1 Reyes 14:27 - Biblia Dc en Mixe de Quetzaltepec

²⁷ Yë yajkutujkpë Roboam ojts ja jyä'ä näjyëtu'un tyajkojy, jä'ä ja pujxn mëti'ipë ijty ja tsiptuunpë ja'ayëty nätyuk'akëëytyujkëtëpën ko tsyiptuuntë, aakyë'ë pujxn ojts tyajtuntë mëti'ipë yajtijpën tsuxk pujxn, tääts tuknipëjky ja tsiptuunpëtëjk ets yë'ë tkëwent'atëty, ja mëti'ipë jam këwent'ajtëpën ma ja kutujkëntëjkën.

Biblia Mixe de Quetzaltepec

²⁷ Yë yajkutujkpë Roboam ojts ja jyä'ä näjyëtu'un tyajkojy, jä'ä ja pujxn mëti'ipë ijty ja tsiptuunpë ja'ayëty nätyuk'akëëytyujkëtëpën ko tsyiptuuntë, aakyë'ë pujxn ojts tyajtuntë mëti'ipë yajtijpën tsuxk pujxn, tääts tuknipëjky ja tsiptuunpëtëjk ets yë'ë tkëwent'atëty, ja mëti'ipë jam këwent'ajtëpën ma ja kutujkëntëjkën.

1 Reyes 14:27 ပူးပေါင်းရင်းမြစ်များ

1 Samuel 22:17

Ënet ja yajkutujkpë t'ënëmaay ja tsiptuunpë mëti'ipë këwent'ajtëpën: Yaj'o'kta'atë tëkokyë yë teetytyëjkëty mëti'ipë yë Dios myëtuuntëpën. Jä'ä ko yë'ëjëty, David pyutëjkëtyëp, wa'ats nijawëtë ko yë'ë käk pujtp, e yë'ëjëty ka'ap xytyuk'ëwaanëtës. E ja tsiptuunpëty mëti'ipë ja yajkutujkpë kyëwent'ajtëpën ka'ap tnixajjë'ktë nëkoo ja teetytyëjkëty.

1 Samuel 8:11

Ets y'ënäny: Ya'atë jëtu'un nëjkx ja yajkutujkpë tuny ma miitsëtyën. Waatswitsy nëjkx ja m'u'unk m'ëna'këty tyajye'ey, mëti'ipë nëjkx tkëwent'atën ja pujxnwintëkäämpë, mëti'ipë myëtsiptuuntëpën, mëti'ipë nëjkx jëyujk këjxy jyëtityën ets mëti'ipë nëjkx yë'ë nyätyukëwent'atyën.

1 Reyes 18:46

E ja Elías, ni'ikyë ojts ja Wintsën jyotmëkmo'oyë, ets myëjaawmooyë, paaty jam tsyo'ony pëyi'ikyë ko nyäxyojxtaayë, ets jam jyäjty Jezreel ma ënety ja Ahab jam yajpaatyën.

1 Reyes 14:5

e ja Wintsën tëë ënety nyatuknija'awëyënë ko ja Jeroboam ja tyo'oxytyëjk nyimina'any ets tyajtëwa'any wi'ix wyë'ëma'anyën ja y'u'unk mëti'ipë pëjkëpën. Ojts tyuknijawëty wi'ix t'ëtsowëtyën ja to'oxytyëjk ets ko ënety myina'any wiink xoxy.

1 Reyes 14:1

Jam ijty tu'uk yë Jeroboam yë myaank jä'ä xyëëwajtyp Abías, ojts pya'ampety.

2 Samuel 15:1

Nyäjxy jëtu'un ja xëëw jëmëjt, kom ok ojts ja Absalón nyäpyutëkëty ets tpaty ja pujxnwintëkäämpë ets ja kwaay mëti'ipë ja'ay myëtsiptuuntëpën, ënät tmä'kxy ja jyä'äy mëti'ipë nätyukëwent'atanëpën.

2 Samuel 11:9

e ja Urías ka'ap ojts nyijkxy ma tyëjkën, jämyë ojts wyi'imy ma ja tsiptuunpëtëjk jam tkëwent'atën ja kutujkëntëjk.

1 Reyes 14:28

Ets ko ijty nyijkxy ja yajkutujkpë jap tsajptëkoty jääyë ja këwent'ajtpë tyajnëjkxtë ja pujxn mëti'ipë nätyuk'akëëytyujkëtëpën ko wyimpijnëtë tääts jatëkok jap tpëjkta'aktë ma nyitëjkën.

2 Reyes 11:4

Kom wëxtujk jëmëjt, yë Joiadá ojts tmëkajpxmujkta'ay ja tsiptuunpë wintsën ets ja Queret ja'ayëty mëti'ipë kyëwent'ajtëpën ja yajkutujkpë ets ja mëti'ipë ja kutujkëntëjk kyëwent'ajtëpën, tääts jap tkuwo'owëtyääy tsajptëkoty, ma ja Wintsën ja tsyajptëjkën, jap ënety yë Joiadá yajpaaty. Japts ojts yë käjpxytyu'unën tuntë ets tuk'ixy ja yajkutujkpë ja myaank mëti'ipë xyëëwajtypyën Joás.

2 Reyes 11:19

tääts twinpiiy ja mëti'ipë ja këwent'ajtpë nyiwintsën'ajtëpën, ijxtëm ja Queret ja'ayëtyën, jampë tyuntën ma ja këmoontëjkën ets tu'kë'ëyë ja ja'ayëty, tääts ni'ëmukë jap twoowtso'ontë ja yajkutujkpë ma ja tsajptëjkën ets jam tyajnëjkxnëtë ma ja kutujktaknën, jamtsow tyëjkëtyë ma ja kutujkëntëjk yajnitëkën mëti'ipë këwent'atyën ets ja Joás ja kyutujktakn yajmooynyë,