1 Reyes 12:15 - Biblia Dc en Mixe de Quetzaltepec

¹⁵ Ja yajkutujkpë ka'ap ojts timmyëj'ixy ja naax kajpn, jä'ä ko ja Wintsën ënety jëtu'un të tuknipëjktaakë ets y'atëwëty ja aaw ayuk mëti'ipë ja Wintsën të tukwinmëtoyën ja Jeroboam, yë myaank yë Nabat, ko myëëtmëtyakë ja Ahías, jampë tsyoonyën Siló.

Biblia Mixe de Quetzaltepec

¹⁵ Ja yajkutujkpë ka'ap ojts timmyëj'ixy ja naax kajpn, jä'ä ko ja Wintsën ënäty jëtu'un të tuknipëjktaakë ets y'atëwëty ja aaw ayuk mëti'ipë ja Wintsën të tukwinmëtoyën ja Jeroboam, yë myaank yë Nabat, ko myëëtmëtyakë ja Ahías, jampë tsyoonyën Siló.

1 Reyes 12:15 ပူးပေါင်းရင်းမြစ်များ

1 Reyes 12:24

ko ëjts yam jëtu'un ni'ënä'ämëp ko këtii yë myëku'uk nëkoo mëët tsyiptuntëty, yë Israel ja'ayëty. Nikë wä'än timwyimpijta'atë ma tyëjkëtyën jä'ä ko jëtu'unës të ntuknipëjktaakë. Ko jëtu'un tmëtoowtë, ënätyë ojts jyänty wyimpijta'atë, jëtu'un tä ja Wintsën ënety të tni'ënä'ämën.

Jueces 14:4

Ja tyeety tyaakëty ka'ap ënety tnijawëtë pën Tiostëm ënety jëtu'un të tuknipëjktaakë ets ja Sansón jëtu'un myäyëty tsyajëty ets ja winma'any jëtu'un tpaatëty, t'ixta'ay wi'ix ja filistejë ja'ay t'ëknipëtë'ëkëtyën mëti'ipë ënä'ämtëpën ma Israel ja'ayëtyën.

Deuteronomio 2:30

E ja yajkutujkpë Sihón ka'ap t'a'ijxëy etsës jam naxtëty ma ja nyaax itjotmën. Jä'ä ko ja Wintsën, mëti'ipë miits mTiosajtëpën yë'ë ënety të tuknipëjktaakë ets ka'ap t'a'ixëty jam pën nyaxëty ets tjëkyäpëty wi'ix tkë'ëyakëtyën ma miitsëtyën, jëtu'un tä xy'ixtën tyampaat.

2 Crónicas 25:20

Ja Amasías kyatimtyuunpy ja këwentë, oy jëtu'un ja Joás jya'ëna'any, jä'ä ko Wintsën tëë ënety kë'ëm tuknipëjktaakë ko Edom ka'ap yajmëta'aka'anyë ja Joás, mëët ko ja Edom wiinktsow ja wyinma'any tpëjktäky.

2 Crónicas 22:7

Yë Wintsën tëë ënety tuknipëjktaakë ko tyaj'oka'any ja Ocozías ma jam tku'ixëja'anyën ja Joram. Tim je'eyë jam jyä'äjty, ënät mëët tsyo'ony yë Joram ets nëjkx nyäpyaata'anëtë mëët yë Jehú, Nimsi myaank. Yë Wintsën yë'ë ojts tuknipëky yë Jehú ets tyaj'o'kta'ajëty yë Ahab y'u'unk y'ëna'k, y'u'unk tyo'oxytyëjk.

2 Crónicas 10:15

Jëtu'un'äämpy ja yajkutujkpë ka'ap ja naax kajpn tmëmëtooy, jä'ä ko Wintsënën ënety kë'ëm të tnipëjktaakë ets jëtu'un jyatëty kyëpätëty, jëtu'un'äämpy y'atëwëty ja Wintsën ja y'aaw y'ayuk mëti'ipë tyukwinwa'anëyën ja Jeroboam, Nabat yë myaank, mëët ja Ahías, jampë kyukajpnëtyën Siló.

1 Reyes 11:11

Paatykyëjxm, ja Wintsën t'ënëmaay ja Salomón: Mëët ko ja jëtu'unpë ja winma'any të xypyääty ets tëkatsy winë të xytyuny ets ka'ap të xy'ëkuuytyuunë tä ja käjpxytyu'unën myinyën ets tä ja ënä'ämën tëyajtënën mëti'ipë nmooyën; tyam njëpëkäämpyës ma mijtsën ja kuttujkën etsës yë'ë nmo'oja'any tu'uk ja ja'ay mëti'ipë mëtuunëpën.

