1 Reyes 15:4 - Biblia Dc en Mixe de Quetzaltepec

⁴ E mëët ko ja David tja'amyetsy, paaty ojts yajkutuky ets ja kyutujkën ka'ap y'atëkoyëty jam Jerusalén, jëtu'un ja myaank ojty yë'ë kyutëkëty;

Biblia Mixe de Quetzaltepec

⁴ E mëët ko ja David tja'amyetsy, paaty ojts yajkutuky ets ja kyutujkën ka'ap y'atëkoyëty jam Jerusalén, jëtu'un ja myaank ojty yë'ë kyutëkëty;

1 Reyes 15:4 ပူးပေါင်းရင်းမြစ်များ

1 Reyes 11:36

Je'eyës ja myaank ntukmëwë'ëma'any tu'kkajpn, jëtu'untsës ja tyë'kxën jyajjën ja David, ja ntuunpës y'ijtëwëty ma ja Jerusalén kajpnën; ja kajpn mëti'ipës ojts nwin'ixyën ets jam ja nxëëwës yaja'amyätsëty.

2 Crónicas 21:7

Yë Wintsën ka'ap t'a'ijxëy ets tyajkutëkoyëty ja David ja y'u'unk y'ok, jä'ä ko tëë ënety mëët ja käjpxytyu'unën tuny ko ka'ap nijëna'a tyajkutëkoyä'äny ja tyikts y'aats ja David, jä'ä ko tyaa t'ënëmaay ko jëtu'un y'itëty xëmë tä yë të'kxën jajënën.

Isaías 37:35

Nkuwa'anäämpyës ets nyajtso'okäänpyës ya'atë naax kajpn mëët koos njot'aty ja ntuunpës David ets mëët koos mëj näjyëkyepyë.

Salmos 132:17

Ëjts n'ëwa'atsäämpy ets ja David ja y'ënä'ämën kyutujkën jam jatëkok tsyo'onta'akëty, tëës tu'uk ja kutë'kxn nnipëjktaakë mëti'ipë kutë'kx kujajëtëpën ja nyajkutujkpës.

Salmos 18:28

Mijts, Wintsën, xymyoopyës yë të'kxën jajën; ets mijts Dios, mëti'ipës nTios'ajtypyën xykyutë'kxpës maas nkupi'its nkukootsën.

1 Reyes 11:32

Yë Salomón njaak tukmëwë'ëmäämpyës tu'kkajpn, jä'ä ko yë'ëjës nkaja'atyëkoyäämpy ja David ets ja Jerusalén kajpn, ja kajpn mëti'ipës kë'ëm nwin'ijxën ma ja maykyajpn ja Israel tnitänën.

1 Reyes 11:12

E mëët yi'iyë ko ja David, mijts xytyeety'äty ets ko yë'ë oy jyuuky'äjty, ka'apës timy janty tyämyë ya'atë ntuna'any ma mjuuky'ätyën; jäänëm tëy ko ënety ja mmaank yë'ë yajkutujknë.

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Apocalipsis 22:16

Ëjts, Jesús, tëëjës ja n'anklës nkexy ets ya'atë tu'kë'ëyë tuk'ix tuknijawëtëty ja niwëxtujk pëkpyë mëpëjkpëtëjk ma ye'eymyuktën. Ëjts ja David xy'u'unk'ajtp xy'ok'ajtp. Ëjts jëtu'un të'kxp ijxtëm ja jaayxyëëwën mëti'ipë jopyëp yaj'ijxpën.

Romanos 11:28

Ja jutiis ja'ayëty mëtsip'ajtëtëp ja Dios, paaty miits ja Dios mkënu'kxëtë; je'eyëp ko Dios tsyojk'ëtëtsyp ja jutiis ja'ay jä'ä ko ojts oy jyuuky'atë ja y'aptëjkëty.

