1 Reyes 11:38 - Biblia Dc en Mixe de Quetzaltepec

³⁸ Pën mijts xymyëmëtoowpës ets oy winë xytyuny ets mpatuunpy ja n'ënä'ämënës ntëyajtënës, ijxtëm ja David, ja ntuunpës ojts winë tunyën, ëjts xëmës nyajpaata'any ma mijtsën ets nëjkxëp mëk ja m'ënä'ämën mkutujkën yajpaaty jampaat ma ja m'u'unk m'ëna'k ets m'ok'u'unk m'ok'ëna'k jyuuky'atën, jëtu'un tä ja David ojts ja jyä'ä mëk y'ityën ets ja y'u'unk y'ok ojts y'ënä'ämtën; mijts nëjkxëp ntukë'ëtëjkëtyä'äy ja Israel kajpn.

Biblia Mixe de Quetzaltepec

³⁸ Pën mijts xymyëmëtoowpës ets oy winë xytyuny ets mpatuunpy ja n'ënä'ämënës ntëyajtënës, ijxtëm ja David, ja ntuunpës ojts winë tunyën, ëjts xëmës nyajpaata'any ma mijtsën ets nëjkxëp mëk ja m'ënä'ämën mkutujkën yajpaaty jampaat ma ja m'u'unk m'ëna'k ets m'ok'u'unk m'ok'ëna'k jyuuky'atën, jëtu'un tä ja David ojts ja jyä'ä mëk y'ityën ets ja y'u'unk y'ok ojts y'ënä'ämtën; mijts nëjkxëp ntukë'ëtëjkëtyä'äy ja Israel kajpn.

1 Reyes 11:38 ပူးပေါင်းရင်းမြစ်များ

2 Samuel 7:11

Koos mpëjktäky ja ja'ay mëti'ipë nyitsiptuntëpën ja naax kajpn. Ëjts nëjkxëpës mijts ëwaatsëtum xëmë nyaj'ity ma ja mëtsiptëjkëtyën. Ets tyam näjyëtu'un ntuknijawë ko nmo'ojäämpy ja m'u'unk m'ok,

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Deuteronomio 31:8

Yë Wintsën yë'ë kë'ëm mtu'unwinye'eyanëp ets yë'ë mjämyëët'atanëp. Nijëna'a mka'ëxmatsa'anyë ets mkayajwë'ëma'anyë atu'uk. Paaty këtii ninu'un mmayëty mtajëty ets këtii mtsë'ëkëty mjawëty.

Zacarías 3:7

Jëtu'un yë Wintsën y'ënä'äny mëti'ipë maaytyääyëpën winë: Jam mye'eyëty mnaxëty maas yë nnë'ë ntu'ujën ets patun mëti'ipë të ntuk'ëne'emyën. Ko jëtu'un xytyunëty mijts nëjkx xymyëwë'ëmy yë tuunk maas yë ntsajptëjkën. Ets mijts nëjkx xynyikopk'aty yë ntuunpëtëjkës, anklëstëjkëty.

1 Crónicas 17:10

Koos mpëjktäky yë ja'ayëty mëti'ipë tsip'ixyëtyën ets yë'ë nnaax nkajpnës tu'uwinye'eytyëty. Ëjts jëtu'unyës nëjkx ja mëtsip njaamteeny naaxteeny. Ets tyam ntuk'ëwaanë koos nyajmayëjäämpyës yë m'u'unk m'ëna'k,

1 Reyes 6:12

Yë'ë yam ntuk'ënëëmëjäämpy mëëtpë ja tsajptëjk tyampë xykyojyën, pën jëtu'un winë xytyuny tääjës ja n'ënä'ämën ntëyajtënës ets mpatuunpy jëtu'un tääjës ja n'aaw n'ayuk të nyajwë'ëmyën,

1 Reyes 3:14

Ets näjyëtu'un, pën mijts mtuumpy tääjës të ni'ënä'ämën winë ets tääjës ja n'ënä'ämën ntëyajtën myinyën, jëtu'un tä ja mteety winë tuunyën oy, yë'ë jëtu'un ja David, mijts jeky nyajjuuky'ata'any.

2 Samuel 7:16

Yë mtëjk ets mkutujkën mëj'äämpy nëjkx xëmë y'ity, jä'ä ko ëjtsës ntimmyajts'itäämpy ets näjyëtu'un yë mkutujktakn xëmë y'ijtëwëty kojy mä'kxy.

Deuteronomio 15:5

Ënet jëtu'un pën mëmëtoopy ets mtuumpy, ijxtëm yë'ë tni'ënä'ämën, jëtu'un tä tyam të mtukmëtowëtën.

Éxodo 19:5

E paaty pën miitsëty xymyëmëtoowtëpës ets mpatuuntëp ja n'aaw n'ayukës, miits jëtu'un nëjkx nkajpn'atë ets oy miits ntsoktëty njawëtëty ma tëkokyë yë naax kajpnën, jä'ä ko tëkokyë yë naaxwiinyëtë ëjts yë xypyatääpy.

Deuteronomio 12:25

Këtii yë ne'pyny xyjyë'kxtëty ets jotkujk mjuuky'atëty, näjyëtu'un yë m'u'unk m'ëna'këty mëët ko ënety ja Wintsën ja y'aaw y'ayuk xypyatuunëtë.

1 Samuel 2:35

Etsës nëjkx kë'ëm npëjktä'äky tu'uk yë ntuunpë ets tyeety'atëty, mëti'ipës yajxon xymyëtunëpën ejxtëmës n'oyjyawën ets ja y'u'unk y'ok nëjkxëp jeky jyuuky'atë ets xëmë nëjkx mëët yajpaatë ja yajkutujkpë mëti'ipë ënety ëjts nwin'ijxypyën.

1 Reyes 11:37

Ëjts mijts yam ntuknipëjkyp ets xy'ënä'ämëty ijxtëm naje'eyë xy'a'ixën ets jam myajkutukëty ma ja Israel kajpnën.

1 Reyes 11:39

E yë'ëts ënät ja David ja y'u'unk y'ok, tyamës ja ntukukëpäta'any mëët ko të pyokytyuny, je'eyëp ko ka'ap xëmë jëtu'un tyim ita'any.

1 Reyes 11:4

Ko ja Salomón ënety tëë myëjja'ayënë, ojts ja tyo'oxytyëjk tyukupëkyë ets t'ëwtatëty ja ka'apë jeexyë mëpaat t'ëwtatyën, e paaty jëtu'un jyäjty jä'ä ko ka'ap ënety ëmuumtu'ukjot të nyätyukë'ëtëkëty ja Wintsën, tä ja tyeety Davidjën.