1 Reyes 13:34 - Biblia Dc en Mixe de Quetzaltepec

³⁴ Ya'atë jëtu'unpë ja tu'unën kajpxën, yë'ë ojts këjää yajpokytyunëtë ja Jeroboam ja y'u'unk y'ok, e paatykyëjxmën ojts ni'amukë kyutëkooytya'atë.

Biblia Mixe de Quetzaltepec

³⁴ Ya'atë jëtu'unpë ja tu'unën kajpxën, yë'ë ojts këjää yajpokytyunëtë ja Jeroboam ja y'u'unk y'ok, e paatykyëjxmën ojts ni'amukë kyutëkooytya'atë.

1 Reyes 13:34 ပူးပေါင်းရင်းမြစ်များ

1 Reyes 14:10

Paaty ëjts, nyajkëta'akäämpyës ja ëyo'on jotmay ma ja m'u'unk m'okën; nyaj'o'kta'ajäämpyës ja ye'etyëjktëjk ma ja mja'ayën mëti'ipë yajpatëpën ma ja Israel kajpnën; nitu'uk nëjkx kyawë'ëmy juuky. Pe'ety jaaxyës nyajnaxa'any, jëtu'un ja ja'ay twinpätmukyën yë putsta'ak.

1 Reyes 12:30

E ya'atëts ojts ja Israel ja'ay yajpokytyunëtë, jä'ä ko ja ja'ayëty jam ja nyëjkxtaaytyë Betel ets Dan ets yë'ë t'ëwtajtë.

2 Reyes 17:21

Ojts ja David ja kyutujkën yajpëjkë ma ja y'u'unk y'ëna'kën ets jä'ä nikajpxpäjtë ja Jeroboam yajkutukëty, yë Nadab, yë myaank, mëti'ipë yajpokytyunëtën.

Proverbios 13:6

Ja mëtëypyë ja tu'unën kajpxën kyuwäämpy ja ja'ay mëti'ipë ka'ap tii poky tmëëtëtyën. Yë ëxëëktu'un ëxëëk kajpxën, yë'ë yaj'o'kpy yajtëkoopy ja pokyjyä'äy.

2 Reyes 10:31

E oy ojts jëtu'un ja Wintsën jya'ënë'ëmxëty, yë Jehú ka'ap ojts yajxon winë oy tuunta'ay tä ja Wintsën tjatsojkyën, jä'ä ko ka'ap ojts t'ëxmatsy ja ëxëëktu'un ëxëëk kajpxën mëti'ipë tyuunën ja Jeroboam ko tyajpokytyuuny ja Israel ja'ayëty.

1 Reyes 12:26

Je'eyëp ko tyaa ojts myäy tyäjy: Yë David yë y'u'unk y'ok, jyëkyejpy jatëkok tpaatëty ja kyutujktakn,

1 Reyes 14:1

Jam ijty tu'uk yë Jeroboam yë myaank jä'ä xyëëwajtyp Abías, ojts pya'ampety.

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

1 Reyes 15:26

Je'eyëp ko ja tyuunk ka'ap ojts oy ja Wintsën t'ixy, jëtu'un winë ëxëëkjaty tuuny tä ja tyeetyën, je'eyë ojts tyajpokytyuny ja Israel kajpn.

1 Reyes 21:22

E ëjts nän tim jëtu'unës ntuna'any ja m'u'unk m'ëna'k ets ja m'u'unk mto'oxytyëjk, mjëëky mëku'uk, tääjës ntuunyën ja Jeroboam, yë myaank yë Nabat ets tä yë Baasá, yë myaank yë Ahías, mëët ko ojts xyajjoot'anpëktë ko tyajpokytyuuntë ja Israel ja'ayëty.

2 Reyes 10:29

Mëti'ipë tëy, ja Jehú ka'ap ojts winë aak'oy tuny, jä'ä ko yë'ë ojts ja poky tmëtëkë, mëti'ipë näjyëtu'un tyuuntëkooyën ja Jeroboam, yë myaank yë Nabat; mëti'ipë yajpokytyuunën ja Israel ja'ayëty, jä'ä ko ojts näjyëtu'un t'ëwtajnë ja awinax jëtu'unpë kyëxë'ëkyën tä tsajpkaajën, aak pu'ts pujxnëpë mëët y'oytyunyëtyën, mëti'ipë jam yajpatpën Dan ets Betel.

Jeremias 28:16

Paaty yë Wintsën y'ënä'äny: Oy nkäxëty naaxwiiny, je'eyëp ko tu'ukyë nyajtëkoyä'äny. Ya'atë jëmëjt m'ooka'any, jä'ä ko je'eyë naax kajpn të xy'akajpxë etsës xymyëtsiptsoontëty.

Oseas 10:8

Kutëkooytya'ajaanp yë awinax yë tsyajptëjk ma Israel ja'ay ijty pyokytyuntën. Jam ma y'awinaxëtyën äpny ets aay ujts nëjkx jam yony ets nëjkx yë ja'ay yë'ëpaat tjatsoktë ets jeexyë y'ujts nyiyoontëkoytyë ets nëjkxëp jya'ëna'antë ets jeexyë kopk nyija'awpätëtë.

1 Reyes 14:7

paaty yam n'ënëëmë ets mwinpitëty, xy'ënëëmëty yë Jeroboam, ko jëtu'un yë Wintsën y'ënä'äny: Ëjts mijts të nwin'ixy ma ja naax kajpnën ets ja naax kajpn xy'ënä'ämëty mëti'ipë yë Israel ja'ayëty kyajpn'ajtëpën.

1 Reyes 14:11

Ja mëku'uktëjk mëti'ipë ënety kajpntum o'ktëpën uk nëjkx tsyu'tsëtë, e ja mëti'ipë muum tunkëjxm o'ktëpën, lut majkwejkxy nëjkx tsyu'tsëtë, jä'ä ko ëjts, mëti'ipë Wintsën'ajtpën jëtu'unës të ntuknipëjktaakë.

1 Reyes 15:25

Ma myëmäjtsk jëmëjtpetyën, ma yajkutukyën yë Asá jam Judá, jää ojts yë Nadab yajkutujktsoony jam Israel, yë'ë Jeroboam yë myaank ets mäjtsk jëmëjt je'eyë ojts y'ëne'emy.