1 Reyes 13:1 - Biblia Dc en Mixe de Quetzaltepec

¹ Yë Jeroboam yë'ë ënety jam pyëjktäkpy yë poom ma wintsë'këntyaknën, ko tu'uk yë Wintsën yë kyäjpxynyajxpë jyä'äjty jam Betel, Judá tsyoony, Wintsën ënety të kyexyë.

Biblia Mixe de Quetzaltepec

¹ Yë Jeroboam yë'ë ënäty jam pyëjktäkpy yë poom ma wintsë'këntyaknën, ko tu'uk yë Wintsën yë kyäjpxynyajxpë jyä'äjty jam Betel, Judá tsyoony, Wintsën ënäty të kyexyë.

1 Reyes 13:1 ပူးပေါင်းရင်းမြစ်များ

2 Reyes 23:17

Tääts tyajtëëy, ¿tiipotsyën ximpë najts'ixësën? Tä ja ja'ay y'ëtsoowtë mëti'ipë jam kukajpnajtëpën: Yë'ë jam ko'knääpy ja Wintsën ja myëtuunpë, mëti'ipë ojts t'akäjpxyën ko jëtu'un jyata'any kyëpäta'any tä tyam mijts winë xytyunyën, mëët ko të xyjyijtë'kta'ay ja wintsë'këntyakn jampë Betel yajpaatyën.

1 Tesalonicenses 4:15

Paaty miitsëty ntuk'ëwaanëtë wi'ix ja Wintsën y'ënä'änyën. Mëti'ipë juuky'ajtëpën koonëm ja Wintsën myinëty, ka'ap tjëkyepy yë'ë nwinaxa'anmëty ja tëëpë y'ooktën.

Jeremias 25:3

Ma ënety majktëkëëk jëmëjt y'apetyën ma ja Josías tyëkën yajkutujkpë, yë Amón yë myaank, jam Judá ets tyampaat ma kyä'pxyën i'px tëkëëk jëmëjt, tëëjës yë Wintsën yë y'ayuk xytyuknijawë ets tëë miitsëty ntuk'ëwaanëtë kanaak'ok, e miitsëty ka'ap nijënu'un të xymyëpëktë.

Jeremias 32:29

Yë Caldeo ja'ayëty mëti'ipë jam nyitëkëjantëpën yë Jerusalén kajpn, ko ënät tnitëkëtëty, tääts tjëënmo'oja'antë ets tnino'kta'aja'antë, näjyëtu'un ja jëën tëjk ma ijty jam tëjkëjxm tmo'otën yë Baal yë wyintsë'kën, ma tukwinjoktën ja poom ets tsatym nyëë tëëpë nyimaanaxyën, mëti'ipës ojts xytyuk'yajjoot'anpëktën.

Jeremias 11:12

Ënet nëjkx yë Judá ja'ayëty ets Jerusalén ja'ayëty t'amëtowtë yë näypyutëkë ma ja tyiosëtyën mëti'ipë ënety të twinno'ok të twinxamtën mëët ja poom jok, e yë'ëjëty ka'ap nëjkx myäyë yajtso'okëtëty ko ënety ja ëyo'on jotmay tyukja'tëtë.

2 Crónicas 26:18

ets ojts t'ojtë ja yajkutujkpë, jëtu'un t'ënëmaaytyë: Mijts yajkutujkpë tëë mtëkoy, jä'ä ko ka'ap myijtsëty mpaatyë xyakëty yë wintsë'kën ets mijts xytyukwino'ok xytyukwinxamëty yë poom yë Wintsën, yë teetytyëjkëty yë'ë patëtëp, yë Aarón yë y'u'unk y'ok, mëti'ipë të yajtukmëkënu'kxëtën. Paaty tim pëtsëm tyämyë, jä'ä ko mijts ka'ap yë Wintsën të xymyëj'ixy, yë'ë ka'ap t'oy'ixy ko mijts jëtu'un të m'ëtë'ëtsy.

2 Crónicas 9:29

Ma yajnimëtyä'äkyën yë Salomón, wi'ix tsyo'ontäkyën ets wi'ix jyëjpkëxyën, jap myiinta'ay këxja'ay ma ja nokyën mëti'ipë Natán jyääyën ets ma myinyën ja Ahías ja y'aaw y'ayuk jampë kyukajpnëtyën Siló, mëti'ipë Wintsën myëtuunën ets ma myinyën këxja'ay mëti'ipë ja Iddo ja Wintsën tuk'ijx tukmëtoowën wi'ix ënety ja Jeroboam jyata'any kyëpäta'anyën, ja Nabat ja myaank.

1 Reyes 20:35

E jamts ojts tu'uk ja ja'ay pyëtsimy mëti'ipë ja Wintsën myëtuumpyën ets t'ënëmaay ja myëku'uk, tä ënety ja Wintsën të tyuk'ëne'emyën: Yajtsëtyujtkës, tun mëyajtën. Ja myëku'uk ka'ap ojts nyätyukmë'a'ixëty.

