1 Reyes 11:4 - Biblia Dc en Mixe de Quetzaltepec

⁴ Ko ja Salomón ënety tëë myëjja'ayënë, ojts ja tyo'oxytyëjk tyukupëkyë ets t'ëwtatëty ja ka'apë jeexyë mëpaat t'ëwtatyën, e paaty jëtu'un jyäjty jä'ä ko ka'ap ënety ëmuumtu'ukjot të nyätyukë'ëtëkëty ja Wintsën, tä ja tyeety Davidjën.

Biblia Mixe de Quetzaltepec

⁴ Ko ja Salomón ënäty tëë myëjja'ayënë, ojts ja tyo'oxytyëjk tyukupëkyë ets t'ëwtatëty ja ka'apë jeexyë mëpaat t'ëwtatyën, e paaty jëtu'un jyäjty jä'ä ko ka'ap ënäty ëmuumtu'ukjot të nyätyukë'ëtëkëty ja Wintsën, tä ja tyeety Davidjën.

1 Reyes 11:4 ပူးပေါင်းရင်းမြစ်များ

1 Reyes 11:2

yë'ë ya'atë to'oxytyëjkëty mëti'ipë ojts yë Wintsën tnikäjpxyën ka'ap mëët ja Israel ja'ayëty pyëktëty y'uuktëty, jä'ä ko pën pëjktëp uktëp mëët kopkpëky ko ja jyot wyinma'any yajtëko'oyxyëtëty. E ja Salomón mëët ko ja tsyojkën jya'awën tyajwintu'upëjky myëëttsënaay jëtu'unpë ja to'oxytyëjk.

1 Reyes 11:33

Jä'ä ko Salomón ixtijyës xyaj'ijtnë, wiink Wintsën të tpanëjkxtëjkënë ets të t'ëwtajnë ja Astarté yë Sidónja'ayëty nyaaxpotsyëty; näjyëtu'un ja Quemós, mëti'ipë y'ëwtajtëpën yë Moab ja'ayëty ets ja Milcom mëti'ipë Amón ja'ayëty y'ëwtajtëpën. Ëjts ka'apës oy n'ixy ijxtëm yë'ë winë tunyën ets ka'ap t'ëkuuytyuunë ja n'ënä'ämënës ntëyajtënës ets ja aaw ayuk jëtu'un tä tuunyën ja David, mëti'ipë Salomón tyeety'ajtën, mëti'ipës ojts ntukmëwë'ëmyën.

1 Reyes 11:38

Pën mijts xymyëmëtoowpës ets oy winë xytyuny ets mpatuunpy ja n'ënä'ämënës ntëyajtënës, ijxtëm ja David, ja ntuunpës ojts winë tunyën, ëjts xëmës nyajpaata'any ma mijtsën ets nëjkxëp mëk ja m'ënä'ämën mkutujkën yajpaaty jampaat ma ja m'u'unk m'ëna'k ets m'ok'u'unk m'ok'ëna'k jyuuky'atën, jëtu'un tä ja David ojts ja jyä'ä mëk y'ityën ets ja y'u'unk y'ok ojts y'ënä'ämtën; mijts nëjkxëp ntukë'ëtëjkëtyä'äy ja Israel kajpn.

1 Reyes 11:42

Salomón jä'ä ojts jam y'ëne'emy Jerusalén, ma tëkokyë ja Israel kajpn tnitänën, wëxtyikxy jëmëjt,

1 Reyes 11:6

Paatykyëjxm ja Salomón, ka'ap ojts oy tii tuny ma ja Wintsënën, jä'äkyëjxm ko ka'ap yajxon tmëmëtooy tä ënety të tunyën ja tyeety David.

1 Reyes 11:9

Ja Wintsën, mëti'ipë ja Israel ja'ayëty y'ëwtajtëpën, mëk tukjoot'anpëjky ja Salomón, mëët ko ja jyot wyinma'any ënety jam të tyajjëwä'äky ma ja Wyintsënën mëti'ipë mäjtsk'ok ënety të nyänyikëxë'ëkyën ma yë'ëjën

1 Reyes 14:21

Yë Roboam, yë myaank yë Salomón, jam yajkutujky Judá. Wëxtyikxy tu'uk ënety yë jyëmëjt ko tyëjkëy yajkutujkpë, majkmokx mäjtsk jëmëjt ojts tyuny jam Jerusalén kajpnën, ja kajpn mëti'ipë ja Wintsën kë'ëm wyin'ijxën ets jam y'ita'any tsyënëja'any. Yë Roboam tyaak jä'ä ijty xyëëwajtyp Naamá, Amón ja'ay.

