1 Reyes 13:6 - Biblia Dc en Mixe de Quetzaltepec

⁶ Ënet ja yajkutujkpë ojts ënätyë yë käjpxynyajxpë tninëjkxy ets t'ënëmaay: Tun yë mëyajtën, mëpëjktsow yë mWintsën wä'änës yë nkë'ë xyajtsokë. Tä ja käjpxynyajxpë ojts ja Wyintsën tmënu'kxtä'äky ets ja yajkutujkpë ojts ja kyë'ë tsyo'oky, je'eyëm tä ënety të y'oy'ätyën.

Biblia Mixe de Quetzaltepec

⁶ Ënät ja yajkutujkpë ojts ënätyë yë käjpxynyajxpë tninëjkxy ets t'ënëmaay: Tun yë mëyajtën, mëpëjktsow yë mWintsën wä'änës yë nkë'ë xyajtsokë. Tä ja käjpxynyajxpë ojts ja Wyintsën tmënu'kxtä'äky ets ja yajkutujkpë ojts ja kyë'ë tsyo'oky, je'eyëm tä ënäty të y'oy'ätyën.

1 Reyes 13:6 ပူးပေါင်းရင်းမြစ်များ

1 Reyes 13:5

Ma jëtu'un y'ënänyën piw nuuk ojts jyajta'ay ja wintsë'këntyakn ets ja jaam mëti'ipë jam nëkëjxmën jëtu'unyë pyojwa'kxtaay; jëtu'un jyäjty kyëpejty tä ënety ja Wintsën ja myëtuunpë të tnikäjpxyën.

Salmos 119:58

Winë aaw winëjotës n'ëna'any koos ntuna'any mëti'ipë m'oyjya'apën; jëtu'unës jotkujk yaj'ijtk ijxtëmës të xytyukwinwanën.

Éxodo 10:17

Tyam miitsëty n'amëtow npëjktsowtë ets yä'ätyë jëtu'unë etsës xypyokymyä'kxtëty ets xymyënu'kxta'aktëty yë mWintsënëty, wä'än tjëpëky ya'atë ëyo'on jotmay ma ëëtsëtyën.

Éxodo 12:32

Yajnëjkxta'atë yë mtsajpkaajëty, mtsajppaxëty, mkupixynyëty, jëtu'un ijxtëm xytsyoktën. Jam näjyëtu'un yë Dios xymyënu'kxta'aktëty mëët ëjts.

Éxodo 8:28

Tä ja yajkutujkpë ojts y'ëtsoy: Tyam n'ëxmatstëty ma xy'antijyën mnëjkxa'antë, ko m'ëna'antë ko jam mnëjkxa'antë të'ëts'itum ets nëjkx xymyo'oja'antë ja wyintsë'kën ja Wintsën mëti'ipë mTiosajtëpën, mëti'ipë tëy këtii nëkooyë jëkäm mtimnyëjkxtëty. Ets mënu'kxta'aktë yë mTiosëty mëët ëjts.

Éxodo 8:4

Jëtu'unyë nëjkx mniputy mkuputyë yë maynyooty ets näjyëtu'un ja wintsëntëjk mëti'ipë mëët mtuunmukyën ets mëti'ipë mputëjkëyëpën ma mtuunk xyajtu'uye'eyën.

Éxodo 8:8

Ënet ja yajkutujkpë tnikäjxëy ja Moisés ets ja Aarón ets t'ënëmaay: Amëtowtë yë mTios wä'än tjëpëky yë nooty maas ëjtsën ets näjyëtu'un maas yë nja'ayën, ënät yam mijts n'ëxmatstëty ets mja'ayëty, tääts nëjkx xymyo'otë yë mTiosëty yë wyintsë'kën.

Éxodo 9:28

Mëk ëëts yë ënääw wëtsuk ets tëtsn tuu të nyajnaxtë, paaty tyam ka'ap yam miits n'ëk'ëtukanëtë. Mëpëjktsowtë yë Dios mëët ëëtsëty ets jëtu'un yam n'ëxmatstëty.

Jeremias 37:3

Ojts yë Sedequías tkexy yë Jucal, yë Selemías yë myaank ets ja teety Sofonías, yë Maaseías yë myaank ets nëjkx t'ixtë ja Jeremías ets t'ënëëmëtëty: Kukajpxtaktëkës ma Wintsënën mëti'ipës nTios'ajtëpën.

Zacarías 7:2

Jä'ä xëëw ënety yë Betel ja'ayëty të tkäxtë yë Sarézer ets Réguem-mélec, mëët yë jyä'äy ets t'amëtowa'antë yë Wintsën yë pyutëjkën

Mateo 5:44

E ëjts jëtu'un miits n'ënëëmëtë, tsoktë ja mmëtsipëty ets tuknija'amyätsëtë Dios pën m'ixjëtijt mpajëtijtëtëp.

Lucas 23:34

Tääts ja Jesús y'ënäny: Dios Teety, nimä'kx, jä'ä ko ka'ap tnijawëtë tii tyuuntëp. Tääts ja tsiptuunpëtëjkëty tni'ëyë'ktë ja Jesús ja wyit ets aak ayi'iyë ojts twijtswa'kxtë.

Hechos 7:60

Ko jëtu'un y'ënaantaay, tää kyoxtënaay ets mëk y'ënäny: Wintsën, këtii xytyukpoky'atëty ya'atë tuuntëko'oyën koos xyaj'ooktë. Ko jëtu'un y'ënaantaay, tääts y'o'ky.

Hechos 8:24

Tääts ja Simón y'ëtsooy: Tuknija'amyäjtsëtëkës ja Wintsën etsës ka'ap jëtu'un njatëty ijxtëm mijts të m'ëna'antën.

Romanos 12:14

Amëtowtë ja Dios ets tkënu'kxëty pën m'ixjëtijt mpajëtijtëtëp. Ni'ikyë kënu'kxtë ets këtii xykyajpxpoktëty.

Romanos 12:21

Ka'ap ja ku'oypyë mnätyukmëmëta'akëtëty, mëmëta'ak ja ku'oypyë mëët ja oypyë.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.

1 Samuel 12:19

Tä t'ënëmaaytyë ja Samuel: Samuel tun yë mëyajtën mënu'kxta'ak yë mWintsën mëët ëëtsëty këtiipës n'ooktëty. Jä'ä ko janty poky jëtu'un ëëtsëty të ntuntës koos të n'amëtoowpëtë tu'uk yë yajkutujkpë.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.