1 Reyes 13:29 - Biblia Dc en Mixe de Quetzaltepec

²⁹ Ënet ja mëjja'aypyë ja käjpxynyajxpë tyajpëtë'ky ja nyini'kx ja käjpxynyajxpë jampë tsyoonyën Judá ets jam tyajpejty krukts këjxm ets ojts tmënëjkxy ma kyajpnën; jamts ojts tnimony tnituky ets tyajnaaxtëjkëy.

Biblia Mixe de Quetzaltepec

²⁹ Ënät ja mëjja'aypyë ja käjpxynyajxpë tyajpëtë'ky ja nyini'kx ja käjpxynyajxpë jampë tsyoonyën Judá ets jam tyajpejty krukts këjxm ets ojts tmënëjkxy ma kyajpnën; jamts ojts tnimony tnituky ets tyajnaaxtëjkëy.

1 Reyes 13:29 ပူးပေါင်းရင်းမြစ်များ

1 Reyes 13:28

Ënet ja mëjja'aypyë käjpxynyajxpë ojts nyijkxy, ma jam ja o'kpën, tu'ujotm tpaty, tamnëm nyatänëty ja kaa ets ja krukts. Ja mëj kaa ka'ap ënety tsu'utsynyëm ja o'kpë, nän ka'ap ënety wi'ix të tuny ja krukts.

1 Reyes 13:30

Jam tyajnaaxtëjkëy ma ja y'o'kpëjutën mëti'ipë kë'ëm nätyukni'oytyu'unëyën; ojts tnijë'ëy tniyä'äxy, y'ënäny: Jëëky mëku'uk, jëëky mëku'uk, ix m'ëkjaty m'ëkkëpety.

2 Reyes 23:18

Ënet ja Josías ojts ja y'ënä'ämën tyajwë'ëmy: Wä'än jëtu'un jam t'ity, ni pën mëpaat tääpë o'kpë jut tkatony. Jëtu'un ojts ka'ap ja wyääy pyajk yajmëwa'any ja Wintsën ja myëtuunpë, mëti'ipë jam Samaria të tsyoonyën.

Marcos 6:29

Ko ja Juan ja y'ijxpëjkpëtëjk nija'awëtyë, ënät tyajpëtë'ktë ja nyi'kx kyopk ets ojts tyajnaaxtëkëtë.