1 Reyes 11:27 - Biblia Dc en Mixe de Quetzaltepec

²⁷ Ko ja Jeroboam ojts tukjoot'anpëky ja Salomón jä'äkyëjxm ko ojts t'akojtuky ja patu'u jam Milo, mëti'ipë nëjkxpën ma ja David ja kyajpnën.

Biblia Mixe de Quetzaltepec

²⁷ Ko ja Jeroboam ojts tukjoot'anpëky ja Salomón jä'äkyëjxm ko ojts t'akojtuky ja patu'u jam Milo, mëti'ipë nëjkxpën ma ja David ja kyajpnën.

1 Reyes 11:27 ပူးပေါင်းရင်းမြစ်များ

1 Reyes 9:24

Ja nyëëx ja Egiptë yajkutujkpë ojts jam tsyo'onë ma ja David ja kyajpnën ets ojts nyijkxy ma ja akujktëjkën ma ja Salomón të tyuknikojëtyën. Jamts ja Salomón mëj ja naax t'akojë'ky.

1 Reyes 9:15

Salomón ots ja tuunk tyaj'ixtä'äky mëti'ipë atsipën. Jä'ä ko kopkpëky ënety tsyokyë ets yajkojëty ja tsajptëjk mëti'ipë ja Wintsën jyä'ä'atäämpyën, ja akujktëjk ets ma yaj'akojë'kyën ja tsajptëjk ets maa ja naax kajpn yajnapojtsyën. Ëpëky ma ja kajpn ojts yajkojtëpën mëti'ipë xyëëwajtëpën Hazor, Meguido ets Guézer. E tsyaats yajnikajpxa'any wi'ix ojts y'ixë'atyën.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënety jyotkujk'atyën,

Ezequiel 13:5

Nitii të tkatuntë ets Israel kajpn tkuwa'antëty ets jeexyë nyäkyuwa'anyë jä'ä xëëw ma ja Wintsën ja tsip tyaj'ita'anyën.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 22:9

ets xy'ijxpatë ko jam ma ja David ja kyajpnën ko tam ja patu'u jyätyë ets jam ojts xyu'utstë ja mnëëjëty;

Proverbios 30:32

Pën nanitsuu nanipoj mëj këjxm të mnäypyëjktä'äkyë ets ajotkumonë tii ëxëëk të xynyimay të xynyitajë, mëmay mëtaj yajxon.

Salmos 60:2

Mijts të xyajkutuky ets ja naaxwiinyëtë yu'kxëty ets y'ëwa'atsëty; e tyam yaj'ëtuk jatëkok ma të kyiitsyën, jä'ä ko jëtu'un kyëxë'ëky ni'ikyë yowë y'atëkooynyë.

Nehemías 4:7

E ko ja Sambalat, Tobías, Árabe ja'ayëty, Amón ja'ayëty ets Asdod ja'ayëty tnija'awëtyë ko ja tuunk tam je'eyëm tyu'uye'ey ëti'ity ets ko ënety tëë ja yajpojts'o'oyëtyä'äy ja potsy maajaty ënety të pyijy të kyiitsyën mëti'ipë jamë Jerusalén, ënät yajxon jyänty jyoot'anpëjktë,

2 Samuel 20:21

Ka'ap jyëtu'unëty, ëëtsëty yi'iyës n'ixtaaytyëp tu'uk yë ja'ay jam tsyoony ma Efraín yë nyaaxjotmën, jä'ä xyëëwajtyp Sebá, yë'ë nyipëtë'kpy yë yajkutujkpë David. Yi'iyës xymyo'ojëp etsës yam nëjkxtëty. Ka'ap tääpë wyi'ixëty, tyam ënät yääyë ma potsykyopkën yajkukä'tsnaxëty yë kyëpajk, jää xy'ëxajëty, jëtu'un y'ëtsooy ja to'oxytyëjk.

2 Samuel 5:7

David ka'ap tii mëj tja'awëy, ojts ja kajpn tnitëkë mëti'ipë ënety yajtijpën Sión, mëti'ipë tyam ja David kyajpn'ajtypyën.

2 Reyes 12:20

Kë'ëm ojts ja tyuunpëtëjk nyikäjpxytyunëty ets y'o'ky jap ma naax y'apojtsë'ëkyëtyën ma txëëwatyën Silá.