1 Reyes 13:9 - Biblia Dc en Mixe de Quetzaltepec

⁹ jä'ä ko yë Wintsën jëtu'unës të xy'ënëëmë: Këtii jam mkay m'uukëty ets këtii nän yë'ë tu'u xye'eyëty ko mwinpitëty ma ënety mnëjkxyën.

Biblia Mixe de Quetzaltepec

⁹ jä'ä ko yë Wintsën jëtu'unës të xy'ënëëmë: Këtii jam mkay m'uukëty ets këtii nän yë'ë tu'u xye'eyëty ko mwinpitëty ma ënäty mnëjkxyën.

1 Reyes 13:9 ပူးပေါင်းရင်းမြစ်များ

Romanos 16:17

Mëku'uktëjkëty, m'ixtëp mtuntëp ja ja'ay mëti'ipë tyuunk'ajtëpën ja näy'ëxëëk'ixë ets t'ixkukëtë ja tsip. Mëti'ipë jëtu'unpë tyuuntëpën, ka'ap yë'ë jyëtu'unëty ijxtëm ja ijxpëjkën mëti'ipë miits të xynyijawëtën. Nikë oy ko xywyinye'eytyu'utëty.

Juan 15:14

Miits jëtu'un nmëku'ukja'awëtyëp, pën mtuuntëp mëti'ipë ntuk'ënä'ämtëpën.

Juan 13:17

Pën mja'akyujkëtëp ets mpatuuntëp, akujk jotkujk nëjkx mjuuky'atë.

Salmos 141:4

Jëpëk jëtun yë ëxëëk jot ëxëëk winma'any maas ëjtsën; këtii xyajkutukëty etsës tëkatsy winë ntunëty nkajpxëty ëkë nyajpaatëtyës ma ëxëëkja'aytyëjk ye'eymyuk nyajxmuktën.

Job 23:12

Xëmës të npatuny yë y'ënä'ämën, tyiyajtën, kyutujkën ets ka'ap kë'ëmwinma'any tii të ntunyës.

1 Reyes 13:1

Yë Jeroboam yë'ë ënety jam pyëjktäkpy yë poom ma wintsë'këntyaknën, ko tu'uk yë Wintsën yë kyäjpxynyajxpë jyä'äjty jam Betel, Judá tsyoony, Wintsën ënety të kyexyë.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.

Apocalipsis 18:4

Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,

Efesios 5:11

Ka'ap xytyuntëty mëti'ipë ka'ap y'oyëtyën, ijxtëm mëti'ipë ja Kristë ka'ap tmëpëktën; yë'ë mtuntëp wi'ix xyajnikëxë'ëkëtyën ko ka'ap y'oyëty mëti'ipë yë'ë tyuuntëpën.

1 Corintios 5:11

Yë'ës ntijpy, ko ka'ap miits mëët m'ëk ye'eymyujknëtëty ja ja'ay mëti'ipë nätyijëpën ko tmëpëky ja Kristë ets tyam ja ëxëëk winma'any tpaaty; ets ameeny, wyintsë'këp ja tsaatsetsy, kepy tsyetsy; pi'tskajpxk, je'eyë y'uuky myu'ukyë ets mä'tsp. Ni xykyamëëtkaytyëty ja jëtu'unpë ja ja'ay.

1 Reyes 13:8

E ja Wintsën ja myëtuunpë tyaa t'ëtsooy ja yajkutujkpë: Oyxyëp jeexyë kujkwä'kxy xyjyamooypyës yë mkutujktakn, ëjts, ka'apës yam mijts mpanëjkxëty ets ka'apës yam nkayëty ma mjëën mtëjkën ets ni nëës nka'uukëty ma ya'atë itjotmën;

1 Reyes 13:10

Paaty ja Wintsën ja myëtuunpë wiink tu'u ojts tpëjknë ko wyimpijnë, ja tu'u mëti'ipë ënety të tkuuynyijkxyën ko jyä'äjty jam Betel ka'ap ojts yë'ë t'ëk'awinpijtënë.

1 Reyes 13:16

E ja käjpxynyajxpë jampë tsyoonyën Judá, tyaa y'ëtsooy: Ka'ap tjëkyepy nëjkxëtyës ma mtëjkën, nitu'k'aawënës mëpaat nkajawë kääky, ëkë uuky ma ya'atë itjotmën;

1 Reyes 13:19

ja käjpxynyajxpë mëti'ipë jam tso'onpën Judá ojts pyanëjkxyë ets mëët kyääy y'uky ma tyëjkën.