1 Reyes 13:18 - Biblia Dc en Mixe de Quetzaltepec

¹⁸ E ja mëjja'ay ni'ikyë y'ënaan'ëtë'ëtsy: Käjpxynyajxpës ëjts näjyëtu'un, jëtu'un tä mijtsën, e yë'ëts yë Wintsën tu'uk yë kyukäjpxy të xy'ënëëmës, ko mijts nwoownëjkxëty maas yë ntëjkën ets jam nyajkay nyaj'uuky. Ya'atë ja mëjja'ay, antakp ënety,

Biblia Mixe de Quetzaltepec

¹⁸ E ja mëjja'ay ni'ikyë y'ënaan'ëtë'ëtsy: Käjpxynyajxpës ëjts näjyëtu'un, jëtu'un tä mijtsën, e yë'ëts yë Wintsën tu'uk yë kyukäjpxy të xy'ënëëmës, ko mijts nwoownëjkxëty maas yë ntëjkën ets jam nyajkay nyaj'uuky. Ya'atë ja mëjja'ay, antakp ënäty,

1 Reyes 13:18 ပူးပေါင်းရင်းမြစ်များ

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

Mateo 7:15

Näkyëwent'atëtë ma tääpë win'ë'ëmpëtëjkëtyën mëti'ipë nätyijëtëp ko Dios myëtuuntëp. Jëtu'un janty yujy janty tëtä'äky mniminëtë kupixynyën, e jap jyootjoty jëtu'un jyä'äy'atë pa'ukën.

2 Pedro 2:1

Ijtë näjyëtu'un ja ja'ayëty tëëyëp mëti'ipë nätyijëtën ko ja Dios kyäjpxynyajxpë'atëtë ma ja Israel ja'ayëtyën, tää tyam yaa jëtu'unpë ja'ayëty ma miitsëtyën. Yë'ë ja'ay tyuk'ijxpëkantëp ja jot winma'any mëti'ipë yajtëkoopyën, ets t'ixtijtëty ja Wintsën mëti'ipë të yajtso'okëtën; ko jëtu'un y'ëtë'ëtstë, ënätyë ëyo'on tpaata'antë.

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

Ezequiel 13:22

Miitsëty, tëë xy'ëtsë'ëkëtë yë oyjyä'äytyëjkëty, mëti'ipës ënety ëjts ka'ap ntuna'anyën, ni'ikyë të xyjyotmëkmo'otë yë ëxëëkja'aytyëjk ets ëxëëkpë tuntëty ets jëtu'un ka'ap yë juukyajtën nmo'otëtyës.

Jeremias 23:32

Mëtsipës nnäpyëjktä'äkyë ma tääpë käjpxynyajxpëtëjkëtyën mëti'ipë nyimëtyaktëpën ja tsuu kuma'ay ka'apë myëtëyëtyën; mëti'ipë yajwa'kxtëpën ja nnaax nkajpnës ko je'eyë twin'ëëntë. Ëjts ka'apës wi'ix të n'ënëëmëtë ets ka'ap y'ëjtsëty të nkäxtë, paaty yë'ëjëty ka'ap tjëkyepy nnaax nkajpnës tputëkëtëty. Ëjts Wintsën, ëjts ënaanp.

Jeremias 23:17

Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Jeremias 5:12

Yë Israel ja'ayëty ets Judá ja'ayëty jëkäm jëxkë'ëm ja Wintsën të tpëjkta'aktë; jëtu'un të y'ëna'antë: Dios ka'ap tii tuny. Ka'ap tii xyjyajtmëty, ka'ap tsip ets yuu y'ita'any.

Isaías 9:15

Ja këpajk, yë'ë ja mëjja'aytyëjk ets ja kopktëjkëty yaj'antijtëp, e ja pi'ixy yë'ë ja käjpxynyajxpëtëjk yaj'antijtëp mëti'ipë je'eyë antaktëpën.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

Jeremias 23:14

Tëës n'ixy wi'ix yë käjpxynyajxpëtëjk mëti'ipë Jerusalén kukajpnajtëpën, mëj këjää të tyuuntëkoytyë: Wiink ye'etyëjk wiink to'oxytyëjk mëët të y'ijt të tsyënaaynyëtë, je'eyë wyin'ëëntë y'anta'aktë; ni'ikyë tjotmëkmo'otë mëti'ipë tuuntëkooy kajpxtëkooytyëpën. Tääpë ja'ayëty jëtu'un tä yë Sodomë ja'ay, Gomorra ja'ayëtyën.

Jueces 13:3

Ënet ojts tëkok tu'uk yë Wintsën kyukäjpxy nyikëtä'äkyë ets y'ënëmaayë: Mijts ka'ap të tjëkyepy yë u'unk maay xypyaatëty xy'ixëty, e tyam yë'ëts yam ntuknijawëjäämpy ko mijts mpatäämpy m'ixäämpy tu'uk yë u'unk maay.

Gálatas 1:8

Pën jää pën mtuk'ëwa'anxëtë mëti'ipë tyijtëpën aaw ayuk oypyë ets ka'ap jyëtu'unëty ijxtëm ja oy aaw oy ayukën mëti'ipës të nnikajpxtën, kajpxpoky ja y'itëty, wä'än timpyënëty, oy y'ëjtsëty ëkë oy yë'ëjëty yë tsajpjotmëtë kukäjpxy mëti'ipë tsajpjotm tso'onpën.

