1 Reyes 12:28 - Biblia Dc en Mixe de Quetzaltepec

²⁸ Ko ya'atë ja winma'any ojts yajxon tyajtëy tyajtëtä'äky, ënät ja yajkutujkpë ojts t'oytyuny mäjtsk yë tsajpkaa ayääkë, aak pu'ts pujxn mëët y'oytyunyëty ets t'ënëmaay ja naax kajpn: Miitsëty Israel ja'ayëty, tëë yowë m'ënu'kxënyëtë ko jam xëmë mnëjkxtë Jerusalén. Tyaa ja mwintsënëty, mëti'ipë ojts jap Egiptë mjuutëtën.

Biblia Mixe de Quetzaltepec

²⁸ Ko ya'atë ja winma'any ojts yajxon tyajtëy tyajtëtä'äky, ënät ja yajkutujkpë ojts t'oytyuny mäjtsk yë tsajpkaa ayääkë, aak pu'ts pujxn mëët y'oytyunyëty ets t'ënëmaay ja naax kajpn: Miitsëty Israel ja'ayëty, tëë yowë m'ënu'kxënyëtë ko jam xëmë mnëjkxtë Jerusalén. Tyaa ja mwintsënëty, mëti'ipë ojts jap Egiptë mjuutëtën.

1 Reyes 12:28 ပူးပေါင်းရင်းမြစ်များ

2 Reyes 17:16

Wa'ats tja'atyëkooytyääytyë ja Wintsën ja y'ënä'ämën tyiyajtën ets ojts tyajkojtë mäjtsk ja tsajpkaa aak pujxnëmpë; ojts tyajnikojtu'utë ja Aserá, ja mëtsa'a ets Baal.

2 Reyes 10:29

Mëti'ipë tëy, ja Jehú ka'ap ojts winë aak'oy tuny, jä'ä ko yë'ë ojts ja poky tmëtëkë, mëti'ipë näjyëtu'un tyuuntëkooyën ja Jeroboam, yë myaank yë Nabat; mëti'ipë yajpokytyuunën ja Israel ja'ayëty, jä'ä ko ojts näjyëtu'un t'ëwtajnë ja awinax jëtu'unpë kyëxë'ëkyën tä tsajpkaajën, aak pu'ts pujxnëpë mëët y'oytyunyëtyën, mëti'ipë jam yajpatpën Dan ets Betel.

Éxodo 32:8

Ka'ap ninu'un të tyimpo'oxy ets të t'ëxmatstë ja oytyu'u, mëti'ipës të ntuk'ënä'ämtën ets yë'ë tye'eytyëty. Tëë tyajkojtë tu'uk yë awinax, jëtu'umpë kyëxë'ëkyën tsajpkaajën, aak pu'ts pujxnpë mëët y'oytyunyëtyën, tam tmo'otë kanaakpëky yë wyintsë'kën, tam tmëjjaw tjaantyjawëtë ets y'ëna'antë: Israel ja'ayëty ya'atë jëtu'un mwintsën'ajtëp, mëti'ipë ojts mjuutëtën jap Egiptë.

Éxodo 32:4

ets t'ëxajëy ja pu'ts pujxn ets jap tyajwin'ë'tsy jëënjoty, yë'ë ojts mëët tyajkojy tu'uk yë awinax, jëtu'unpë kyëxë'ëkyën tä tsajpkaajën. Ënet ja mayjyä'äy y'ënaantaaytyë: Israel ja'ayëty, ya'atë jëtu'un mwintsën'ajtëp, mëti'ipë ojts jap mjuutëtën Egiptë.

2 Crónicas 11:15

Jeroboam tëë ënety kë'ëm t'ijxta'ay pën yajteety'atäämpyën ma ja tsajptëjkën ka'apë y'oyëtyën, ma ja mëjku'u t'ëwtatën, naaxpotsy ets ja awinax t'ëwtatëty mëti'ipë jëtu'un këxë'kpën tä tsajpkaa u'unkën.

2 Pedro 2:19

Tukwinwa'anëtëp ja oypyë juukyajtën tyamts pokyjotm kë'ëm y'itë, jä'ä ko ëne'emy pawopy tyaj'itë mëti'ipë të tmëmëta'aktën.

Isaías 30:10

Jëtu'un ja käjpxynyajxpë t'ënëëmëtë: Këtii nëkoo tii xy'ijxpëtsëmtëty, këtii nëkoo ja tëyajtën xytyukmëmëtya'aktëtyës. Yu'unk naxymës xymyëkajpxtëty; këtiis xypyëjkëtëty ja mëti'ipës nmaaytyëp ntajtëpën.

