1 Reyes 11:7 - Biblia Dc en Mixe de Quetzaltepec

⁷ Jä'ä xëëw jä'ä jëmëjt yë Salomón ojts tu'uk tyajkojy yë tsyajptëjk ja Quemós, jamtsow awinm ma Jerusalén kajpnën, mëti'ipë yë Moab ja'ayëty myëjja'awëtëpën, ka'apë ninu'un y'ijxnëtyën ets ja Moloc mëti'ipë yë Amón ja'ayëty myëjja'awëtëpën; jam ojts tkojy ja tsajptëjk kopkkëjxm ma ja Jerusalén kajpn pa'tkën, maatsow yë xëëw pyëtsimyën.

Biblia Mixe de Quetzaltepec

⁷ Jä'ä xëëw jä'ä jëmëjt yë Salomón ojts tu'uk tyajkojy yë tsyajptëjk ja Quemós, jamtsow awinm ma Jerusalén kajpnën, mëti'ipë yë Moab ja'ayëty myëjja'awëtëpën, ka'apë ninu'un y'ijxnëtyën ets ja Moloc mëti'ipë yë Amón ja'ayëty myëjja'awëtëpën; jam ojts tkojy ja tsajptëjk kopkkëjxm ma ja Jerusalén kajpn pa'tkën, maatsow yë xëëw pyëtsimyën.

1 Reyes 11:7 ပူးပေါင်းရင်းမြစ်များ

Jueces 11:24

Yë Quemós mëti'ipë mTios'ajtypyën, ko tii mo'oyë, mijts mjä'äniwäämpy yë'ë: ¿Këtiijë? E näjyëtu'untsën ëëtsëty Tiosës ya'atë naaxwiinyëtë të xymyo'otë, paatyës njä'äniwa'antë.

Hechos 7:43

Tëkatsy miits winë të xytyuntë, tëë ja Moloc ets ja mëtsa'a Refán ja tsyajptëjk xyaj'ujtstaayëtë mëët ja awinax mëti'ipë kë'ëm të xyajkojtën ets xy'ëwtata'antë. Paaty miits nkäjxpëtsëma'antë ets myajmënëjkxtëty tsumy matsy jam Babilonyë. Ënet ja Esteban jyaak'ënany:

Hechos 1:12

Tääts ja ijxpëjkpëtëjk tsyo'ontë jam ma ja Olivo Kopkën ets nyëjkxtë Jerusalén. Je'eyë ojts tu'uk mil metrën ye'eytyë, jä'ä ko jëtu'un ja Jutiis ja'ayëty ja y'ënä'ämën y'ëna'antë, ko wäänë ye'eytyëty po'kxënxëëw.

Hechos 1:9

Ko ja Jesús kyajpxtaay, tääts nän jämyë ijxwintë'kxyë tsyajpejty ets yu'tsëy ja yoots.

Mateo 26:30

Ko y'ëëwtaaytyë tääts ojts nyëjkxtë ma Olivos kopkën.

Zacarías 14:4

Jä'ä xëëw jam yë Wintsën wya'kta'atsa'any ma Olivë kopkën, mëti'ipë yajpatpën winkon ma Jerusalén kajpnën, maatsow yë xëëw pyëtsimyën. Tu'uk yë mëj joyjyot nëjkx tyajwä'kxy mäjtskpëky yë Olivë kopk. Tu'kpëky nëjkx nyasjäxë anëkëjxytsyow ets tu'kpëky nëjkx nyasjäxë ëpa'tkë'ëytsyow,

Daniel 12:11

Tuk mil ja mäjtsk mëko'px ja majkta'px majk nëjkx nyäxy ja xëëw ma ënety të yaj'akajpxtukyën këtiipë ja wintsë'kën y'ëkyajyajknëty ja jëpom jëpompë yajyäkyën ets ma ënety të y'ëxëëkën ja Wintsën ja tsyajptëjk.

