1 Reyes 13:2 - Biblia Dc en Mixe de Quetzaltepec

² Mëët ja Wintsën ja kyutujkën, mëk ojts yajxon kyäjpxy, jä'ä nyi'ojëp ja wintsë'këntyakn, jëtu'un y'ënäny: Wintsë'këntyakn, wintsë'këntyakn, jëtu'un yë Wintsën y'ënä'äny: Jam ma David yë jyä'äyën jam tu'uk yë ja'ay myëxu'unk'ata'any, jä'ä txëëwata'any Josías, yë'ë nëjkx tyaj'o'kta'ay ja teetytyëjk mëti'ipë jam tuuntëpën ma ja nyitsajptëjkën ja awinax ka'apë Wyintsënëtyën, ma xëmë xykyë'ëyäkyën yë poom ets jam xyajtoy; e mijts mnëkëjxm nëjkx tno'oktë txamtë ja wyääy pyajkëty ja teetytyëjkëty.

Biblia Mixe de Quetzaltepec

² Mëët ja Wintsën ja kyutujkën, mëk ojts yajxon kyäjpxy, jä'ä nyi'ojëp ja wintsë'këntyakn, jëtu'un y'ënäny: Wintsë'këntyakn, wintsë'këntyakn, jëtu'un yë Wintsën y'ënä'äny: Jam ma David yë jyä'äyën jam tu'uk yë ja'ay myëxu'unk'ata'any, jä'ä txëëwata'any Josías, yë'ë nëjkx tyaj'o'kta'ay ja teetytyëjk mëti'ipë jam tuuntëpën ma ja nyitsajptëjkën ja awinax ka'apë Wyintsënëtyën, ma xëmë xykyë'ëyäkyën yë poom ets jam xyajtoy; e mijts mnëkëjxm nëjkx tno'oktë txamtë ja wyääy pyajkëty ja teetytyëjkëty.

1 Reyes 13:2 ပူးပေါင်းရင်းမြစ်များ

1 Reyes 13:32

jä'äxë ko mëti'ipë nyikajpxën, Wintsën ojts tyuk'ëne'emyë ko y'ënäny ko tëkokyë ja wintsë'këntyakn ets ja nyitsajptëjk mëti'ipë yaajën Betel, kopkpëky nëjkx kyutëkooytyä'äy ets näjyëtu'un tu'kë'ëyë maajaty yë Samaria kajpn tnitänën.

2 Crónicas 34:1

Tuktujk ënety Josías jyëmëjt ko ojts tyëkë yajkutujkpë, i'px majktu'uk jëmëjt yajkutujky jam Jerusalén.

2 Crónicas 34:3

Ma tyuktujk jëmëjtpetyën, ma Josías tyëkën yajkutujkpë, jää yë Josías ojts ëka'any yë Wintsën t'ixta'ay, mëti'ipë y'ëwtajtën yë y'aptëjk. E ma majkmäjtsk jyëmëjpetyën jää tjëpëjktaay ja Aserá y'awinax ets ja nyitsajptëjk ja ka'apë Wyintsënëtyën ets mëti'ipëjaty ënety oytyunyën mëët yë pujxn, jampë yajpaatyën Judá ets Jerusalén,

Isaías 1:2

Mëtoow'it mijts tsajp, mijts naax, ko ja Wintsën y'ënä'äny: Tëës nyaj'u'unkyeeky ets koonëm të yä'ktakta'atë, je'eyëp ko yë'ëjëty, je'eyës të xykyäjpxy kumëtoownaxtë.

Isaías 42:9

Ëk'ixtë wi'ix të y'atëëwta'ayën mëti'ipës ojts tëëyëp nikäjpxypën, e tyam nikajpxäämpyës yë jempyë; tyam ntuknijawëtë jëyëjp ma ka'anëm tyunyënëm jyätyënëm.

Isaías 46:10

Tëëyëpës nikäjpxy mëti'ipë tunan jatanëpën, ojts nimëtyä'äkyës mëti'ipë ënety ka'ap jyätyënëm kyëpetynyëm; tëëjës n'ëna'any: Mëti'ipës të ntuknipëjktaakën kopkpëky ko tyuna'any jyata'anyë; ëjts ntuunta'ajäämpyës mëti'ipës nmääpy ntäjpyën.

Isaías 58:1

Jëtu'unës yë Wintsën të xy'ënëëmë: Ya'ax jok mëk, këtii mtsë'ëkëty. Jëtu'un ya'ax jok tä ja'ay tukxu'uxyën pujxnxuxn; tuk'ënëëmë nnaax nkajpnës wi'ix tyëkoyën, tuk'ënëëmë Jacob yë pyoky ets yë nyaax kyajpn.

Jeremias 1:2

Yë Jeremías jää ojts yë Wintsën myëkäjpxyë ma ënety yë Josías, yë Amón yë myaank, mëmajk tëkëëk jëmëjt yajkutukyën jam Judá.

Jeremias 22:29

Naax, naax, naax; mëtoow'it wi'ix yë Wintsën y'ënä'änyën.

Ezequiel 36:1

E mijts ye'etyëjk, mëmëtya'ak yë tun kopk ëjts nxëëwkyëjxmës, mëti'ipë jam ma Israel ja'ayëtyën ets xy'ënëëmëty ko wä'än tmëtoow'itë yë n'aaw n'ayukës.

Ezequiel 36:4

E miitsëty tun kopkëty mëti'ipë Israel yajpatëpën, mëtoow'itë wi'ix ja Wintsën t'ënëëmën ja tun kopk, nëë wok käätswok ets ja joyjyot; näjyëtu'un ja tukpotsykyopk ets ja naax kajpn aanë'ëk tëëtsë'ëkpë mëti'ipë jam Israel yajpatpën, mëti'ipë të myeetsyën ja myënaax myëtsëpa'an ets je'eyë të nyëxi'iky të tyukxi'ikyë.

Ezequiel 38:4

Tyam nyajwinpita'any, xu'unyës yam mpëjkta'akäämpy ma m'aawën, mijts yam nyajpëtsëmäämpy mëët yë mtsiptuunpëtëjk mëti'ipë këwaaytyuk'ënyääytyëpën, mëët yë maykyëwaay ets tsiptuunpëtëjkëty mëët yë wyit tyujkxyëty mëti'ipë myëtsiptuuntëpën, tääpë maytsyiptuunpëtëjkëty mëët yë tyiypyujxnëty ets y'akëëytyukëty ets tu'kë'ëyë mëti'ipë myëtsiptuuntëpën.

Lucas 19:40

Tääts ja Jesús y'ëtsooy: Tyam miits nëëmëtë pën yë'ë amoontëp, tsaa ya'axan jokantëp.

Deuteronomio 32:1

Ets y'ënäny: Tsajp ets naaxwiinyëtë; mëtoow'itë ya'atë aaw ayuk mëti'ipës yam nkajpxäämpyën, ja'akyukëtë yajxon.