1 Reyes 14:16 - Biblia Dc en Mixe de Quetzaltepec

¹⁶ Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

Biblia Mixe de Quetzaltepec

¹⁶ Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

1 Reyes 14:16 ပူးပေါင်းရင်းမြစ်များ

1 Reyes 16:2

Jëtu'un ja Basá yajnikäjpxy: Ëjts ojts mijts njuuty ma Israel kajpnën, tä ja'ay muum tii naaxwayjoty tpaatyën, ets të npëjktä'äky ënä'ämpë yajkutujkpë ma Israel kajpnën mëti'ipës nkajpn'ajtypyën. Je'eyëp ko ja naax kajpn tëë xyajpokytyuny timjëtu'un tä ja Jeroboam y'ëtitsyën. Yajxonës të xyajjoot'anpëky mëët ja poky mëti'ipë të xytyunyën.

1 Reyes 15:34

Je'eyëp ko Baasá ëxëëk ojts winë tuny jam Wintsën wintum, jëtu'un winë tuuny ijxtëm ja Jeroboamën, ko tyajpokytyuuny ja Israel kajpn.

1 Reyes 15:30

Paatykyëjxm jëtu'un jyäjty kyëpejty, jä'ä ko ojts ja Jeroboam tëkatsy ets ëxëëk winë tuny, ko mëj këjää tyajpokytyuuny ja naax kajpn, mëti'ipë ja Wintsën, yë Israel ja'ay Tyiosëty ojts wiink tjawën ets mëk tyajpojkyën.

1 Reyes 13:34

Ya'atë jëtu'unpë ja tu'unën kajpxën, yë'ë ojts këjää yajpokytyunëtë ja Jeroboam ja y'u'unk y'ok, e paatykyëjxmën ojts ni'amukë kyutëkooytya'atë.

1 Reyes 12:30

E ya'atëts ojts ja Israel ja'ay yajpokytyunëtë, jä'ä ko ja ja'ayëty jam ja nyëjkxtaaytyë Betel ets Dan ets yë'ë t'ëwtajtë.

Romanos 14:13

Paaty ka'ap mnäpyoky'ixëtëty nixim niyam. Yë'ë tuntë mëti'ipë ka'ap yajwiink'ixëtyën ets mëti'ipë ja mmëku'uk ka'ap ja myëpëjkën yajma'txëtëty.

Mateo 18:7

Ëxëëk tjapaaty ko yaa naaxwiiny naaxkëjxy yi'iyë jää'ajtp wi'ix ja'ay pyokytyunëtyën. Jää'ataanp yë xëmë, je'eyë ko ja ja'ay mëti'ipë ja myëku'uk yajpokytyuunpyën ëxëëk ja jyata'any kyëpäta'any.

Miqueas 6:16

Jä'ä ko mijts yë'ë të xypyanëjkxy ets të xytyuny ja Omri ja y'ënä'ämën ets ja Ahab ja jyiiky myëku'uk; jëtu'un winë të xytyuny tä yë'ëjëtyën. Paaty mijts ets mnaax mkajpn atsë'ëk ajawë jyata'antë ets je'eyë nëjkx yajnëxi'ik yajtukxi'iktë, ja nnaax nkajpnës ja tsyëtsyu'un jam nëjkx kyëtakta'ay ma mijtsën.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Isaías 40:24

Jëtu'un tä pi'k ujts u'unkën naaxkëjxy yonyën mëti'ipë yajnaanpäänpën, mëti'ipë ëka'any tiktskäkpën. Pën yë Wintsën yaj jëënpojpy ma yë'ëjëtyën, xootsantëp ënätyë, ets wyimpapojy mëët mëktuupoj tä aay pu'uxm wyimpapojyën.

Salmos 81:12

Paatyës të ntimy'ëxmatsy, wä'än t'ixtë tii tyuuntëp, ets jëtu'un të jyuuky'atë ijxtëm yë'ëjëty t'oyjyawëtën.