Daniel 11:31

Yë tsyiptuunpëtëjkëty nëjkxëp tyaj'ëxëëkëtë ja tsajptëjk mëti'ipë ta'tspëkpyë, nëjkxëp t'akajpxtuktë këtiipë pën tyakëty ja wyintsë'kën jëpom jëpompë yajyäkyën ets nëjkx jam tpëjkta'aktë ja nëkooyëpë y'ëxëëk'ajnën ets mya'at'ajnën ma ja wintsë'këntyaknën.

Ezequiel 18:12

yaj'ëyoopy ja ëyoopëja'ay ets mëti'ipë yajmëyäjtypyën winë ni'ikyë tmeetsy, ka'ap tmooywinpity mëti'ipë të tpëjkën; tyuk'ijxpejtyp wiink tios ets yë'ë tyuunpy ëxëëkpës n'ixyën,

Jeremias 48:13

Jää nëjkx ja Moab nyäjya'awëpyäätyë ko kajtëm ja wyintsën Quemós të pyutëkëty ijxtëm jyapaatë'atyën, jëtu'un ijxtëm yë Israel ja'ayëty ojts nyäjyawëtën ko ja tios Betel ka'ap pyutëjkëyëtë, mëti'ipë ënety xëmë të tuk'ijxpätën.

Isaías 44:19

Ka'ap nijënu'un myäytyë tyajtë ets ka'ap nijënu'un wyinma'anypyaatë, paaty ka'ap jyä'äkyukëtë ets ka'ap tukjatë wi'ix y'ëna'antëtyën: Kujkwä'kxy ya'atë kepy të nja'axy'ätyës, ets ko të tyooytyä'äky täätsës yë tsajpkääky të ntukyajkë'ëy, tëëjës tsu'utsy ntuktsa'ay etsës të ntukkay; e ja kepy mëti'ipë të nyatëkën yë'ëjës mëët yë awinax të nyajkojy, paaty yë mëti'ipës n'ëwtajtypyën, kepy yë'ë.

Salmos 78:58

Ojts tyajjoot'anpëktë mëët ja wintsë'këntyakn, ma ja wiink tios t'ëwtatën,

2 Reyes 23:10

Josías ojts näjyëtu'un t'akajpxtuky ets ja ja'ay ka'ap ja y'u'unk y'ëna'k t'ëkyajtooy t'ëkyajxaamnëtëty ma ja potsyën, jampë yajpaatyën joyjotm ma txëëwatyën Ben-hinom ets ka'ap t'ëktukwintsë'kënëtëty ja Moloc.

2 Samuel 15:30

E ja David jamtsow ojts pya'tëkë ma ja kopk txëëwatyën Olivos; tekywya'ats ojts nyijkxy ets jëëpy yaxp, kupe'eny mëët ko ja amay jotmay tpaaty. Näyjyëtu'un tëkokyë ja ja'ayëty mëti'ipë ënety panëjkxëpën aak kupe'eny nyëjkxtë ets jëëytyëp yaxtëp.

Deuteronomio 27:15

Poky yë ja'ay wyë'ëmëty mëti'ipë yajkojpyën yë awinax, ja awinax mëti'ipë pujxn mëët y'oytyunyëtyën ets ja ja'ay mëti'ipë tyuunk'ajtypyën janty'oy ja ijxën tmo'ojëty ets ënät tpëjkta'akëty muum yu'utsytyuuy. Yë jëtu'unpë y'ëxëëk'ijxyp yë Wintsën. Ënet ja ja'ay y'ëtsowtëty: Oy, jëtu'un'atëp.

Deuteronomio 13:14

Ko jëtu'un xymyëtoy'atëty, yajxon nëjkx xynyipaye'eytyë. E pën janty tëy ko tam jëtu'unpë ja'ayëty jyëtitë, mëti'ipë je'eyë nëkoo ja jot winma'any yajtëkoyäämpyën ets wa'ats yajnijawë, ko yë Wintsën y'ëxëëk'ijxyp yë jëtu'unpë.