1 Reyes 15:14

Oy ojts ka'ap tyajkutëkooytyä'äy ja tuuntakn kajpxtakn tunkëjxmëpë kopkëjxmëpë. Yë Asá xëmë oy tmëtuuny ja Wintsën,

1 Reyes 15:3

Abiam nän yë'ë poky ojts tuny mëti'ipë ja tyeey tyuunën, ma ënety ka'ap tyëkënëm yajkutujkpë, ja jyot wyinma'any ka'ap ojts mëtëy tyaj'ity ma Wintsënën ijxtëm ja David, ja y'aptëjk.

1 Reyes 3:3

Salomón tsyojkpy jya'ap ënety ja Wintsën ets tyuunpy tä ja David të ënety të tyuk'ëne'emyën, oy jam ja wyintsë'kën xëmë tyäky ma ja tun kopkën,

1 Reyes 6:1

Salomón jää ja tsajptëjk tkojtso'ontä'äky ma ënety mëmajktaxk jëmëjt tyajtu'uye'eyën ja jyëmëjt ma y'ityën yajkutujkpë jam Israel, yë'ë ënety aanp yë po'o mëti'ipë tyijtëpën Ziv, yë mëmäjtskpë, ma të nyajxnën taxk mëko'px jëmëjt maju'unëm tsyoontën jap Egiptë.

1 Reyes 8:61

Näyjyëtu'un miitsëty ja mjot mwinma'any xëmë xyaj'itëty ma Wintsënën, mëti'ipë n'ëwtajtëmën ets mye'eytyëty mnaxtëty jëtu'un tä yë'ë tsokyën ets xytyuntëty ja y'ënä'ämën tyiyajtën tä tyamën.

1 Reyes 9:10

I'px jëmëjt ënety të nyäxy ma ja Salomón tkoj'apatëyën ja tsajptëjk ets ja akujktëjk,

1 Reyes 9:4

Pën mijts xymyëtuunpës oy tä ja mteetyën David xymyëtuunyënës, winë aaw winëjot ets pën mpatuunpy ja tëyajtën tä myinyën këxja'ay ets pën mëtoow'ijtyp ja n'ayukës,

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

1 Crónicas 29:19

Tun yë mëyajtën, mo'o yë n'u'unk nmaayës Salomón ja oypyë ma'ayën tajën ets ja oypyë jot winma'any, wä'än tyajtu'uye'ey oy tsuj yë tyuunk ma tpatunëtyën ja m'ënä'ämën mtëyajtën, mnë'ë mtu'u ets ja m'aaw m'ayuk ets yë'ë tkuuytyunëty, tkojëty ja mjëën mtëjk mëti'ipës të nitun të niye'eyën.

2 Crónicas 17:3

Yë Josafat ojts Wintsën pyutëkëty jä'ä ko oy winë tuuny jëtu'un tä ijty ja David winë tunyën, mëti'ipë y'ap'ajt y'ok'ajtën; oy ojts tyuunk tyajtso'ontä'äky. Yë'ë ka'ap nëkoo tii t'ëwtajty ets ka'ap twinkoxtënaay awinax mëti'ipë Baal jyä'ä'ajtypyën,

2 Crónicas 25:2

Amasías oy ojts winë tuny Wintsën wyintum, je'eyëp ko yë'ë ka'ap ojts jyot wyinma'any tu'ukyë tpëjktä'äky ma Wintsënën.

2 Crónicas 34:2

Yë Josías oy winë tuuny ma Wintsënën, jëtu'un tä David oy winë tuunyën, mëti'ipë yë'ë y'ap'ajt y'ok'ajtën, Josías ka'ap yë jyot wyinma'any tkë'ëyäjky ma ëxëëkpën.

Éxodo 20:3

Ka'ap wiinkpë tios xymyëët'atëty ets ënät ëjts xy'ëxtijnëty.

Deuteronomio 17:17

Ka'ap mëpaat nëkooyë yë to'oxytyëjk tmëët'aty, këtiipë nyäyajkujo'opëtëty ets pu'ts pujxn poop pujxn ka'ap nëkooyë tmëët'atëty.

Deuteronomio 7:4

Jä'ä ko tsojk nëjkx yajtu'utëkoyëtë ko jyëtu'un'atëty ets nëjkx yë Wintsën xy'ëxmajtsnëtë ets xypyanëjkxtëjkënëtëty ja wiink tios mëti'ipë ka'ap myëtëyëtyën. Ënet nëjkx ja Dios xyajjoot'anpëktë ets myajkutëkoyëtëty tu'k'ijxmi'kxyë.