Éxodo 32:35

Ënet ja Dios tkejxy jam ja ëyo'on ma ja naax kajpnën, mëët jä'ä ko ja wiink wintsën ënety të t'ëwtatë. Jä'ä ja awinax jëtu'unpë yaj'ixyën tä tsajpkaajën, mëti'ipë ënety ja Aarón të tyajkojyën.

Éxodo 32:21

Tä ojts t'ënëëmë ja Aarón: ¿Tii jëtu'un ya'atë naax kajpn të mtukmëtuuntëkoyë ets jëtu'un xyajpokytyunëty mëjwiin këjää?

Éxodo 32:25

Tä ja Moisés t'ijxy ko ja naax kajpn niwi'ixtsow tkajëkyep wi'ix y'ëmontëtyën ets yajxon tjëkyäjpnë wi'ix ja myëtsiptëjk poj'am tyukja'tëtëtyën, jä'ä ko ja Aarón ka'ap ënety të myäyë wi'ix tyaj'ëmonëtyën,

1 Reyes 15:26

Je'eyëp ko ja tyuunk ka'ap ojts oy ja Wintsën t'ixy, jëtu'un winë ëxëëkjaty tuuny tä ja tyeetyën, je'eyë ojts tyajpokytyuny ja Israel kajpn.

1 Reyes 16:19

Paatykyëjxm jëtu'un jyäjty kyëpejty, mëët ko ojts ja nëë poky tmëtëkë ma ja naax kajpnën ets ko ojts ja Wintsën mëk tyajjoot'anpëky, jä'ä ko nän yë'ë poky ojts tuuntëkoy mëti'ipë ja Jeroboam tyuuntëkooyën.

1 Reyes 21:22

E ëjts nän tim jëtu'unës ntuna'any ja m'u'unk m'ëna'k ets ja m'u'unk mto'oxytyëjk, mjëëky mëku'uk, tääjës ntuunyën ja Jeroboam, yë myaank yë Nabat ets tä yë Baasá, yë myaank yë Ahías, mëët ko ojts xyajjoot'anpëktë ko tyajpokytyuuntë ja Israel ja'ayëty.

2 Reyes 3:3

E jëtu'un tjatuuny, yë'ë poky ojts tuuntëkoy mëti'ipë tyuunën yë Jeroboam, yë myaank yë Nabat, mëti'ipë mëët tyajpokytyuunyën ja Israel ja'ayëty.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

1 Reyes 16:13

Mëët yë'ëkyëjxm ko ojts ja nëë poky tuny yë Baasá ets myaank Elá, ko tyajpokytyuuntë ja naax kajpn Israel ja'ayëty ets tyajjoot'anpëjktë ja Wintsën mëët ko t'ëwtajtë ka'apë Tyiosëtyën.

1 Reyes 16:27

Ja nyimëtyä'äky ja Omri, tëkokyë mëti'ipë tyuunën ets wi'ix winë tuunyën, jap myiny kuja'ay ma ja nokyën, mëti'ipë nyoky'ajtëpën ja yajkutujkpëtëjk mëti'ipë tuuntën jam Israel.

1 Reyes 22:53

Ojts näjyëtu'un t'ëwtajnë ja Baal ets ojts twinkoxtënaaynyë, jëtu'un tä ënety ja tyeety të y'ëti'ityën, tyajjoot'anpëjky ja Wintsën, mëti'ipë jam yaj'ëwtajtpën Israel.

2 Reyes 10:31

E oy ojts jëtu'un ja Wintsën jya'ënë'ëmxëty, yë Jehú ka'ap ojts yajxon winë oy tuunta'ay tä ja Wintsën tjatsojkyën, jä'ä ko ka'ap ojts t'ëxmatsy ja ëxëëktu'un ëxëëk kajpxën mëti'ipë tyuunën ja Jeroboam ko tyajpokytyuuny ja Israel ja'ayëty.

