1 Reyes 15:12 - Biblia Dc en Mixe de Quetzaltepec

¹² Ojts t'ëxwojpta'ay ja ja'ay mëti'ipë ënety ënantëpën ko oy ko ja'ay jyot nyini'kx tooky ets ko wä'än tyajnixëëwtuny, ojts näjyëtu'un tyajkutëkooytyä'äy ja awinax mëti'ipë ënety ja y'aptëjk të tyajkojtën.

Biblia Mixe de Quetzaltepec

¹² Ojts t'ëxwojpta'ay ja ja'ay mëti'ipë ënäty ënantëpën ko oy ko ja'ay jyot nyini'kx tooky ets ko wä'än tyajnixëëwtuny, ojts näjyëtu'un tyajkutëkooytyä'äy ja awinax mëti'ipë ënäty ja y'aptëjk të tyajkojtën.

1 Reyes 15:12 ပူးပေါင်းရင်းမြစ်များ

1 Reyes 22:46

Josafat ojts t'ëxwojpta'ay ja ja'ayëty mëti'ipë ënantëpën ko ka'ap wyi'ixëty oy nyätyookëtëty yë to'oxytyëjktëjkëty ye'etyëjkëty ets ka'ap wyi'ixëty oy yë ja'ay jyot nyini'kx tookëty ets tyakëty ja wyintsë'kën ma tyiiosën mëti'ipë y'ëwtajtëpën, mëti'ipë ënety të wyë'ëmtën ko ja tyeety Asá yajkutujky.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.

1 Pedro 1:18

Dios miitsëty të myajpëtsëmëtë ma ja juukyajtën najtspëkëpë mëti'ipë ojts mtukumayëtën yë m'ap m'okëty; ets wa'ats xynyijawëtë ko tëë këjää tsyowpaaty ko të m'ëwaatsëpëtsëmtë. Ka'ap yë'ëjëty meeny, pu'ts pujxn ets poop pujxn të yajtukujuy mëti'ipë ma'tpën ets tëkoopyën,

1 Reyes 15:3

Abiam nän yë'ë poky ojts tuny mëti'ipë ja tyeey tyuunën, ma ënety ka'ap tyëkënëm yajkutujkpë, ja jyot wyinma'any ka'ap ojts mëtëy tyaj'ity ma Wintsënën ijxtëm ja David, ja y'aptëjk.

Deuteronomio 23:17

Nitu'uk yë ye'etyëjk ets nitu'uk yë to'oxytyëjk mëpaat tkatuunk'aty ets jyot nyini'kx tookëty, jam ma ja tukmuk tukxu'umtën ja ka'apë wyintsënëtyën.

1 Reyes 21:26

Ka'ap mëtëy tii t'ëktuunë, je'eyë të twinkoxtënaaynyë ja awinax ets ja tsaapotsy ka'apë jyuukyëtyën, jëtu'un tä ijty yë Amor ja'ayëty y'ëtë'ëtstën, mëti'ipë yë Wintsën y'ixkäjxtaayën ma ja Israel ja'ayëty jam nyajxtën.

2 Reyes 23:7

Ojts tjijtë'kta'ay ja tëjk ma ënety ja ye'etyëjktëjk ja nyini'kx to'knëtën ma ja Wintsën ja tsyajptëjkën ets ma ja to'oxytyëjk ijty tnixuyëtën ja awinax Aserá.

1 Reyes 22:47

Jam Edom ka'ap ënety jam tii yajkutujkpë, yi'iyë jam tu'uk yë kutuunpë.