Génesis 33:2

Jëyëjp ojts twoowä'kxy ja nimäjtskpë ja tyo'oxytyëjktuunpë mëët ja y'u'unk y'ëna'këty. Mëmäjtsk tääts ja Lea näjyëtu'un ëpëky tpëjktäky nän mëët ja y'u'unk y'ëna'k, ets oknëm ja Raquel ëpëky tpëjktäky mëët ja myaank José.

1 Reyes 11:5

Salomón ojts t'ëwtajnë ja tsaatsetsy mëti'ipë ijty tyijtëpën Astarté, mëti'ipë ja Sidónja'ayëty wyintaj'ajtëpën ets ojts näjyëtu'un t'ëwtajnë wiinkpë ja tsaatsetsy mëti'ipë tyijtëpën Milcom, yë'ë Amón ja'ayëty ijty tyijtëp Wintsën, tu'uk awinax mëti'ipë ka'ap yë Wintsën ninu'un timy'ixa'anyën.

1 Reyes 11:6

Paatykyëjxm ja Salomón, ka'ap ojts oy tii tuny ma ja Wintsënën, jä'äkyëjxm ko ka'ap yajxon tmëmëtooy tä ënety të tunyën ja tyeety David.

1 Reyes 11:8

Aak ojts tkojta'ay ja tsyajptëjk ja naaxpotsy mëti'ipë ijty ja tyo'oxytyëjk y'ëwtajtëpën, jamts ja wyintsë'kën tmo'otë ets tyajwintoy tyajwinjoktë.

1 Reyes 15:12

Ojts t'ëxwojpta'ay ja ja'ay mëti'ipë ënety ënantëpën ko oy ko ja'ay jyot nyini'kx tooky ets ko wä'än tyajnixëëwtuny, ojts näjyëtu'un tyajkutëkooytyä'äy ja awinax mëti'ipë ënety ja y'aptëjk të tyajkojtën.

2 Crónicas 21:11

Ojts tkojy tsajptëjk ma ja'ay t'ëwtatën wiink wintsën, jam muum kopkkëjxm; yë'ë ojts ja naax kajpn yajwinma'anytyëkoyë ets ka'ap t'ëkmëj'ijxnëtë ja Wintsën mëti'ipë jamën Jerusalén ets ja y'aaw jyot ojts tyajkëjxtëkooynyëtë.

Jeremias 32:31

Maju'unëm ya'atë naax kajpn tsyo'ontä'äkyën, xëmë je'eyë xyajjoot'anpëkyës ets jëtu'un tyampaat. Paaty n'ëna'anyës koos nyajkutëkoyä'äny

Jeremias 32:35

Tëë jam näjyëtu'un yë Baal wyintsë'këntyakn tkojëtë ma Ben-hinom Joyjyotën. Jamts yë y'u'unk y'ëna'k të tyaktë kë'ëy xo'oxy ye'etyëjkpë to'oxytyëjkpë ets të tukwintsë'ëkëtë ja Moloc ets jëtu'un tyajpokytyuntë ja Judá ja'ayëty; tëë tuntë ja mëti'ipës ënety ka'ap të ni'ënä'ämën ets mëti'ipës ënety ka'ap të nmay të ntajyën.

Jeremias 48:46

Janty mon janty tuk myajpaaty mijts Moab kajpn. Mijts Quemós kajpn tëë mkutëkoy. Ja m'u'unk m'ëna'k ye'etyëjkpë to'oxytyëjkpë tsumy matsy të yajmënëjkxtë wiink naax wiink kajpn.

Miqueas 1:5

Tëkokyë ya'atë ëyo'on mëti'ipë tunan jatanëpën yë'ëkyëjxm jëtu'un jyata'any ko yë Jacob yë y'u'unk y'ok je'eyë kyäjpxykyumëtoownaxtë, mëët ko ja nëë poky të tmëtëkëtë ja Israel ja kyutujkën. ¿Ma jëtää ënät ja Jacob mëti'ipë käjpxy kyumëtoownajxpën? Tam ja Samaria. ¿Ma jëtää ënät ja wyintsë'këntyaknëty ja Judá ja'ayëty ma t'ëwtatën ja ka'apë tiosëtyën? Näy jam ja Jerusalén.