1 Reyes 12:24 - Biblia Dc en Mixe de Quetzaltepec

²⁴ ko ëjts yam jëtu'un ni'ënä'ämëp ko këtii yë myëku'uk nëkoo mëët tsyiptuntëty, yë Israel ja'ayëty. Nikë wä'än timwyimpijta'atë ma tyëjkëtyën jä'ä ko jëtu'unës të ntuknipëjktaakë. Ko jëtu'un tmëtoowtë, ënätyë ojts jyänty wyimpijta'atë, jëtu'un tä ja Wintsën ënety të tni'ënä'ämën.

Biblia Mixe de Quetzaltepec

²⁴ ko ëjts yam jëtu'un ni'ënä'ämëp ko këtii yë myëku'uk nëkoo mëët tsyiptuntëty, yë Israel ja'ayëty. Nikë wä'än timwyimpijta'atë ma tyëjkëtyën jä'ä ko jëtu'unës të ntuknipëjktaakë. Ko jëtu'un tmëtoowtë, ënätyë ojts jyänty wyimpijta'atë, jëtu'un tä ja Wintsën ënäty të tni'ënä'ämën.

1 Reyes 12:24 ပူးပေါင်းရင်းမြစ်များ

1 Reyes 12:15

Ja yajkutujkpë ka'ap ojts timmyëj'ixy ja naax kajpn, jä'ä ko ja Wintsën ënety jëtu'un të tuknipëjktaakë ets y'atëwëty ja aaw ayuk mëti'ipë ja Wintsën të tukwinmëtoyën ja Jeroboam, yë myaank yë Nabat, ko myëëtmëtyakë ja Ahías, jampë tsyoonyën Siló.

Oseas 8:4

Ëjts ka'apës tii të xyajtëwtë ko tpëjkta'aktë yë kyutujkpëtëjkëty ets të tnikajpxpätë yë wyintsëntëjkëty maas ka'ap të nijawën. Tëë twinpëjkmuk twintuunmuktë yë pyoop pujxnëty pyu'tspujxnëty ets y'awinax të t'oytyuntë ets kë'ëm nyäyajkutëkoya'anëtë.

2 Crónicas 25:10

Ënet ja Amasías t'ënëmaaytyääy jatëkok ja ja'ayëty mëti'ipë ënety të tmëjuyën ets wyimpijta'atëty ma jyëën tyëjkëtyën, e yë'ëjëty wiink ojts tjawëtë, atsip jatëkok wyimpijtë ma tyëjkëtyën.

2 Crónicas 11:4

koos ënä'ämënës yam nyäjkpy ko këtii mëët tsyiptuntëty yë myëkä'äxtëjkëty. Wä'än yë tyëjk tpata'atë jä'ä ko ëjts ënaanp. Ko jëtu'un tmëtoowtë ja Wintsën ja y'ënä'ämën, ënät jatëkok jyänty wyimpijtaaytyë ets ka'ap ojts tnipëtë'ëktë ja Roboam.

1 Reyes 12:25

Jeroboam ojts t'akojë ja kajpn mëti'ipë ijty yajtijpën Siquem, ma Efraín nyaaxjotmën ets jam tsyënaaytyaknpëjky. Ojts näjyëtu'un t'akojë ja kajpn mëti'ipë ijty yajtijpën Penuel.

Génesis 24:50

Ënet ja Labán mëët ja tyeety Betuel y'ëtsoowtë: Tu'kë'ëyë ya'atë jam tsyoony ma Wintsënën, yë'ë ka'ap tjëkyepy ëëtsëty n'ëna'antëty jëtu'un'atëp, ëkë ka jëtu'un'atëp.

Jueces 14:4

Ja tyeety tyaakëty ka'ap ënety tnijawëtë pën Tiostëm ënety jëtu'un të tuknipëjktaakë ets ja Sansón jëtu'un myäyëty tsyajëty ets ja winma'any jëtu'un tpaatëty, t'ixta'ay wi'ix ja filistejë ja'ay t'ëknipëtë'ëkëtyën mëti'ipë ënä'ämtëpën ma Israel ja'ayëtyën.

1 Reyes 14:30

Yë Roboam xëmë ojts tsip tmëët'aty mëët yë Jeroboam.

2 Crónicas 22:7

Yë Wintsën tëë ënety tuknipëjktaakë ko tyaj'oka'any ja Ocozías ma jam tku'ixëja'anyën ja Joram. Tim je'eyë jam jyä'äjty, ënät mëët tsyo'ony yë Joram ets nëjkx nyäpyaata'anëtë mëët yë Jehú, Nimsi myaank. Yë Wintsën yë'ë ojts tuknipëky yë Jehú ets tyaj'o'kta'ajëty yë Ahab y'u'unk y'ëna'k, y'u'unk tyo'oxytyëjk.