Juan 8:12

Ko ja Jesús ojts jatëkok tmëkäjpxy ja mayjyä'äy, ënät y'ënëmaayëtë: Ëjts kujajp kutë'kxp ma ja naaxwiinyëtën; pën xypyamiinpës, pyaatëp ja të'kxën jajën mëti'ipë yajjuuky'ajtpën ets ka'ap nijëna'a y'ëkyajpatnëty akootstuuy.

Lucas 2:32

jëtu'unts y'itëty ijxtëm ja kutë'kxnën mëti'ipë kyujaj kyutë'kxëpën ja naax kajpn, mëti'ipë yajnaxëpën ja Israel ja'ay mëj'äämpy.

Mateo 16:18

Pedro mijts yë mxëëw. Jëtu'un mijts ijxtëm ja tsaajën maas ja tsajptëjk nkojë'ëka'anyën. Ets ni ja o'kën kyamëmëtaa'akëtëty.

Jeremias 33:2

Ëjts, mëti'ipë Wintsën'ajtpën, mëti'ipë yajkojën yë naaxwiinyëtë, mëti'ipë y'oytyuunën ets pyëjktakën ma tyam yajpaatyën, jëtu'un n'ënëëmë:

Isaías 62:7

këtii xyajpo'kxtë ja'ayëty koonëm tkoj'o'oyëtya'atëty ja Jerusalén kajpn, ets tëkokyë naax kajpn kyuuy'ëw kyuuya'axëtëty.

Isaías 14:32

¿Wi'ix tääpë naax kajpn y'ëkyaj'ëtsoowinpitëty? Yë Wintsën tëë ja nyaax kyajpn ja jotkujk'ajtën tmo'oy jam Sión, aakjam ja ja'ay nyëjkxta'aja'antë mëti'ipë jëëytyëp yaxtëpën ets jam tsyo'oktëty.

Isaías 9:7

Ets jam nyaaxwäätsa'any ma ja David ja kyutujktaknën; këjääjëjaanp ja y'ënä'ämën kyutujkën, ja jotkujk'ajtën ka'ap nëjkx nijëna'a kyixy nyäxy; ja kyutujkën ta'tspëky nëjkx yajpaaty, nëjkxëp tuny ja oypyë nipaye'eyën ets ja tëypyë jaantypë winë xëëw winë kyëjxm. Mëët ko yë Wintsën tmëët'aty yë tsojkën ja'awën, mëti'ipë maaytyääyëpën winë, paaty nëjkx jëtu'un tyunyë jyätyë.

Salmos 87:5

Ma Sión kajpnën jëtu'un y'ëna'ana'antë: Ya'atë kajpn ets xi'itë kajpn yam ojts tsyoony. Yë Ni'ik Këjxmëpë yë'ë të tnikäjpxy.

2 Samuel 21:17

E ja Abisai Seruiá myaank, ënätyë tnimiiny ja David ets niwaantuty, koonëm ja Abisai tyaj'o'ky ja ja'aypyajkyeny filistejë ja'ay. Tääts ja David ja jyä'äy y'ënantë ko ka'ap mëpaat yë David y'ëknëjkxnë tsiptuunpë, këtiipë ja Israel ja kyutujkën y'atëkoyëty.

Deuteronomio 4:37

Ojts tsoky tjawë miits ja m'ap m'okëty ets yë'ë wyin'ijx ja m'ap m'ok ja y'u'unk y'okëty, paatykyëjxm ojts jap tjuuty Egiptë mëët ja mëk'ajtën.

Génesis 26:5

Jä'ä ko yë Abraham tëëjës xymyëmëtoy ets tëë tkuuytyuny yë n'ënä'ämënës ntëyajtënës ets n'ijxpëjkënës.

Génesis 19:29

Jëtu'un ojts kyutëkooytyä'äy yë Sodomë ets Gomorra kajpn ets mëët yë pya'a nyux ma ënety yë Lot të jyuuky'ätyën, e ojts yë Abraham yajja'amyetsy, paaty jëtu'un ojts yë Lot yajjuuty ëyo'onjoty.