1 Reyes 12:16 - Biblia Dc en Mixe de Quetzaltepec

¹⁶ Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

Biblia Mixe de Quetzaltepec

¹⁶ Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

1 Reyes 12:16 ပူးပေါင်းရင်းမြစ်များ

2 Samuel 20:1

Ojts jam tu'uk yë ja'ay jyuuky'äty mëti'ipë ëxëëk ja jyot wyinma'anyën, ma Benjamín yë jyä'äyën; jä'ä xyëëwajtyp Sebá, yë'ë y'u'unk yë Bicri jam ënety näjyëtu'un yajpatpë Guilgal. Ënet ojts tëkok ja mayjyä'äy t'ëxëëk winkajpxë ets t'ënëmaay: Ëëtsajtëm, ka'ap nimaa ntuk'oy'ajtëm ko yë David yë'ë yaa y'ëne'emy ëkë yajkutuky, mëti'ipë yë Jesé myaank'ajtypyën, paaty yam miitsëty n'ënëëmëtë: Nikë nëjkxta'atë ma mjëën mtëjkëtyën.

Jeremias 33:21

Timjëtu'un yaj'ëwxity jëna'a tyunyë jyätyë ja käjpxytyu'unën mëti'ipës ntuunën mëët ja ntuunpës David. Ka'ap tjëkyepy wiink ja'ay jam y'ënä'ämëty ma ja David ja kyutujktaknën ets wiink ja'ay tyeety'atëty ets y'itëty Leví ja'ay mëti'ipës xymyëtuuntëpën.

2 Crónicas 10:16

Ko ja naax kajpn t'ijxy ko ka'ap ja yajkutujkpë të myëjpëjktä'äkyë, tä y'ëtsoowinpijtë: Ëëtsëty ka'ap kyopkpëkyëty nmëjwa'kpätëtyës yë David. Nitii näykyumayë ëëts nkajëjp'ixtë mëët yë Jesé myaank. Paaty tsojk ntimjya'amta'ayëmë ma ntëjk'ajtëmën Israel ja'ayëty. E yë David wä'än yi'iyë y'u'unk tyo'oxytyëjk t'ixy tuny. Ja Israel ja'ayëty ënety tsyo'ontaaytyë ets nyëjkxtaaytyë ma ja tyëjkëtyën.

Isaías 7:2

Jää jëmëjt ojts ja aaw ayuk tukninëjkxtë ja yajkutujkpë Ahaz ma ja jyëën tyëjkën, jëtu'un t'ënëmaaytyë: Yë yajkutujkpëtëjk mëti'ipë Siria ja'ayëtyën tëë käjpxytyu'unën tuntë mëët yë Efraín ja'ayëty. Tä ja yajkutujkpë tyëjkëy tsëyuuypyë mëët ja nyaax kyajpn ijxtëm aay kepy tsyëtyuyën ko pyojyu'kxy.

Salmos 132:17

Ëjts n'ëwa'atsäämpy ets ja David ja y'ënä'ämën kyutujkën jam jatëkok tsyo'onta'akëty, tëës tu'uk ja kutë'kxn nnipëjktaakë mëti'ipë kutë'kx kujajëtëpën ja nyajkutujkpës.

Salmos 76:10

Ko yë naaxwiinyëtë ja'ay jyoot'anpëky, mijts ni'ikyë mxoontä'äky, oyxyëp janty tu'k nu'unën jyoot'anpëky, mijts jëtu'un xyjyawë tä jeexyë tu'uk yë kujän myajtukujenyën.

1 Reyes 22:36

Tam ënety ja xëëw kyëtaknë ko ja aaw ayuk ojts pyaatëtë ja tsiptuunpëtëjkëty mëti'ipë Israel ja'ayëtyën: Wä'än tnëjkxta'atë ma nyaax kyajpnëtyën ets wä'än tpaatë tyëjkëty,

1 Reyes 22:17

Ënet ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

1 Reyes 11:39

E yë'ëts ënät ja David ja y'u'unk y'ok, tyamës ja ntukukëpäta'any mëët ko të pyokytyuny, je'eyëp ko ka'ap xëmë jëtu'un tyim ita'any.

1 Reyes 11:36

Je'eyës ja myaank ntukmëwë'ëma'any tu'kkajpn, jëtu'untsës ja tyë'kxën jyajjën ja David, ja ntuunpës y'ijtëwëty ma ja Jerusalén kajpnën; ja kajpn mëti'ipës ojts nwin'ixyën ets jam ja nxëëwës yaja'amyätsëty.

1 Reyes 11:34

E ëjts kajtsës tukë'ëyë ntimpyëjkëja'any ja kuttujkën, njaakyajtunäämpyës ets jyaak yajkutukëty mapaat jyuuky'ätyën, mëët koos ja David n'oyjyawë, mëti'ipës nwin'ijxën ets pyatuun ja n'ënä'ämënës ntëyajtënës.