Isaías 30:1

Jëtu'un ja Wintsën y'ënä'äny: Janty mon janty tuk yajpaatë ja u'unk ëna'k mëti'ipë ka'ap jyä'äkyukëtën, mëti'ipë winë tyuknipëjktakëtyëpën ets ka'apës xyajtëwtë, mëti'ipë tii tyuuntëpën ets ka'apës y'ëjtsëty nwinma'anymyo'otë, jëtu'un ni'ikyë ja pyoky tyajmayëtë.

Éxodo 20:4

Ka'ap tii kë'ëm xyajkojëty ëkë xyajnikojtu'utëty mëti'ipë jam tsajpjotm ijtpën, ëkë mëti'ipë naax pa'tkë'pën, ëkë mëti'ipë jap nëëjotyën naaxpa'tkë'pë yajpaatyën.

Éxodo 1:10

Paaty tyam kopkpëky ko tu'uk yë winma'any n'ëxtä'ämyëty tii mëpaat ntu'unëmën ets këtiipë nëkooyë y'ëknimayënëtëty. Jä'ä ko pën ëëtsajtëm tsiptu'unëm jëna'a pën mëët, tsojk yë'ëjëty ja mëtsip t'ëkpuwa'kënëtëty ets ëxëëk xy'ëktu'unënëty, e je'eyë ënety ëxëëk të xytyu'unëmë tääts nyëjkxnëtëty.

Éxodo 32:25

Tä ja Moisés t'ijxy ko ja naax kajpn niwi'ixtsow tkajëkyep wi'ix y'ëmontëtyën ets yajxon tjëkyäjpnë wi'ix ja myëtsiptëjk poj'am tyukja'tëtëtyën, jä'ä ko ja Aarón ka'ap ënety të myäyë wi'ix tyaj'ëmonëtyën,

1 Reyes 14:9

Mijts ni'ik o'ktëy winë të xytyuny, këtiinëm ja mmëku'uktëjk mëti'ipë jëyëjp të tyuntën; mijts je'eyës nëkoo të xyajjoot'anpëky, ko tëkatsypë ja awinax të xyajkojy ka'apë jeexyë mëpaat xy'ëwtatën, aak pujxntsetsy, aak pu'ts pujxnpotsy ets ëjts jëkäm xypyëjktaknës.

1 Reyes 15:26

Je'eyëp ko ja tyuunk ka'ap ojts oy ja Wintsën t'ixy, jëtu'un winë ëxëëkjaty tuuny tä ja tyeetyën, je'eyë ojts tyajpokytyuny ja Israel kajpn.

1 Reyes 16:19

Paatykyëjxm jëtu'un jyäjty kyëpejty, mëët ko ojts ja nëë poky tmëtëkë ma ja naax kajpnën ets ko ojts ja Wintsën mëk tyajjoot'anpëky, jä'ä ko nän yë'ë poky ojts tuuntëkoy mëti'ipë ja Jeroboam tyuuntëkooyën.

2 Crónicas 11:14

jä'ä ko ja Leví ja'ayëty ojts t'ëxmatstë ja tyuunkëty ma ja tsajppax ets kupixyny tkëwent'atën ets ojts nyëjkxtë jam Jerusalén ets jam muum ma ja Judá nyaaxjotmën mëët ko ja Jeroboam ja jyä'äy ënety ka'ap të t'a'ixëtë ets jam tyeety'atëty.

2 Crónicas 13:8

E tyam ënät miitsëty, ka'ap yowë ninu'un xytyimmëj'ixa'antë ya'atë kutujktakn mëti'ipë Wintsën jyä'ä'ajtypyën, mëti'ipë David y'u'unk y'ok tyuunk'ajtëpën, yë'ë nyätyijyë mtukmëta'akantëp mëët ko mnimay'atë ets ko xymyëët'atë ja awinax mëti'ipë mëët y'oytyunyëtyën yë pu'ts pujxn, jëtu'unpë kyëxë'ëkyën tsajpkaa u'unkën, mëti'ipë yë Jeroboam mtukni'oytyu'unëtën ets xy'ëwtatëty.

2 Crónicas 15:3

Yë Israel jeky jëtu'unyë të y'ity, ka'ap tnijawë pën Wyintsën'ajtyp, pën mëtëy tyeety'ätyp mëti'ipë yaj'ijxpëjkpën ets tukn'ijxëyëpën winë.

2 Crónicas 17:4

yë'ë tu'ukyë tyuk'ijxpäjt ja Wintsën mëti'ipë ja tyeety y'ëwtajtën. Ojts tpatuny ja ënä'ämën tëyajtën; ka'ap ojts nëkoo tii winë tpa'ëtë'ëtsy tä ja Israel ja'ayëtyën.

