1 Reyes 15:29 - Biblia Dc en Mixe de Quetzaltepec

²⁹ Je'eyë tyëjkëy yajkutujkpë, tääts tyaj'o'ktaay tëkokyë ja Jeroboam ja myëku'uktëjk. Jëtu'un y'atëëy tä ënety ja Wintsën të tuknikäjpxyën ja Ahías mëti'ipë jam kukajpn'ajtpën Siló, Baasá wa'ats tyajkutëkooytyääy ja Jeroboam ja jyiiky myëku'uk, nitu'uk ojts kyawë'ëmy juuky.

Biblia Mixe de Quetzaltepec

²⁹ Je'eyë tyëjkëy yajkutujkpë, tääts tyaj'o'ktaay tëkokyë ja Jeroboam ja myëku'uktëjk. Jëtu'un y'atëëy tä ënäty ja Wintsën të tuknikäjpxyën ja Ahías mëti'ipë jam kukajpn'ajtpën Siló, Baasá wa'ats tyajkutëkooytyääy ja Jeroboam ja jyiiky myëku'uk, nitu'uk ojts kyawë'ëmy juuky.

1 Reyes 15:29 ပူးပေါင်းရင်းမြစ်များ

2 Reyes 19:25

¿E mijts ka'ap xynyijawë, ko ëjts jëtu'un mëti'ipë të tyajkutukyën ets mmëta'akëty ets xytyunëty tëkokyë mëti'ipë të xytyunyën? Ëjts tëëyëpës ntuknipëjktaakë ets tëëjës jëtu'un nyajtuny nyajjatyë; paatykyëjxm mijts may ja naax kajpn të xyaj'atëkoy mëti'ipë ënety mëk ets ta'tspëky të nyätyijyën, tä të y'awinpijta'atë je'eyë potsykyopkën.

2 Reyes 10:31

E oy ojts jëtu'un ja Wintsën jya'ënë'ëmxëty, yë Jehú ka'ap ojts yajxon winë oy tuunta'ay tä ja Wintsën tjatsojkyën, jä'ä ko ka'ap ojts t'ëxmatsy ja ëxëëktu'un ëxëëk kajpxën mëti'ipë tyuunën ja Jeroboam ko tyajpokytyuuny ja Israel ja'ayëty.

1 Reyes 13:34

Ya'atë jëtu'unpë ja tu'unën kajpxën, yë'ë ojts këjää yajpokytyunëtë ja Jeroboam ja y'u'unk y'ok, e paatykyëjxmën ojts ni'amukë kyutëkooytya'atë.

1 Reyes 15:28

Baasá jää ojts tyaj'ooky ja Nadab ma ënety mëtëkëëk jëmëjt yajkutukyën yë Asá jam Judá ets yë'ë tyëjkëy yajkutujkpë.

1 Reyes 16:3

Paaty yam ntuknijawë ko tëëjës ntuknipëjktaakë ko nyajkutëkoyä'äny mijts ets ja m'u'unk m'ëna'k, mjëëky mëku'uk; jëtu'un ëxëëk nyajata'any tä ëxëëk jyäjtyën yë Jeroboam, yë myaank yë Nabat.

1 Reyes 16:7

Ya'atë aaw ayuk yë'ë ojts yajtukmëkäxë Jehú, Hananí yë myaank; ja Wintsën jä'ä ojts tnikäjpxy wi'ix ja Baasá tkumëtowëtyën ja pyoky mëët ja y'u'unk y'ëna'k y'u'unk tyo'oxytyëjk, jä'ä ko tëkatsy ojts winë tuny. Basá ojts yë Wintsën tyajjoot'anpëky, jä'ä ko ëxëëk winë tuuny jëtu'un tä ja Jeroboam mëët ja y'u'unk y'ëna'k ëxëëk winë tuuntën, mëti'ipë ojts näjyëtu'un kyutëkoytyën.

1 Reyes 16:11

Tim je'eyë ja Zimri tyëjkëy yajkutujkpë, tääts tyaj'o'ktaay tëkokyë ja y'u'unk y'ëna'k ets ja y'u'unk tyo'oxytyëjk yë Baasá, nitu'uk ojts tkayajwë'ëmy juuky ja ye'etyëjktëjk ma ja Baasá jyä'äyën, jyiiky myëku'ukën ets wyin'ixyën, mëti'ipë jeexyë mëpaat yaj'ookwinpityën.

1 Reyes 21:22

E ëjts nän tim jëtu'unës ntuna'any ja m'u'unk m'ëna'k ets ja m'u'unk mto'oxytyëjk, mjëëky mëku'uk, tääjës ntuunyën ja Jeroboam, yë myaank yë Nabat ets tä yë Baasá, yë myaank yë Ahías, mëët ko ojts xyajjoot'anpëktë ko tyajpokytyuuntë ja Israel ja'ayëty.