1 Reyes 12:13 - Biblia Dc en Mixe de Quetzaltepec

¹³ E ja yajkutujkpë mëk ojts y'ëtsowëtë, ka'ap jyëtu'unëty tä ënety ja mëjja'aytyëjkëty të jyakäjpxymyo'oyën,

Biblia Mixe de Quetzaltepec

¹³ E ja yajkutujkpë mëk ojts y'ëtsowëtë, ka'ap jyëtu'unëty tä ënäty ja mëjja'aytyëjkëty të jyakäjpxymyo'oyën,

1 Reyes 12:13 ပူးပေါင်းရင်းမြစ်များ

Santiago 3:17

pën myëët'ajtyp ja wijyajtën kejyajtën mëti'ipë tso'onpën ma Tiosën, wa'ats yajpaatë ma jyuuky'ajtënëtyën; ka'ap maa pën mëët yë tsip tmëët'atë, tëtä'äky jyuuky'atë, yaj'ijxëtëp ja y'oyjyot y'oywyinma'anyëty. Pa'ëyoow najts'ëyo'owëtëp, pyutëjkëtyëp yë ja'ay xim yam, ëmuumtu'ukjot winë tuntë ets oy myäytyë tyajtë.

Eclesiastés 10:12

Ko yë wijyjyä'äy kyäjpxy oy yë y'aaw y'ayuk yajmëtoy, e ko yë tsuuja'ay kyäjpxy kë'ëm nyäyajtëkoyë;

Proverbios 18:23

Yë ëyoopëja'ay jëëytyakp nu'kxtakp ko kyäjpxy; e yë kumeenyjyä'äy, amëj akëjxm y'ëtsoy.

Proverbios 13:20

Yë'ë oyjyawë yë wijyjyä'äytyëjk ets wijy m'awinpitëty; yë'ë oyjyawë tsuuja'aytyëjk ets tsuu m'awinpitëty.

Proverbios 10:32

Yë wa'ats ja'ay aakyë'ë kyäjpxy oypyë; yë ëxëëk ja'ay aakyë'ë kyäjpxyp tëkatsypë.

Proverbios 10:11

Ko yë wa'ats ja'ay kyäjpxy, yajjotkujktäkpy yë juukyajtën; yë ëxëëk ja'ay o'ktëy tyunyë tsip käjpxy.

2 Samuel 19:43

Tä ja Israel ja'ayëty y'ëtsoowtë: Ëëtsëty xypyatëp ni'ik etsës yë yajkutujkpë nmëtuntëty këtiinëm miitsëty ets ko mpatëkëja'anmëty ma tikts aats yajmëët'atyën, ëëts kä'äxkopk yë nteety'ajt n'ap'ajtëpës, miitsëty utymyës yë'ëjëty. E paaty ënät, ¿tii ko miitsëty ëxkexy ëxwa'any xyaj'itës? ¿Ëk ja'amyätstë tii këtii y'ëëts'atë ojts jëyëjp n'ëna'antë ets yajkutujkpë wyimpitëty jatëkok ma ja nyaax kyajpnënë? E ko jyëtu'un'ajnë, ja Judá ja jyä'äyëty ni'ik ojts yaj'ijxnëtë y'ëwa'antaknëtë ka'ap jyëtu'unëty ja Israel ja'ayëty.

1 Samuel 20:10

Tä ja David yajtëëwë: ¿Wi'ixës nijawëty ko ënety ja mteety ka'ap oy m'ëtsoyë?

Éxodo 10:28

Ja mëj'ënä'ämpë tyaa ojts ja Moisés t'ënëëmë: Nëjkx, winwa'ktutkës yaa ets ijxkëm ko jatëkok yaa miny, pën jääjës jatëkok yaa xynyiminy, ka'ap m'ëk näjyëjp'ijxënëty juuky mwinpitëty.

Éxodo 5:2

Ënet ja mëj'ënä'ämpë y'ëtsooy. ¿Pën Wintsënëtën m'antijpy ets pën timyë'ënë etsës ënät nmëmëtowëty ëkë etsës ënät yam najtsmajtsëpëty yë Israel ja'ayëty? Tääpë wintsën xynyikäjpxyën, ka'apës n'ixy'äty ets näy ka'apës yam n'ëxmatsëty yë Israel ja'ayëty.

Génesis 42:30

Ja ja'ay mëti'ipë jap ënä'ämpë'ajtpën Egiptë, janty ëxëëkëty të xy'ëktimmyëkajpxnëtës, etsës të xy'ënëëmëtë ko ëëtsëty je'eyës jap nëjkxtë kyajpnjoty ijxpë wo'ompë ets n'ixa'antës tii myëët'ajt kyamëët'ajtëp.

Génesis 42:7

José ojts t'ixkäpy ja y'äjtytyëjk, ko t'ijxy; jëtu'un ojts nyäpyëjktä'äkyë ijxtëm jeexyë ka'ap t'ixkäpyën ets tyajtëëy: Miitsëty ¿Maaxë mtsoontë? Canaán ëëts ntsoontë tsajpmok njuyantëpës, jëtu'un y'ëtsoowtë yë'ëjëty.

Génesis 16:6

Tä ja Abram y'ëtsooy ja tyo'oxytyëjk: Yë mtuunpë mijts mkë'ë'am'ajtyp, mijts mnija'ap wi'ix xytyuna'any. Ënet ja Sarai tukjoot'anpëjky ja Agar ets koonëm tyajkeky.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

1 Reyes 12:12

Kom tëkëëk xëëw ojts ja Jeroboam jam nyäwya'këxë'ëkyë mëët ja naax kajpn ma ja Roboamën, jëtu'un tä ënety ja yajkutujkpë të y'ënë'ëmxëtën.

1 Reyes 12:14

jä'ä ojts tkäjpxy ja aaw ayuk mëti'ipë ënety ja ëna'ktëjk të tnikajpxtën, ko ënety të y'ënë'ëmxëty: Pën ja tyeety mëk ojts ja tuunk myo'ojëtë, yë'ë jaakwäänë mëk tyaka'any ja tuunk, ëkë pën ojts ja tyeety tyukwopëtë ja tejpxy yë'ë nëjkxëp tyukwopëtë ja po'oxu'tsn mëti'ipë pujxn jyëjp'ajtypyën.

Eclesiastés 2:19

E ja ja'ay mëti'ipës ënety xykyutëjkëpën oy ja ënety wyijyëty ets oy ja ënety tsyuujëty, je'eyëm ja tjä'ä'ajta'aja'any mëti'ipës ënety të nyajnituunkën ets npaaty të n'ixyën mëëtës yë njot nmëjaaw ets wijyajtën kujk'ajtën naaxwiiny naaxkëjxy. Tääpë nän natëkë winma'any yë'ë.