1 Reyes 13:32

jä'äxë ko mëti'ipë nyikajpxën, Wintsën ojts tyuk'ëne'emyë ko y'ënäny ko tëkokyë ja wintsë'këntyakn ets ja nyitsajptëjk mëti'ipë yaajën Betel, kopkpëky nëjkx kyutëkooytyä'äy ets näjyëtu'un tu'kë'ëyë maajaty yë Samaria kajpn tnitänën.

1 Reyes 13:26

Ko tnija'awëy, ja käxynyajxpë ja mëjja'aypyë, mëti'ipë ënety ja myëku'uk të tyajwinpityën, ënät mëk yujk'ënany: Jä'ä ja käjpxynyajxpë mëti'ipë ja Wintsën të tkäjpxykyutëjyën. Paaty yë Wintsën të tyuk'akäxëty tu'uk yë mëj kaa ets të yaj'ookyë, jä'ä ko jëtu'un ojts kë'ëm y'ënë'ëmxëty.

1 Reyes 13:9

jä'ä ko yë Wintsën jëtu'unës të xy'ënëëmë: Këtii jam mkay m'uukëty ets këtii nän yë'ë tu'u xye'eyëty ko mwinpitëty ma ënety mnëjkxyën.

1 Reyes 13:5

Ma jëtu'un y'ënänyën piw nuuk ojts jyajta'ay ja wintsë'këntyakn ets ja jaam mëti'ipë jam nëkëjxmën jëtu'unyë pyojwa'kxtaay; jëtu'un jyäjty kyëpejty tä ënety ja Wintsën ja myëtuunpë të tnikäjpxyën.

1 Reyes 12:22

E ja Wintsën ënätyë ojts tmëkäjpxy tu'uk yë ja'ay mëti'ipë Wintsën oy myëtuumpyën, Semaías xyëëwajtyp ets ojts tuk'ëne'emy:

Apocalipsis 8:3

Ënet ja wiinkpë ja tsajpjotmëtë kukäjpxy ok jyaak miiny, yë'ë myëët'ajtyp yë jëën xijn, aak pu'ts pujxnpë, ets jam wya'ak o'oyëy ma ja wintsë'këntyaknën; ets yajmooy may ja poom ets jam wyintsë'kën'atëty ma ja wintsë'këntyaknën aak pu'ts pujxnpë, jam winkon ma jam Tios'ëwtatën ja naax kajpn tëëpë oy jyuuky'atën.

Malaquías 1:11

Oymyaanaax myaakajpnëty aakyë'ë oypyë xymyooytyëpës yë wintsë'kën ets aak'oy tyaktë yë pyoomëty mëti'ipës xytyukwintooytyëpën.

1 Samuel 9:6

E ja tyuunpë tyaa y'ëtsoowë: Ma ya'atë kajpnën tam tu'uk tsyëënë yë ja'ay mëti'ipë y'akäjpxypën tii yë Wintsën tyunäämpyën. Ja'am n'ëk'ijxëmë, kooxyëp xynyatuk'ëwa'anëmëty mëti'ipë tu'u mëpaat nmajtsëmë.

2 Reyes 23:15

E ja wintsë'këntyakn ets ja tëjk mëti'ipë jamën Betel, mëti'ipë ënety ja Jeroboam të tkojyën, yë Nabat yë myaank, mëti'ipë ojts ja Israel ja'ayëty tukyajpokytyunyën; ojts ja Josías wa'ats twojpë'kta'ay koonëm tyaj'awinpijtaay naaxwayën ets jëën tpëjktäky ets tnino'ktaay ja Aserá y'awinax.

2 Crónicas 26:16

Je'eyëp ko ojts nyäjyawëty tëë myëktä'äky jam ma kutujktaknën, amëj akëjxm ojts y'awinpijnë. Ka'ap ja Wintsën t'ëkmëj'ijxnë, tëjkënyëp jap tsajptëkoty kë'ëmwinma'any ets tno'ky ja poom kë'ëmwinma'any ma ja poom wintsë'këntyaknën.

1 Samuel 2:27

Jä'ä jëmëjt tu'uk yë Dios y'ayuk akajpxpë jyä'äjty ma Eli tyëjkën ets y'ënëmaayë: Jëtu'un yë Dios y'ënä'äny: Mijts yë m'ap m'ok mëti'ipë myëtuuntën yë yajkutujkpë jap Egiptë wa'ats tnija'awëtë ko ojtsës nnänyikëxë'ëkyë ma yë'ëjëtyën,

Amós 7:13

je'eyëp ko këtii tii xy'ëkkajpxnajxnëty Betel, jä'ä ko mëjtsajptëjk yë yaa ijtp mëti'ipë jyä'ä'ajtypyën yë yajkutujkpë.

Amós 7:16

Paaty n'ënëëmë ets xymyëtoow'itëty ja Wintsën ja y'aaw y'ayuk. Mijts jëtu'un m'ëna'any: Këtii nëkoo Dios yë y'aaw y'ayuk xynyimëtyakë ma Israel kajpnën ets këtii nëkoo wiinkjaty xynyimëtya'akëty yë Isaac yë y'u'unk y'ok.