1 Reyes 13:11 - Biblia Dc en Mixe de Quetzaltepec

¹¹ Ma Betel kajpnën, jam ijty tu'uk yë käjpxynyajxpë tsyëënë, mëjja'aypyë, ojts ja y'ëna'k tyukmëmëtyä'äkyë mëti'ipë ënety ja Wintsën ja kyäjpxynyajxpë jam Betel të tunyën mëti'ipë Judá tso'onpën; ojts näjyëtu'un tyukmëmëtyä'äkyë ja y'ëna'k wi'ix ja yajkutujkpë të y'ëtsoyën.

Biblia Mixe de Quetzaltepec

¹¹ Ma Betel kajpnën, jam ijty tu'uk yë käjpxynyajxpë tsyëënë, mëjja'aypyë, ojts ja y'ëna'k tyukmëmëtyä'äkyë mëti'ipë ënäty ja Wintsën ja kyäjpxynyajxpë jam Betel të tunyën mëti'ipë Judá tso'onpën; ojts näjyëtu'un tyukmëmëtyä'äkyë ja y'ëna'k wi'ix ja yajkutujkpë të y'ëtsoyën.

1 Reyes 13:11 ပူးပေါင်းရင်းမြစ်များ

2 Reyes 23:18

Ënet ja Josías ojts ja y'ënä'ämën tyajwë'ëmy: Wä'än jëtu'un jam t'ity, ni pën mëpaat tääpë o'kpë jut tkatony. Jëtu'un ojts ka'ap ja wyääy pyajk yajmëwa'any ja Wintsën ja myëtuunpë, mëti'ipë jam Samaria të tsyoonyën.

2 Pedro 2:16

E Dios yajkajpx ja Balaam ja kyërukts to'oxy ijxtëm tu'uk ja ja'ayën, ënät ojts y'oyë ko jëtu'un y'ëti'itsy.

1 Timoteo 3:5

jä'ä ko pën ka'ap tu'uk ja ja'ay tjaty yajkutukëty tyëkoty, ¿wi'ix tkëwent'ata'any ja Dios ja myëpëjkpëtëjk?

Mateo 7:22

Ko ja ja'ay yajpaye'etyëty, may nëjkx y'ëna'antë: Wintsën, Wintsën, mijts mxëëwkyëjxmës të nkajpxwa'kxtë ja Dios ja y'aaw y'ayuk, mijts mxëëwkyëjxmës ja ku'oypyë të n'ixkäxtë ets mijts mxëëwkyëjxmës may ja Dios ja myëj'ajtën të nyaj'ijxëtë.

Ezequiel 13:16

tääpë käjpxynyajxpëtëjkëty mëti'ipë ijty tëkatsy winë nyikajpxtëpën ma Israel ja'ayëtyën ets ma Jerusalén ja'ayëtyën ets ijty y'ëna'antë ko oy yë naax kajpn yajpaaty ets ka'ap jyëtu'unëty. Ëjts Wintsën, ëjts ënaanp.

Ezequiel 13:2

Nikajpxëkës yë n'aaw n'ayuk ets xy'ënëëmëty yë käjpxnyajxpëtëjk mëti'ipë kyë'ëm winma'any kyajpxtëp myëtyaktëpën, jëtu'un xy'ënëëmëty: Mëtoow'itë yë Wintsën yë y'aaw y'ayuk:

1 Reyes 13:25

E nëjkxëp ja ja'ay nyajxtëpë ets t'ijxtë ja o'kpë ets ko ja mëj kaa nän tam pya'atänëty. Ko jam jyajtë ma ja naax kajpnën ma ënety tsyëënën ja käjpxynyajxpë ja mëjja'aypyë, tääts tukmëmëtyaktë mëti'ipë ënety të t'ixtën.

1 Samuel 10:11

E ja ja'ayëty mëti'ipë ënety ja Saúl ixy'ajtëpën, ko jëtu'un y'ijxëtë näjyëtu'un y'ëtitsy y'ënäny tä ja käjpxynyajxpëtëjkëtyën, ënät nyäyajtëëwëtë: ¿Tiijën yë Quis myaank jajtëp këpäjtëp? ¿näjyëtu'unën yë Saúl të y'awinpijnë käjpxynyajxpën?

1 Reyes 13:10

Paaty ja Wintsën ja myëtuunpë wiink tu'u ojts tpëjknë ko wyimpijnë, ja tu'u mëti'ipë ënety të tkuuynyijkxyën ko jyä'äjty jam Betel ka'ap ojts yë'ë t'ëk'awinpijtënë.

1 Reyes 13:12

Tääts ja u'unkteety tyajtëëy: ¿Mëti'ipë tu'u të tmatsy? Tääts ja y'ëna'k tyuk'ëwa'anëyë mëti'ipë tu'u ënety të tpanëjkxyën ja käjpxynyajxpë jampë tsyoonyën Judá.