1 Timoteo 4:1

Wa'ats ja Kënu'kxymyëkajtën tnikäjpxy ko ja ja'ay t'ëxmatsa'antë ja mëpëjkën ko ënety ja tiempo kyëxanë, yë'ë pyatunantëp ja ijxpëjkën ka'apë myëtëyëtyën mëti'ipë ku'oypyë jyä'ä'ajtypyën.

1 Timoteo 4:2

Yë'ë myëjpëjkta'akantëp ja ja'ay mëti'ipë wiinkë'ëy akë'ëy ja'ay'ajtpën ets mëti'ipë win'ë'ënpën, jap jyootjoty wyinma'anyjoty tsa'ay jap yajpaaty mëët ja ëxëëkpë.

1 Reyes 13:19

ja käjpxynyajxpë mëti'ipë jam tso'onpën Judá ojts pyanëjkxyë ets mëët kyääy y'uky ma tyëjkën.

1 Reyes 20:35

E jamts ojts tu'uk ja ja'ay pyëtsimy mëti'ipë ja Wintsën myëtuumpyën ets t'ënëmaay ja myëku'uk, tä ënety ja Wintsën të tyuk'ëne'emyën: Yajtsëtyujtkës, tun mëyajtën. Ja myëku'uk ka'ap ojts nyätyukmë'a'ixëty.

Proverbios 12:19

Pën mëtyakpën tëyajtën xëmë y'ita'any; e mëti'ipë je'eyë antakpën, wäänë jyuuky'ata'any.

Proverbios 12:22

Yë Dios y'ëxëëk'ijxyp yë ja'ay mëti'ipë antakpën, e mëti'ipë winë mëtëy tyuunpyën, yë'ë y'oyjya'ap.

Proverbios 19:5

Ja'ay mëti'ipë tii tëkatsy nyikäjpxypën ets ka'ap kë'ëm të t'ixy kopkpëky ko tkumëtowëty. Mëti'ipë ja'ay je'eyë antakpën, ka'ap muum oy pyëtsëmëty.

Isaías 36:10

Ets näjyëtu'un, ¿jä'ä mmay mtajyën ko ka'apës yë Wintsën xypyutëkë etsës yë mnaax mkajpn nyajkutëkoyëtyë? ¿Yë Wintsënës të xykyexy etsës ya'atë naax kajpn nyajkutëkoyëty.

Jeremias 29:31

Tuknikäx yë ayuk tëkokyë yë ja'ayëty mëti'ipë wiink naax wiink kajpn yajpatëpën tsumy matsy ets xy'ënëëmëty ko ëjts Wintsën, ëjts ënaanp: Mëët ko yë Semaías të m'ënë'ëmxëtë mëët ëjts nxëëwkyëjxmës ets ka'ap y'ëjtsëty të nkexy ets ko ka'ap y'ëjtsëty të nmo'oy ja ayuk mëti'ipë oy të xymyëtowtën ets ka'ap myëtëyëty,

Jeremias 29:32

ëjts mëti'ipë Wintsën'ajtpën, jëtu'unës n'ëna'any: Ntëytyunäämpyës yë Semaías mëët tëkokyë yë y'u'unk y'ok, yë'ë ka'ap tmëët'ata'any yë y'u'unk y'ok ma naax kajpnën mëti'ipë nëjkx jotkujk jyuuky'atën, jä'ä ko wiinkjaty t'ënëmaay yë naax kajpn etsës xymyëtsiptso'ontë. Ëjts Wintsën, ëjts ënaanp.

Ezequiel 13:8

Paaty ëjts maas nWintsën'atyën jëtu'unës n'ëna'any: Miitsëty ko xynyikajpx xynyimëtya'aktë ka'apë tyiyëtyën ets mëti'ipë m'antijtëpën xy'ixtë ka'ap myëtëyëty, ëjts mëtsipës n'awinpity ma miitsëtyën. Ëjts Wintsën ëjts ënaanp.

Génesis 3:13

Ënet yë Dios tyajtëëy yë to'oxytyëjk ets t'ënëmaay: ¿Wi'ix ko jëtu'un të m'ëtë'ëtsy? Ënet yë to'oxytyëjk y'ëtsooy: Yë tsa'any yë'ëjës të xywyin'ëëny, paatyës yë tääpë ujtstëëm të një'kxy.

Génesis 27:24

Ko jatëkok tyajtëëy: ¿Janty tëytyëm m'ëna'any ko mijts mEsaujëtyë? Ets ja Jacob y'ëtsooy: Jëtu'un tëyës n'ëna'any koos nEsaujëty.

1 Reyes 22:22

ets të y'ëtsoy ko jä'ä ja käjpxynyajxpëtëjk tyuktëkëjäämpy ja jampë tyuntën ma ja yajkutujkpën ets jä'ä tkajpxtëty ja ka'apë myëtëyëtyën. Ënet ja Wintsën të y'ëtsoyë: oy tääpë winma'any, nëjkx jëtu'un tun.