2 Reyes 13:2

Je'eyëp ko yë'ë aak ëxëëkjaty winë tuuny Wintsën wyintuuy, yë'ë poky tyuuntëkooy mëti'ipë yë Jeroboam tyuunën, yë Nabat yë myaank; ojts ja Israel ja'ay tyajpokytyuny mëj këjää ets ka'ap ojts ninu'un jyootwinpity.

2 Reyes 13:6

Je'eyëp ko ka'ap ojts t'ëxmatstë ninu'un ja y'ëxëëktu'un y'ëxëëk kajpxënëty mëti'ipë ënety të tuunk'atën ja Jeroboam y'ok'u'unk y'ok'ëna'k mëti'ipë tyukyajtëkooytyën ja Israel ja'ayëty, ojts pyokytyuun'ëtë'ëtstë ets ja Aserá ja y'awinax je'eyëm jam y'ijty Samaria.

2 Reyes 14:24

Je'eyëp ko ja tyu'unën kyajpxën ka'ap ojts ja Wintsën oy t'ixy, jä'ä ko ka'ap t'ëxmajtsy ja pokytyu'un pokykyajpxën mëti'ipë ja Jeroboam, Nadab ja myaank tyuktuuntëkooyën ma ja Israel ja'ayëtyën.

2 Reyes 15:9

Je'eyëp ko ja tyu'unën kyajpxën ka'ap ja Wintsën oy t'ijxy, nän yë'ë poky ojts tuny mëti'ipë ja y'apteety Jeroboam, yë myaank yë Nabat, të tukyajpokytyunyën ja Israel ja'ayëty.

2 Reyes 15:18

Je'eyëp ko ja tyu'unën kyajpxën ka'ap ojts ja Wintsën oy t'ixy, jä'ä ko ka'ap t'ëxmajtsy ja nëë poky mëti'ipë ojts ja Jeroboam, tuktuuntëkoyën ja Israel kajpn.

2 Reyes 17:21

Ojts ja David ja kyutujkën yajpëjkë ma ja y'u'unk y'ëna'kën ets jä'ä nikajpxpäjtë ja Jeroboam yajkutukëty, yë Nadab, yë myaank, mëti'ipë yajpokytyunëtën.

2 Reyes 17:23

Tä ja Wintsën ojts tim'ëxmajtsnë ja Israel kajpn, jëtu'un tä ënety të t'akäjpxyën mëët ja kyäjxynyajxpëtëjk, paaty ojts ja Israel ja'ayëty yajmënëjkxnëtë tsumy matsy jam Asiria, ma tyampaat yajpaatën.

2 Reyes 21:16

Ëpëky ja nëë poky mëti'ipë ja Manasés tyuktuunën ja Judá ja'ay ets mëti'ipë yë'ë kë'ëm tyuunën Wintsën wyintum; këjää ojts ja ja'ay tyaj'ok tyajtëkooynyë ka'apë tii poky tmëëtëtyën jam Jerusalén.

2 Reyes 23:15

E ja wintsë'këntyakn ets ja tëjk mëti'ipë jamën Betel, mëti'ipë ënety ja Jeroboam të tkojyën, yë Nabat yë myaank, mëti'ipë ojts ja Israel ja'ayëty tukyajpokytyunyën; ojts ja Josías wa'ats twojpë'kta'ay koonëm tyaj'awinpijtaay naaxwayën ets jëën tpëjktäky ets tnino'ktaay ja Aserá y'awinax.

2 Crónicas 28:19

Wintsën ojts jëtu'un kë'ëm tuknipëjktaakë, mëët ko ja Ahaz ka'ap kyäpxyjyä'äykyujkë, mëti'ipë jam Judá ënä'ämp yajkutujkpën, tëë ënety ja Judá kajpn tyajma'aty, ka'ap ja Wyintsën Dios tmëj'ijxy tmëjpëjktäky.