1 Reyes 16:12 - Biblia Dc en Mixe de Quetzaltepec

¹² Jëtu'un'äämpy ja Zimri tyajkëjxtaay ja Baasá ja jyä'äy, tä jëtu'un y'atëëy tä ënety ja Wintsën të t'akäjpxyën mëët ja Jehú, ko jëtu'un jyata'any kyëpäta'any ja Baasá,

Biblia Mixe de Quetzaltepec

¹² Jëtu'un'äämpy ja Zimri tyajkëjxtaay ja Baasá ja jyä'äy, tä jëtu'un y'atëëy tä ënäty ja Wintsën të t'akäjpxyën mëët ja Jehú, ko jëtu'un jyata'any kyëpäta'any ja Baasá,

1 Reyes 16:12 ပူးပေါင်းရင်းမြစ်များ

1 Reyes 16:1

Ënet ja Wintsën ojts tmëkäjpxy ja Jehú, yë'ë myaank yë Hananí ets tukmëtowa'any ja aaw ayuk ma ja Basá yajnikäjpxyën ko tëkatsy winë tuny:

Proverbios 26:6

Ko tsuuja'ay tii ayuk yajmo'oy ets nëjkx muum kyäjpxynyäxy, jëtu'un tpaaty tä jeexyë pën nyätyekpyujxtu'utyën ets ja jyotmay tyajkëjääjë.

2 Crónicas 10:15

Jëtu'un'äämpy ja yajkutujkpë ka'ap ja naax kajpn tmëmëtooy, jä'ä ko Wintsënën ënety kë'ëm të tnipëjktaakë ets jëtu'un jyatëty kyëpätëty, jëtu'un'äämpy y'atëwëty ja Wintsën ja y'aaw y'ayuk mëti'ipë tyukwinwa'anëyën ja Jeroboam, Nabat yë myaank, mëët ja Ahías, jampë kyukajpnëtyën Siló.

2 Reyes 14:25

Ja Jeroboam ojts jatëkok ja tsëpa'an tpëjktä'äky ma ja Israel ja nyaaxjotëtyën, tsyo'ontä'äky jam Hamat ets jyä'ty Arabá mejy ëkë'ëm, timjëtu'un tä ënety ja Wintsën të tnikäjpxyën, mëti'ipë jam Israel yaj'ëwtajtpën, mëët ja tyuunpë Jonás, myaank yë Amitai, jampë kyukajpnëtyën Gad-héfer.

1 Reyes 16:7

Ya'atë aaw ayuk yë'ë ojts yajtukmëkäxë Jehú, Hananí yë myaank; ja Wintsën jä'ä ojts tnikäjpxy wi'ix ja Baasá tkumëtowëtyën ja pyoky mëët ja y'u'unk y'ëna'k y'u'unk tyo'oxytyëjk, jä'ä ko tëkatsy ojts winë tuny. Basá ojts yë Wintsën tyajjoot'anpëky, jä'ä ko ëxëëk winë tuuny jëtu'un tä ja Jeroboam mëët ja y'u'unk y'ëna'k ëxëëk winë tuuntën, mëti'ipë ojts näjyëtu'un kyutëkoytyën.

1 Reyes 16:3

Paaty yam ntuknijawë ko tëëjës ntuknipëjktaakë ko nyajkutëkoyä'äny mijts ets ja m'u'unk m'ëna'k, mjëëky mëku'uk; jëtu'un ëxëëk nyajata'any tä ëxëëk jyäjtyën yë Jeroboam, yë myaank yë Nabat.

1 Reyes 14:18

Tëkokyë ja Israel ja'ayëty nyëjkxtaaytyë ma ënety jam nyaaxtëkën ja o'kpë ets tnimoon tnitujktë, tnijëëy tniyaxtë, jëtu'un jyäjty kyëpejty tä ënety ja Wintsën të tnikäjpxyën, mëët ja tyuunpë mëti'ipë xyëëwajtypyën Ahías.

1 Reyes 15:16

Asá xëmë tsyiptuuny mëët yë Baasá, jampë yajkutukyën Israel.

2 Crónicas 19:2

E yë Jehú, Hananí myaank, jam jyëjpaatë'kë tu'u'am ets yajtëëwë: ¿Wi'ix ko të xypyutëkë ja'ay mëti'ipë ëxëëk ja'ay'ajtpën ets mijts të mnäypyëjktä'äkyë tä jeexyë Wintsën xymyëtsip'atyën? Mëët ko jëtu'un të m'ëtë'ëtsy tëë Wintsën mtukjoot'anpëkyë.

2 Crónicas 20:34

Ma ja Josafat yajnimëtyä'äkyën wi'ix tyuuntso'onyën ets wi'ix tyuunkëjxyën, jap ja myiny këxja'ay ma ja nokyën mëti'ipë Jehú jyä'ä'ajtypyën, Hananí myaank ets jap näjyëtu'un yajkajpxpaaty ma nokyën mëti'ipë jyä'ä'ajtëpën ja ja'ayëty mëti'ipë yajkutujktën jam Israel.

1 Reyes 17:16

Ka'ap kyijxy ja tsajpmokjëtsy, näjyëtu'un ja on japë tu'tsjoty tyaj'ityën, jëtu'un ijxtëm ënety ja Wintsën të tuknikäjpxyën ja Elías.