1 Reyes 11:24 - Biblia Dc en Mixe de Quetzaltepec

²⁴ Tëë ënety jyä'äy näjyëtu'un t'ixta'ay, aak mä'tstëp. Ko ja David ojts ja mayjyä'äy tyaj'ooky jam ojts yë Rezón jyaakäktso'oky Damaskë, jam ojts wyi'imy ënä'ämpë yajkutujkpë.

Biblia Mixe de Quetzaltepec

²⁴ Tëë ënäty jyä'äy näjyëtu'un t'ixta'ay, aak mä'tstëp. Ko ja David ojts ja mayjyä'äy tyaj'ooky jam ojts yë Rezón jyaakäktso'oky Damaskë, jam ojts wyi'imy ënä'ämpë yajkutujkpë.

1 Reyes 11:24 ပူးပေါင်းရင်းမြစ်များ

2 Samuel 10:18

ja sirië ja'ayëty ka'ap jatëkok myëtaktë; paaty ojts je'eyë tyimkäknëtë, jä'ä ko ja David ja tsyiptuunpëtëjk tëë ënety ja sirië ja'ayëty nayaj'o'knëtë niwëxtyikxy mil aakyë'ë ja tsiptuunpë mëti'ipë kwaaykyijxy ënyääytyëpën, ëpëky niwëxtujk mëko'px mëti'ipë myëtsiptuuntëpën ja pujxnwintëkäämpë; ojts näjyëtu'un ja David tyaj'ooky ja Sobac, mëti'ipë nyiwintsën'ajtypyën ja tsiptuunpëtëjk mëti'ipë sirië ja'ayëtyën.

2 Samuel 10:8

Ja Amón ja'ayëty ojts nyänyipëjktaakëtë ets tsyiptuna'antë jam ma ja kajpn yajnitëkën, e ja tsiptuunpëtëjkëty mëti'ipë jam kukajpnajtëpën Sobá ets Bet-rehob ets näjyëtu'un ja tsyiptuunpëty ja ënä'ämpëtëjkëty mëti'ipë xyëëwajtëpën Is-tob ets Maacá, jam nyäpyëjktakëtë jëkäm.

Hechos 9:2

ets ja noky tu'uk t'amëtooy ta'tspëky ets tmënëjkxa'any ets tuk'ixa'any ja ja'ay mëti'ipë ye'eymyujktëpën ma ja tsajptëjkën jam Damaskë ets t'ixta'aja'any mëti'ipë pyanëjkxtëpën ja Jempyë Në'ë Tu'u ets tyajnëjkxa'any kë'ëtsumy tekytsyumy jam Jerusalén, wä'än ye'etyëjk to'oxytyëjkëty.

1 Reyes 20:34

Tä ja Ben-adad y'ënëmaayë: Tyam jatëkok nmooytya'ajëty ja kajpn mëti'ipë ja nteetyës pyëjkëyën ja mteety; mijts oy jam mjuyëty mkëpätëty ëkë mtookëty myajkëty Damaskë, jëtu'un tä ja nteetyës jamën Samaria. Ëjts nän tyamës mijts n'ëxmatsëty, jëtu'un y'ëtsooy ja Ahab. Jëtu'un'äämpy ja Ahab tuuny ja käjpxytyu'unën mëët ja Ben-adad ets t'ëxmajtsy ets nyëjkxnë.

1 Reyes 19:15

Ënet ja Wintsën y'ënëmaayë: Nëjkx ets winpit jatëkok ma të minyën, jam të'ëts'itjotm ma txëëwatyën Damaskë. Nëjkx kënu'kx yë Hazael ets yë'ë jam y'ënä'ämëty Sirië,

Génesis 14:15

Koots yë Abram mëët yë jyä'äy tukja'ajtë ajotkumonë ja yajkutujkpëtëjk ets ojts tmëmëta'aktë, jampaat tpaja'ajtë ma ja Hobá itjotmën, mëti'ipë yajpatpën anajnytsyow ma Damaskë kajpnën.

1 Reyes 11:25

Ëxëëk ojts tsip'ixy yë Israel ja'ay ma jyuuky'äjtyën yë Salomón, paatykyëjxm ojts mëët tu'ukyë winma'any tmëët'aty ja Hadad ma ënety jam näjyëtu'un ëxëëk y'ëtëtspën, jä'ä ko ëxëëkëm ja Israel ja'ay tjanty ixy. Jëtu'un'äämpy ja Rezón tyëjkëy ënä'ämpë jam Sirië.

1 Reyes 15:18

Ënet ja Asá tyajpëtsëëmtaay ja pu'ts pujxn ets ja poop pujxn mëti'ipë ënety jap të jyaakwë'ëmyën tsajptëkoty ets jap ma ja kutujkëntëjkën ets ja tyuunpëtëjk tukmëkäjxëy ets tmo'otëty ja Ben-adad, mëti'ipë jam yajkutujkpën Sirië, ja myaank ja Tabrimón, yë y'ok'u'unk yë Hezión, mëti'ipë jam tsënääpyën Damasco. Näyjyëtu'un ja aaw ayuk tuknikejxy:

2 Reyes 8:7

Ënet ja Elisejë ojts nyijkxy jam Damaskë, jä'ä xëëw pëjkëp ënety jam yë Ben-adad, ja Siria ja'ay yajkutujkpë, ënät yajtuk'ëwa'anëy ko tëë ja käjpxynyajxpë ënety jyä'ty.

2 Reyes 14:28

Ja nyikäjpxy nyimëtyä'äky ja Jeroboam, mëti'ipë tyuunën ets wi'ix ojts winë tunyën tkäjpxyën, ma tsyiptuunyën ets wi'ix ojts jatëkok tjä'äpëkyën ja Damaskë kajpn ets ja Hamat kajpn mëti'ipë ja Israel ja'ayëty jyä'äy'ajtën, jap myiinta'ay kuja'ay ma nokyën mëti'ipë nyoky'ajtëpën ja yajkutujkpëtëjk mëti'ipë ojts jam y'ënä'ämtën Israel.

2 Samuel 8:3

David ka'ap ojts tyajmëtä'äky näjyëtu'un ja Hadad-ézer, yë myaank yë Rehob, jampë y'ëne'emyën Sobá, mëti'ipë ënety jatëkok jyä'äpëkäämpyën ja itjot jam Éufrates.

2 Samuel 10:6

Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.