Hechos 4:28

Jëtu'un winë të tuntë ijxtëm ënety mijts të xytyuknipëjktaakën tyunëtëty jyatëtëty.

Hechos 2:23

Tääpë ye'etyëjk, ojts miits myajtukë'ëtëkëtë, ijxtëm ja Dios ënety të tuknimay të tuknitajën, miits ojts xyaj'ooktë, ko ja ëxëëkja'aytyëjk xytyukyajkruutspäjtë.

Amós 3:6

ko yajtukxu'uxy yë tsajpkaawaj, ënätyë ja'ay tsyë'ëkëtë; ko tii ëyo'on kyëtä'äky ma naax kajpnën Wintsënën të tnipëjktaakë.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

2 Crónicas 25:16

Ko jëtu'un ja Wintsën ja tyuunpë t'ënëmaay ja yajkutujkpë, ënät ja yajkutujkpë ojts tyukjoot'anpëkyë ets y'ojë, tääts y'ënëmaayë: ¿Pën mijts të mpëjktä'äkyë ëëwijpë kajpxwijpë? Këtii nëkoo tii ajotkumonë xy'ëwëty xykyajpxëty. ¿Ti yë'ëmës mijts mtsojkpy ets m'ookëtyë? Ja Wintsën ja tyuunpë ka'ap ojts nëkoo tii t'ëkajpxnë, je'eyë ojts ok jyaak'ëna'any: Ëjts nija'apës ko yë Wintsën tëë tuknipëjktaakë ko myaj'ooka'anyë, mëët ko mijts ka'ap yë n'aaw n'ayukës të xymyëjpëjktä'äky.

2 Reyes 10:10

E tyam yajxon xynyijawëtëty ko tëkokyë mëti'ipë yë Wintsën nyikajpxën wi'ix ënety jyata'any kyëpäta'anyën ja Ahab ja y'u'unk y'ëna'k ets ja jyiiky myëku'uk, nitu'uk kyaninaxa'any. Tëkokyë mëti'ipë tyam yaj'ijxp yajtuunpën tëë yë Wintsën tnikajpxta'ay mëët yë tyuunpë Elías.

2 Reyes 9:36

Ënet wyimpijtë jatëkok ets tuk'ëwaanëja'antë ja Jehú, tä ja Jehú ojts tnimëtyä'äky: Tëëyëp yë Wintsën ënety t'akajpxpë mëët yë tyuunpë mëti'ipë xyëëwajtypyën Elías, jampë kyukajpnëtyën Tisbé, ko yë Jezabel, yë'ë nëjkx yë jyot nyini'kx tsyu'tsxëty yë uk jam ma Jezreel nyaaxjot kyamjotmën,

1 Reyes 22:23

E tyam tëë xynyijawë ko yë'ë të tkexy tu'uk yë y'ëxëëkpoj mëti'ipë ka'ap tii mëtëy të tnikäjpxyën ets ënät je'eyë o'ktëy mjatëty mkëpätëty.

2 Samuel 17:14

Absalón ets tëkokyë yë Israel ja'ayëty ojts tkajpxmuktë ko oy ni'ik tmëtoowtë ijxtëm ja Husai myäy tyäjyën ets ijxtëm të tuknipëjktaakën këtiinëm jyëtu'unëty ja Ahitófel. Ja Wintsën ënety jëtu'un të tnipëjktaakë ets tjo'opanë ja Ahitófel ja wyinma'any mëti'ipë jeexyë tuunpën, mëët ko ënety jä'ä t'ëyo'onmo'oja'any ja Absalón.

Hechos 3:17

Mëku'uktëjkëty, ëjts nnija'apës ko miitsëty ets ja mwintsëntëjkëty xyaj'o'ktë ja Jesús, ka'ap ojts xyjyä'äkyukëtë tii mtuuntëpën.

Salmos 5:10

Dios, mëti'ipës nTios'ajtypyën, tëytyun. Mijts myajkutukëp ets jëtu'unyë mya'ta'ajëty mëti'ipë myëmaay myëët'ajtëpën. Këtii xykyupëkëty, jä'ä ko këjää pyokyëty; jä'ä ko tëë mkäjpxykyumëtoownaxëtë.

1 Samuel 15:29

Jä'ä ko yë Dios mëti'ipë yë Israel kajpn mëj'äämpy jyëkyejpyën, ka'ap yë wyin'ëëny ets ka'ap yë jyot wyinma'any tyëkatsy tä yë naaxwiinyëtë ja'ayën.

Génesis 24:50

Ënet ja Labán mëët ja tyeety Betuel y'ëtsoowtë: Tu'kë'ëyë ya'atë jam tsyoony ma Wintsënën, yë'ë ka'ap tjëkyepy ëëtsëty n'ëna'antëty jëtu'un'atëp, ëkë ka jëtu'un'atëp.