1 Reyes 16:10 - Biblia Dc en Mixe de Quetzaltepec

¹⁰ Ko y'ëkëty jyä'äjty yë Zimri ets yaj'o'kë, tääts yë'ë kyutëjkëyë ma yajkutukyën. Jää jëtu'un jyäjty kyëpejty ma y'i'px wëxtujk jëmëjtpetyën, ma ja Asá yajkutukyën jam Judá.

Biblia Mixe de Quetzaltepec

¹⁰ Ko y'ëkëty jyä'äjty yë Zimri ets yaj'o'kë, tääts yë'ë kyutëjkëyë ma yajkutukyën. Jää jëtu'un jyäjty kyëpejty ma y'i'px wëxtujk jëmëjtpetyën, ma ja Asá yajkutukyën jam Judá.

1 Reyes 16:10 ပူးပေါင်းရင်းမြစ်များ

2 Reyes 9:31

E ko yë Jehú jam jyä'äjty ma ja kajpn yajnitëkën, tä ja Jezabel y'ënäny: ¿Wi'ix myajpaaty Zimri, mëti'ipë ja wyintsën kë'ëm të tyaj'ookyën?

1 Reyes 16:9

e jamts ijty tu'uk yë tyuunpë, Zimri xyëëwajtyp yë'ë nyiwintsën'ajtyp yë tsiptuunpëtëjk, yë'ë kyëwent'ajtyp ja pujxnwintëkäämpë mëti'ipë myëtsiptuuntëpën, tä mëët ja myëku'uktëjk nyäkyajpxë ets tyaj'ooka'antë ja Elá. Tu'kxëëw ojts tëkok yë Elá nyäyajmukpëkyë nëkooyë, jam ënety yajpaaty ma tyëjkën yë Arsá, mëti'ipë yajputu'unëpën, jam Tirsá y'itjotm.

1 Reyes 16:11

Tim je'eyë ja Zimri tyëjkëy yajkutujkpë, tääts tyaj'o'ktaay tëkokyë ja y'u'unk y'ëna'k ets ja y'u'unk tyo'oxytyëjk yë Baasá, nitu'uk ojts tkayajwë'ëmy juuky ja ye'etyëjktëjk ma ja Baasá jyä'äyën, jyiiky myëku'ukën ets wyin'ixyën, mëti'ipë jeexyë mëpaat yaj'ookwinpityën.

1 Reyes 15:27

E yë Baasá, myaank yë Ahías, Isacar yë jyä'äy, ojts mëët yë jyä'äy nikanaak nyäkyäjpxyë ets tyaj'o'ktë ja Guibetón, ma ja filistejë nyaaxjotëtyën, mëti'ipë ënety yë Nadab të tyajnatukyën ets tnitëkëja'any mëët ja may Israel ja'ayëty.

1 Reyes 16:15

Ma y'i'px wëxtujk jëmëjtpetyën, ma yajkutukyën yë Asá jam Judá, yë'ë ënety yë Israel ja'ayëty të tyajnatuktë yë Guibetón kajpn, filistejë ja'ay jam tsënaaytyëp, ko tyëjkëy yë Zimri yajkutujkpë jam Tirsá. Je'eyëp ko wëxtujk xëëw ojts je'eyë tyuny,

2 Reyes 15:10

E yë Salum, yë myaank yë Jabés, ojts nyikäjpxytyunëty ets yaj'o'kë jam Ibleam ets Salum ojts yë'ë wyi'imy yajkutujkpë.