1 Reyes 13:32 - Biblia Dc en Mixe de Quetzaltepec

³² jä'äxë ko mëti'ipë nyikajpxën, Wintsën ojts tyuk'ëne'emyë ko y'ënäny ko tëkokyë ja wintsë'këntyakn ets ja nyitsajptëjk mëti'ipë yaajën Betel, kopkpëky nëjkx kyutëkooytyä'äy ets näjyëtu'un tu'kë'ëyë maajaty yë Samaria kajpn tnitänën.

Biblia Mixe de Quetzaltepec

³² jä'äxë ko mëti'ipë nyikajpxën, Wintsën ojts tyuk'ëne'emyë ko y'ënäny ko tëkokyë ja wintsë'këntyakn ets ja nyitsajptëjk mëti'ipë yaajën Betel, kopkpëky nëjkx kyutëkooytyä'äy ets näjyëtu'un tu'kë'ëyë maajaty yë Samaria kajpn tnitänën.

1 Reyes 13:32 ပူးပေါင်းရင်းမြစ်များ

1 Reyes 16:24

Ojts tjuy tu'uk yë naax jam ma ja Samaria kopkën, yë'ë Semer jyä'ä, jä'ä tkujuuy tëtujk kilë aak poop pujxn; jam ojts tu'uk tkojy ja kajpn, ma ja näkyëwent'atë y'itëtyën, jä'ä txëëwmooy Samaria, jä'ä ko ja mëti'ipë ijty nyiwintsën'ajtypyën jä'ä ijty txëëwaty Semer.

1 Reyes 13:2

Mëët ja Wintsën ja kyutujkën, mëk ojts yajxon kyäjpxy, jä'ä nyi'ojëp ja wintsë'këntyakn, jëtu'un y'ënäny: Wintsë'këntyakn, wintsë'këntyakn, jëtu'un yë Wintsën y'ënä'äny: Jam ma David yë jyä'äyën jam tu'uk yë ja'ay myëxu'unk'ata'any, jä'ä txëëwata'any Josías, yë'ë nëjkx tyaj'o'kta'ay ja teetytyëjk mëti'ipë jam tuuntëpën ma ja nyitsajptëjkën ja awinax ka'apë Wyintsënëtyën, ma xëmë xykyë'ëyäkyën yë poom ets jam xyajtoy; e mijts mnëkëjxm nëjkx tno'oktë txamtë ja wyääy pyajkëty ja teetytyëjkëty.

1 Reyes 12:31

Ojts ja nyitsajptëjk tkojë ka'apë tyiosëtyën jam ma tuuntakn kajpxtaknën tunkëjxmëpë kopkëjxmëpë ets pyëjktak näjyëtu'un ja nyiteety mëti'ipë jam tim itëpën ka'apë Leví ja'ayëtyën.

2 Crónicas 25:13

E yë Amasías mëti'ipë ënety ka'ap të tkupëkyën ets pyuwa'akëtëty, mëti'ipë y'ënëmaayën ets wyimpitëty ma tyëjkëtyën, ojts tnitëkëtë ja Judá kajpn, jampaat Samaria ets Bet-horón, nitëkëëk mil ja'ay tyaj'o'ktë ets ëpëky ojts winë tyanëjkxta'atë.

1 Reyes 12:29

Ënet tu'uk jam tpëjktäky Betel ets tu'uk jam Dan.

Hechos 8:14

Ko ja ijxpëjkpëtëjk tnija'awëtyë, mëti'ipë jam jaakwë'ëmtën Jerusalén, ko tam ja Samaria mëti'ipë myëpëjktëpën ja Dios ja y'aaw y'ayuk, tää ja Pedro yajkäjxtë mëët ja Juan.

2 Reyes 17:29

E ja ja'ayëty këëkjä'ä ojts ja kyë'ëmtios tyaj'o'oyënëtë maajaty kajpn tsyoontën ets jam tpëjktaktë tunkëjxm kopkkëjxm ma ja tsajptëjkën mëti'ipë ja Samaria ja'ayëty të tkojtën.