1 Reyes 11:13

E kajtsës yam ntimy'ënä'äny ets tëkokyë ntimpyëjkëtya'aja'anyës ja kyutujkën: yë'ëjës ntukmëwë'ëmäämpy tu'uk yë jyä'äy, mëët koos njoot'aty ja mteety ets ja Jerusalén kajpn mëti'ipës kë'ëm nwin'ijxën.

2 Samuel 16:11

Ets tni''ijxwinpijty yë Abisai ets ja tsyiptuunpë wintsën, t'ënëmaay: Pën yë'ëpaatës yë nkë'ëm u'unk xyaj'ooka'any, wi'ixpëm jëtää yë ja'ay ka'apës mpën'atyën tä yë Benjamín y'u'unk y'okën. Wä'än t'ixy pën xypyojkpës, yë Wintsën ënät të tyuk'ëne'emyë.

2 Samuel 15:13

Tu'ukës ojts ja ja'ay poj'am tuk'ëwaanë ja David ko jam ja Israel ja'ayëty nyikäjpxtyunëty mëët ja Absalón.

Jueces 8:35

Ka'ap ojts jëtu'un t'oyjyawëtë ja Jerubaal ja y'u'unk tyo'oxytyëjk tä ënety jyapaatyën, oy winë mëj këjää tjatuuny ma yë'ëjëtyën mëti'ipë ojts tuk'oy'atën.

Lucas 19:27

E ja nmëtsipës mëti'ipë ka'ap të tsoktën etsës ëjts nyajkutukëty, yaa yajmintë ets xyaj'ooktëty ëjts nwintuuyës.

Lucas 19:14

E jam ma kyajpnën may ja ja'ay jam myëtsip'atyë, paaty tkäjxtë ja kukäjpxy ets nëëmëtëty: ka'apës ntsoktë ets ya'atë ja'ay yë'ë xy'ënä'ämtëtyës.

Juan 13:8

Ënet ja Pedro y'ënäny: Kajëna'ajës nkakupëkëty ets mijts yë ntekyës xypyujëty. Ënet ja Jesús y'ëtsooy: Pën ka'ap yë mteky npujëm, ka'ap myajpaata'any ma ëjtsën.

1 Reyes 11:11

Paatykyëjxm, ja Wintsën t'ënëmaay ja Salomón: Mëët ko ja jëtu'unpë ja winma'any të xypyääty ets tëkatsy winë të xytyuny ets ka'ap të xy'ëkuuytyuunë tä ja käjpxytyu'unën myinyën ets tä ja ënä'ämën tëyajtënën mëti'ipë nmooyën; tyam njëpëkäämpyës ma mijtsën ja kuttujkën etsës yë'ë nmo'oja'any tu'uk ja ja'ay mëti'ipë mëtuunëpën.

1 Reyes 11:35

Je'eyëp ko ja myaank yë'ëjës tëy mpëjkëjäämpy ja kutujktakn ets mijts nmo'oja'any ja majk kajpn.

Isaías 7:17

Yë Wintsën yajminäämpy ja xëëw jëmëjt mëti'ipë ka'ap nijëna'a yaj'ixynyëmën maju'unëm yë Efraín nyäpyuwa'ktu'utyën mëët yë Judá.

Ezequiel 37:16

Kajpë'ëk tu'uk yë kepy ets jam mkëxja'ajëty, jëtu'un xyaj'ëna'anëty: Yë Judá kajpn ets tëkokyë yë Israel kajpn mëti'ipë mëët tu'ukyë nyäyaj'ityën. Kajpë'ëk wiinkpë kepy ets jam mkëxja'ajëty, jëtu'un xyaj'ëna'anëty: José, mëti'ipë yë Efraín kutënaayëpën ets tu'kë'ëyë yë Israel kajpn mëti'ipë mëët tu'ukyë nyäyaj'ityën.

Jueces 9:28

Ja Gáal ëmu'ukyë y'ënäny: ¿Wi'ix tyimnäjya'awëyënë yë Abimélec? Yë'ëts yë Jerubaal je'eyë myaank ets yë'ë këwen'ajtëp ets putëjkëyëp yë Zebul, e ëëtsajtëm: ¿Tii ko ënät yë'ë je'eyë tuunpë xywya'anmëty? Oy ntu'unmëty je'eyëp ko yë'ë Siquem nmëtu'unmëp mëti'ipë ya'atë Siquem kajpn yaj'ixtakën ets ka'ap yë'ëjëty yë Abimélec.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

Marcos 3:24

Ko tu'uk ja naax kajpn nyäpyëjkwa'kxëtëty, ka'ap oy ja mëk'ajtën tmëët'atëty,