1 Reyes 12:18 - Biblia Dc en Mixe de Quetzaltepec

¹⁸ Ko ja Roboam tjakäjpxy ja Adoram ets tni'ënä'ämëty ja tuunk mëti'ipë atsipën, ënätyë ja Israel ja'ayëty tkuka'tstë. Ënet ja Roboam ënätyë ja pyujxnwintëkäämpë tukpejty ets kyeky, jam ojts nyijkxy Jerusalén.

Biblia Mixe de Quetzaltepec

¹⁸ Ko ja Roboam tjakäjpxy ja Adoram ets tni'ënä'ämëty ja tuunk mëti'ipë atsipën, ënätyë ja Israel ja'ayëty tkuka'tstë. Ënät ja Roboam ënätyë ja pyujxnwintëkäämpë tukpejty ets kyeky, jam ojts nyijkxy Jerusalén.

1 Reyes 12:18 ပူးပေါင်းရင်းမြစ်များ

1 Reyes 4:6

yë Ahisar, jä'ä ojts y'ity pukë'ëy puxajëpë ma ja kutujkëntëjkën; yë Adoniram, myaank yë Abdá, yë'ë ojts t'ixy tuny winë ma ja tuunk tyu'uye'eyën ja atsipë.

1 Reyes 5:14

yë ya'atë ja'ayëty yë'ë ojts yajkäxtë ets jam nëjkx tyuntë Líbano, këëktu'uk po'o, nimajk milëty ojts nyëjkxtë. Ya'atë ja'ayëty jä'ä ijty nëjkx jam y'itë tu'uk po'ojatyëty ets mäjtsk po'ojëty y'itë ma tyëjkëtyën. Yë Adoniram yë'ë ojts tnikopk'aty ya'atë tuunk.

2 Samuel 20:24

Yë Adoram, yë'ë ojts yajtuknipëky ets yajja'aytyunëty ma ja atsipë ja tuunkën, yë'ë jääpyë ijt yë Josafat, yë myaank yë Ahilut.

Hechos 5:26

Tääts ja mëjtsajptëjk këwent'ajtpë wintsën ets ja tyuunpëtëjk ojts tninëjkxtë ja ijxpëjkpëtëjk; je'eyëp ko ka'ap wi'ix tuuntë, jä'ä ko tsyë'këtëp ja ja'ay ko kyuka'atsëtëty.

Amós 2:16

Jä'ä xëëw ja tsiptuunpë ja'ay mëti'ipë jotmukën pojën ja tyi'pxn ets ja kyu'umën tnajtsjëpipëja'any ets kyä'äka'any. Yë Wintsën jëtu'un ënaanp.

2 Crónicas 24:21

E ja ja'ayëty wiink tja'akyujkëtë, paaty ojts nyäkyajpxëtë ets jäpyë tsajptëkoty tyaj'o'ktë, ja yajkutujkpë Joás yë'ë ojts kë'ëm tni'ënä'ämë.

2 Crónicas 10:18

Ko yë Roboam tkejxy yë Adoram mëti'ipë ja tuunk nyikopk'ajtypyën ja atsipë, yë Israel ja'ayëty ënätyë Adoram tkuka'tstë. Ënet ja yajkutujkpë ënätyë tukpejty ja pyujxnwintëkäämpë ets kyeky, jamtsow Jerusalén kyäktsoky.

Éxodo 17:4

Tä ja Moisés tmëpëjktsooy ja Dios ets t'ënëmaay: ¿Tiijës ënät ëjts tyam ntuunta'akëp mëët yë mayjyä'äy? Ko wäänë jyaak itëty, tsojkës je'eyë xy'ëkjaakuka'tsnëtëty.