1 Reyes 15:3 - Biblia Dc en Mixe de Quetzaltepec

³ Abiam nän yë'ë poky ojts tuny mëti'ipë ja tyeey tyuunën, ma ënety ka'ap tyëkënëm yajkutujkpë, ja jyot wyinma'any ka'ap ojts mëtëy tyaj'ity ma Wintsënën ijxtëm ja David, ja y'aptëjk.

Biblia Mixe de Quetzaltepec

³ Abiam nän yë'ë poky ojts tuny mëti'ipë ja tyeey tyuunën, ma ënäty ka'ap tyëkënëm yajkutujkpë, ja jyot wyinma'any ka'ap ojts mëtëy tyaj'ity ma Wintsënën ijxtëm ja David, ja y'aptëjk.

1 Reyes 15:3 ပူးပေါင်းရင်းမြစ်များ

1 Reyes 11:33

Jä'ä ko Salomón ixtijyës xyaj'ijtnë, wiink Wintsën të tpanëjkxtëjkënë ets të t'ëwtajnë ja Astarté yë Sidónja'ayëty nyaaxpotsyëty; näjyëtu'un ja Quemós, mëti'ipë y'ëwtajtëpën yë Moab ja'ayëty ets ja Milcom mëti'ipë Amón ja'ayëty y'ëwtajtëpën. Ëjts ka'apës oy n'ixy ijxtëm yë'ë winë tunyën ets ka'ap t'ëkuuytyuunë ja n'ënä'ämënës ntëyajtënës ets ja aaw ayuk jëtu'un tä tuunyën ja David, mëti'ipë Salomón tyeety'ajtën, mëti'ipës ojts ntukmëwë'ëmyën.

1 Reyes 11:4

Ko ja Salomón ënety tëë myëjja'ayënë, ojts ja tyo'oxytyëjk tyukupëkyë ets t'ëwtatëty ja ka'apë jeexyë mëpaat t'ëwtatyën, e paaty jëtu'un jyäjty jä'ä ko ka'ap ënety ëmuumtu'ukjot të nyätyukë'ëtëkëty ja Wintsën, tä ja tyeety Davidjën.

1 Reyes 15:14

Oy ojts ka'ap tyajkutëkooytyä'äy ja tuuntakn kajpxtakn tunkëjxmëpë kopkëjxmëpë. Yë Asá xëmë oy tmëtuuny ja Wintsën,

1 Reyes 3:14

Ets näjyëtu'un, pën mijts mtuumpy tääjës të ni'ënä'ämën winë ets tääjës ja n'ënä'ämën ntëyajtën myinyën, jëtu'un tä ja mteety winë tuunyën oy, yë'ë jëtu'un ja David, mijts jeky nyajjuuky'ata'any.

1 Reyes 3:3

Salomón tsyojkpy jya'ap ënety ja Wintsën ets tyuunpy tä ja David të ënety të tyuk'ëne'emyën, oy jam ja wyintsë'kën xëmë tyäky ma ja tun kopkën,

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

2 Crónicas 25:2

Amasías oy ojts winë tuny Wintsën wyintum, je'eyëp ko yë'ë ka'ap ojts jyot wyinma'any tu'ukyë tpëjktä'äky ma Wintsënën.

Salmos 119:80

Yi'iyë tu'ukyë nkuuytyunäämpyës yë m'ënä'ämën mtëyajtën winë aaw winëjot, jëtu'un ka'ap tii tsëtyu'un nmëët'atëtyës.

Deuteronomio 17:20

Këtiipë mëj këjxm nyäpyëjkta'akëtëty ma ja myëku'uktëjkën ets këtiipë tja'atyëkoyëty ya'atë ënä'ämën tëyajtën. Jëtu'un'äämpy jekpyaat y'ënä'ämëty ets näjyëtu'un ja y'u'unk y'ok tyuka'ajëtëty ja jëtu'unpë ja tuunk.

1 Samuel 25:28

etsës xypyokymyä'kxëty. Ëjts wa'atsës nijawë ko yë Wintsën jeky jam myaj'ita'anyë ma mkutujktaknën, jä'ä ko yë'ë mnitsiptuunpy ja oyajtën mëti'ipë ja Wintsën jyä'ä'ajtypyën ets mijts nijëna'a nëjkx ëxëëk mkajaty mkakëpety.