1 Reyes 15:26 - Biblia Dc en Mixe de Quetzaltepec

²⁶ Je'eyëp ko ja tyuunk ka'ap ojts oy ja Wintsën t'ixy, jëtu'un winë ëxëëkjaty tuuny tä ja tyeetyën, je'eyë ojts tyajpokytyuny ja Israel kajpn.

Biblia Mixe de Quetzaltepec

²⁶ Je'eyëp ko ja tyuunk ka'ap ojts oy ja Wintsën t'ixy, jëtu'un winë ëxëëkjaty tuuny tä ja tyeetyën, je'eyë ojts tyajpokytyuny ja Israel kajpn.

1 Reyes 15:26 ပူးပေါင်းရင်းမြစ်များ

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

1 Reyes 15:34

Je'eyëp ko Baasá ëxëëk ojts winë tuny jam Wintsën wintum, jëtu'un winë tuuny ijxtëm ja Jeroboamën, ko tyajpokytyuuny ja Israel kajpn.

1 Reyes 15:30

Paatykyëjxm jëtu'un jyäjty kyëpejty, jä'ä ko ojts ja Jeroboam tëkatsy ets ëxëëk winë tuny, ko mëj këjää tyajpokytyuuny ja naax kajpn, mëti'ipë ja Wintsën, yë Israel ja'ay Tyiosëty ojts wiink tjawën ets mëk tyajpojkyën.

Romanos 14:15

E näjyëtu'un ënät, pën yë mmëku'uk wyiink'ijxyp ko tii xyjyi'kxy, ma jëtu'un winë xytyunyën ka'ap ënety y'ëknätsyokë'ajnë. Ka'ap mëpaat yë'ë tyajtëkoy ja mmëku'uk ja myëpëjkën ma ja Kristën ko tii xyjyë'kxëty xypyëkëty.

Jeremias 32:35

Tëë jam näjyëtu'un yë Baal wyintsë'këntyakn tkojëtë ma Ben-hinom Joyjyotën. Jamts yë y'u'unk y'ëna'k të tyaktë kë'ëy xo'oxy ye'etyëjkpë to'oxytyëjkpë ets të tukwintsë'ëkëtë ja Moloc ets jëtu'un tyajpokytyuntë ja Judá ja'ayëty; tëë tuntë ja mëti'ipës ënety ka'ap të ni'ënä'ämën ets mëti'ipës ënety ka'ap të nmay të ntajyën.

2 Reyes 23:15

E ja wintsë'këntyakn ets ja tëjk mëti'ipë jamën Betel, mëti'ipë ënety ja Jeroboam të tkojyën, yë Nabat yë myaank, mëti'ipë ojts ja Israel ja'ayëty tukyajpokytyunyën; ojts ja Josías wa'ats twojpë'kta'ay koonëm tyaj'awinpijtaay naaxwayën ets jëën tpëjktäky ets tnino'ktaay ja Aserá y'awinax.

2 Reyes 21:11

Mëët ko ja Manasés të tuny ja ka'apë tyuunëtyën ets ko të tuny winë wäänë o'ktëy këtiinëm jyëtu'unëty ja Amor ja'ayëty mëti'ipë jam tsënaaytyën ma tampë ja naax kamën, ko të tyajkutuky ets ja Judá t'ëwtajtnëty ja awinax ets ja tsaatsetsy,

2 Reyes 3:3

E jëtu'un tjatuuny, yë'ë poky ojts tuuntëkoy mëti'ipë tyuunën yë Jeroboam, yë myaank yë Nabat, mëti'ipë mëët tyajpokytyuunyën ja Israel ja'ayëty.

1 Reyes 22:52

Yë'ë ëxëëk ojts winë tuny Wintsën wyintum, jä'ä ko jä'ä ojts ja ëxëëk tu'u tpëky mëti'ipë ja tyeety tyaak pyanëjkxtën ets mëti'ipë ojts näjyëtu'un tpanëjkxtëkën ja Jeroboam, yë myaank yë Nabat, ko tyajpokytyuuny ja Israel kajpn.

1 Reyes 21:22

E ëjts nän tim jëtu'unës ntuna'any ja m'u'unk m'ëna'k ets ja m'u'unk mto'oxytyëjk, mjëëky mëku'uk, tääjës ntuunyën ja Jeroboam, yë myaank yë Nabat ets tä yë Baasá, yë myaank yë Ahías, mëët ko ojts xyajjoot'anpëktë ko tyajpokytyuuntë ja Israel ja'ayëty.

1 Reyes 16:30

E ja tyu'unën kyajpxën ka'ap ojts oy ja Wintsën t'ixy, wäänë o'ktëy winë tuuny, këtiinëm jyëtu'unëty mëti'ipë ënety të y'ënä'ämtën,

1 Reyes 16:19

Paatykyëjxm jëtu'un jyäjty kyëpejty, mëët ko ojts ja nëë poky tmëtëkë ma ja naax kajpnën ets ko ojts ja Wintsën mëk tyajjoot'anpëky, jä'ä ko nän yë'ë poky ojts tuuntëkoy mëti'ipë ja Jeroboam tyuuntëkooyën.

1 Reyes 16:7

Ya'atë aaw ayuk yë'ë ojts yajtukmëkäxë Jehú, Hananí yë myaank; ja Wintsën jä'ä ojts tnikäjpxy wi'ix ja Baasá tkumëtowëtyën ja pyoky mëët ja y'u'unk y'ëna'k y'u'unk tyo'oxytyëjk, jä'ä ko tëkatsy ojts winë tuny. Basá ojts yë Wintsën tyajjoot'anpëky, jä'ä ko ëxëëk winë tuuny jëtu'un tä ja Jeroboam mëët ja y'u'unk y'ëna'k ëxëëk winë tuuntën, mëti'ipë ojts näjyëtu'un kyutëkoytyën.

1 Samuel 2:24

U'unk maayëty, jëtu'un tä miits m'ëtë'ëtstën ninu'un kyatimy'oyëty, ëjts tëëjës wa'ats nmëtoy wi'ix yë Dios yë nyaax kyajpn mnimëtya'akëtën.

Éxodo 32:21

Tä ojts t'ënëëmë ja Aarón: ¿Tii jëtu'un ya'atë naax kajpn të mtukmëtuuntëkoyë ets jëtu'un xyajpokytyunëty mëjwiin këjää?

Génesis 20:9

Yë Abimélec ojts twoowtsoy ja Abraham ets t'ënëmaay: Ëk'ix tii ko jëtu'un të xytyunyës, tii mijts të ntukmëtuuntëkoy. ¿Tii ko ya'atë nëë poky të xymyëminy të xyajminy maas ëjts yë njëën ntëjkën ets maas tu'kë'ëyë nmëkunaax nmëkukajpnën? Ya'atë ka'ap jëtu'un tyuunpëty.