1 Reyes 13:7 - Biblia Dc en Mixe de Quetzaltepec

⁷ Tä ja yajkutujkpë t'ënëmaay ja käjpxynyajxpë: Ja'amtë maas yë ntëjkën ets mkayëty, tam tu'uk yë näynyamo'ojë nmo'oja'any.

Biblia Mixe de Quetzaltepec

⁷ Tä ja yajkutujkpë t'ënëmaay ja käjpxynyajxpë: Ja'amtë maas yë ntëjkën ets mkayëty, tam tu'uk yë näynyamo'ojë nmo'oja'any.

1 Reyes 13:7 ပူးပေါင်းရင်းမြစ်များ

2 Reyes 5:15

Ënet ja Naamán ets ja jyä'äy ojts ninëjkxtë ja Elisejë. Ko jam jyä'äjty ma ja Elisejë yajpaatyën, ënät ja Naamán t'ënëmaay: Ëjts tëëjës ënät yajxon nijawë ko ka'ap maa wiinkpë Wintsën jaakmëjpë jëtu'unpë tä mëti'ipë yajpatpën ma Israel nyaax kyajpnën. E tyam mijts npëjktsoy ets xytyunëty yë mëyajtën xykyupëkëty ya'atë näynyamo'ojë mëti'ipë të ntukniminyën.

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

Malaquías 1:10

Jääpëk jeexyë jam pën pyëtsimy ma miitsëtyën mëti'ipë tsajptëjk yaj'ëtukëpën, këtiipë pën tyajmëjëty jap yë jëën maas yë nwintsë'këntyaknën. Jä'ä ko ka'apës jotkujk näjyawëty mëët miitsëty ets ka'apës jëtu'un n'ëkupëkanë yë wintsë'kën mëti'ipë myajktëpën.

Jeremias 40:5

Pën mwë'ëmaanp, jyëkyejpy mwë'ëmëty ets mnëjkxëty jam ma Guedalías, ma Ahicam yë myaankën mëti'ipë yë Sefan myaank'ajtypyën, mëti'ipë yë Babilonyë yajkutujkpë të tpëjktä'äkyën ets tnikopk'atëty tëkokyë yë Judá kajpn; yë'ë mëët m'itëty ma mja'ayën. Nëjkx, ma mijts kë'ëm oy mnäjyawëtëtyën. Tä ja tsiptuunpë wintsën tmooy ja Jeremías tu'uk näynyamo'ojë ets winëjaty mëti'ipë yajtunëpën.

Jueces 19:21

Ja mëjja'ay ojts tyajnëjkxy ja tu'uye'epyë ma ja tyëjkën, ja tu'uye'epyëty tap ja ënety kyë'ëpuj tyekpyujtu ets kyäytyë y'uuktë, ko ja mëjja'ay ja jëyujk jap näjyëtu'un tyajjë'kx.

Jueces 13:15

Ënet yë Manoa t'ënëmaay ja ye'etyëjk, ka'ap ënety nijawë pën Wintsën yë kyukäjpxy: Tun yë mëyajtën wë'ëm maas yë ntëjkën ets nkä'ämyëty n'ukmëty, tyamës tu'uk yë tsajppax nyaj'ooka'any. E ja Wintsën ja kyukäjpxy tyaa y'ëtsooy: Oyxyëp jeexyë njawë'ëmpës ka'ap tjëkyepy nmëëtkayëty. E pën myaj'ookäämpy yë tsajppax oy yë'ë Wintsën xytyukwintsë'ëkëty ma ja wyintsë'kën yajmo'oyën nino'okpyë.

Génesis 18:5

Oy jëtu'un ko yaa mnaxtë maas yaa n'ity ntsëënën. Nëjkxës n'ëkyajtsoony mëti'ipë nkaaynyaxtëpën, tääts jëtu'un jatëkok mëjaawpëktëty ets jotkujk mtu'upëktëty: Oy, jëtu'un ojts y'ëtsowtë ja nitëkëëkpë ja ja'ayëty.

1 Reyes 14:3

E yë'ëts mënëjkxëp; majk yë tsajpkääky ets wiinkëtypë tsajpkääky ets uuxpa'ak tu'uk tu'ts, tääts nëjkx jam xy'ixy ets yajnijawëty wi'ix ya'atë mëxu'unk y'itëty.