2 Crónicas 21:6

Je'eyëp tëy, ko yë'ë, jëtu'un ojts winë ëxëëk tuny tä ja yajkutujkpëtëjkën mëti'ipë jam ojts tyuntën Israel ets tä ja Ahab ja y'u'unk y'okën, jä'ä ko ja tyo'oxytyëjk jä'ä ënety mëët tyu'kmëku'ukëty ja Ahab, paatykyëjxm ojts winë tuny aak ëxëëk Wintsën wyintum.

Ezequiel 23:8

Jëtu'un jap tyimtso'ontäky Egiptë ja jyot nyini'kx tmo'oy oypyënëty ets ka'ap jëtu'unpë tuunk t'ëxmajtsy. Ma y'ëna'k'ajtyën may ja ye'etyëjk ojts myëëtko'knëty ets tyajtëkooy ja y'akiixyajtën ets y'awinpijty to'oxykyujeny.

Daniel 3:1

Yë Nabucodonosor yajkutujkpë, ojts tni'ënä'ämë ets tu'uk yaj'oytyunëtyë yë awinax aakyë'ë yajtuk'oytyunëp yë pu'ts pujxn, jä'ä kyëjxmëty majkmokx xajpk ets tu'kxajpk ja mäjtsk kë'ënux myëjwiinëty ets jam ojts tni'ënä'ämë yajpëjkta'akëty ma ja Durá joyjotmën, mëti'ipë nyitënääpyën yë Babilonyë.

Oseas 10:8

Kutëkooytya'ajaanp yë awinax yë tsyajptëjk ma Israel ja'ay ijty pyokytyuntën. Jam ma y'awinaxëtyën äpny ets aay ujts nëjkx jam yony ets nëjkx yë ja'ay yë'ëpaat tjatsoktë ets jeexyë y'ujts nyiyoontëkoytyë ets nëjkxëp jya'ëna'antë ets jeexyë kopk nyija'awpätëtë.

Amós 5:5

Këtii jam Betel ets Guilgal mnëjkxtë ets këtii jam Beerseba mtimnyaxtëty, jä'ä ko yë Guilgal ja'ayëty tsumy matsy yajmënëjkxa'antë wiink naax wiink kajpn ets Betel axit ako'owë jyajta'aja'any.

Amós 8:14

Mëti'ipë ënety të t'ëwtatën Samariëpë awinax, mëti'ipë ënantëpën: Juuky yë tios, juuky yë Dan, juuky yë Beerseba, nëjkxëp yuukëtaawta'atë ets ka'ap nëjkx y'ëkpëtë'knëtë.

1 Samuel 27:1

David kä'äpyëm ënety jotkujk nyäjyawëty, paaty ojts myäy tyäjy: Yë Saúl tsojkës yë ëwään jëpom xyaj'ookëty. Ni'ik oy'atëp koos nkä'äkëty, jamës nnëjkxëty ma filistejë ja'ayëtyën. Jëtu'un'äämpy ka'apës xëmë nmayëty ntajëty ets ka'apës nëkoo Saúl xy'ixjëtit xypyajëtitëty ma Israel yë naaxjotmën. Ni'ik oyës ntimnyäjyëpëkëtëty.

2 Reyes 17:8

jëtu'un ojts winë tuunëtë tä ja naax kajpn ja jyot wyinma'anyëtyën ets ja tyu'unën kyajpxënëtyën mëti'ipë ënety ja Wintsën të t'ëxwojpta'ayën ma yë'ëjëtyën; jëtu'un tä ënety myinyën kuja'ay kukeetsy ma ja ënä'ämën kutujkënën mëti'ipë ja yajkutujkpë ja'ayëty yajwë'ëmtën.

2 Crónicas 33:7

Wiink awinax ojts jap tsajptëkoty tpëjktaknë ma ja Wintsën ja jyëën tyëjkën, ma ënety ja Wintsën të t'ënëëmën ja David ets ja myaank Salomón: Ya'atë tsajptëjk, mëti'ipë yaa yajpatpën Jerusalén ma tsyëënëtën yë Israel ja'ayëty, ëjts njä'ä'atäämpy ets yaajës yë nxëëw yaja'amyätsëty xëmëkyëjxm.

Proverbios 14:12

Tää yë në'ë tu'u mëti'ipë oy yaj'ijxpën; e jam ma jyëjpkëjxnën okën jam.

Ezequiel 16:26

Ojts ja mjot mnini'kx xymyo'oy ja mëjëën mëtëjk, tääpë Egiptë ja'ayëty mëti'ipë mëjatyëty yë ye'etyëjkajtën etsës xyajjoot'anpëjky mëët ko ja mjot mnini'kx xymyooy oypyënëty.

Oseas 10:10

Ntëytyunäämpyës ya'atë kajpn jëna'a ënety ja njot nwinma'anyës tyim'ëna'anyën. Nëjkxëp yë naax kajpn tyukmukyë koos ënety ntukumëtoy ja y'ëxëëktu'un y'ëxëëk kajpxën.