'uk ja tyuunpë mëti'ipë xyëëwajtypyën Peka, yë myaank yë Remalías, yë'ë ojts nyikäjpxytyunëty ets mëët nyäpyëjk nyämyajtsë yë Galaad ja'ayëty; ënät tukja'ajtë ma ja kutujkëntëjkën, jä'ä nyimay'atë niwëxtyikxymyajk. Ko tyaj'o'ky yë'ë ojts tkutëkë ma ja kutujktaknën.

2 Reyes 9:31

E ko yë Jehú jam jyä'äjty ma ja kajpn yajnitëkën, tä ja Jezabel y'ënäny: ¿Wi'ix myajpaaty Zimri, mëti'ipë ja wyintsën kë'ëm të tyaj'ookyën?

Mateo 27:5

Ënet ja Judas ja meeny tnajtswëjëy jap tsajptëkoty ets ojts nyijkxy tääts nyäyo'ktëëyë.

Jueces 9:54

Ko ja Abimélec nyäjya'awëyë tëë tsyëtyuty, tä ënätyë tmëjyaxëy ja tyuunpë mëti'ipë tyëëmjëtijtypyën ja tëypyujxn ets t'ënëmaay: Juut yë mtëypyujxn ets yaj'o'kës, ka'apës ntsoky yë käjpxy y'ëna'anëty ko to'oxytyëjk të xyaj'ookyës. Ënet ja tyuunpë tyukmoxmëku'umëyë ja yenypyujxn ets jëtu'un y'o'ky.